الموضوع: اللي حصلي بعد مطلعت الرخصة !!!!!!!!!!

المشاركة الأصلية كتبت بواسطة moudy88

بص يا himatros انا ساكن على بعد 30 متر من المخابرات العامه (الامن القومي ) في حدائق القبه ولو تعرف ان الحدايق هي اكبر تجمع للشغالين في المخابرات في مصر ...البواب بتاعي كان في المخابرات و2 من جيراني .....ده غير اصحابي في المنطقه اللي ابائهم في المخابرات وكمان المدرسين اللي في المدرسه كانوا فيها ....اللي انا عايز اقولهولك ان الناس في المخابرات دول عاديين جدا وبسطاء ونوعين (موظفين - ضباط ) الموظفين وهما دول اللي شخصيتهم معروفه وليس لهم اي سلطه لانهم مدنيين بل بالعكس لو حصلت اي مشكله مابيقدروش يدخلوا شغلهم فيها ..لان اسهل حاجه عندهم هي الرفد والفصل ...ووالله ان اكتر اللي اعرفهم مرفودين منها بسبب انهم دخلوا شغلهم في مواضيع تانيه....تاني فئه وهي الضباط واؤكد لك ان اخوه مابيبقاش عارف انه شغال في المخابرات وشخصيته بتبقى سريه ...وتاني حاجه علشان تتطمن العربيه بتاعت الراجل الوضيع ده كان نوعها ايه ؟ ده لو فرضنا انه فعلا في المخابرات ؟ لو العربيه لاده... يبقى ده موظف على قده ..لو العربيه بيجو 406 او 407 يبقى ده شخصيه مهمه .....وبعدين انت ليه ماردتش عليه ؟؟؟ هو اي حد يقولك انا من المخابرات ولا اي بتاع تسيبه يشتمك ؟؟؟؟؟؟؟؟؟ وبعدين انت المفروض تبقى مؤمن بالله وماتخفش من اي مخلوق ربنا خلقه ...وعلى فكره الراجل ده جبان جدا ..لانه سب الدين وانا بعتبر اللي بيسب الدين من اوطى الشخصيات واكثرها جبنا لانه سب الله عز وجل وربنا بيزرع في قلبه الخوف والجبن...ولكن يبدوا انك من بيئه نظيفه ومش متعود على انك ترد على البيئه الواطيه ....واخيرا مبروك على الرخصه وشويه وقت وهتتعود على رهبة السواقه في الطرق

اولا نوع عربيته كان مرسيدس بس قديم

انا رديت عليه وامين الشرطة اللي معايا كمان رد بس بيقوله متشتمش بس اعمل اللي انت عاوزة المهم قاله انا هاخد نمرة العربية اللي هي بتاعتي وامين الشرطة بيقوله خدها هتعمل ايه يعني والتاني يقوله هحبسك والامين بيقله متقدرش خد النمر ومشي وانا هروح اشتري مرايات جديدة عشان ربنا ستر على مروحت الشرقية
وكنت هتخانق والله 3 مرات كمان بس ربنا كان موجود معايا وهيفضل موجود ان شاء الله

ااحب اشكرك على معلوماتك ونصائحك وانا فعلا سوقت كتير اووي بس في البلد عندنا لكن السواقة في القاهرة حاجة تانيةوربنا يخليك ويجعلها في ميزان حسناتك

المشاركة الأصلية كتبت بواسطة lancerevolution

حلوة شحن وتفريغ دى فكرتنى بالمكثف و البطارية

شحن وتفريغ دانتا دمااغك رايقة ههههههه

كل فترة اشوف حادثة وينزل واحد يقول للثاني انت مش عارف أنا مين وابن مين دة أنا احبسك ويقعد يتنطط و يشتم ويتكلم شوية في الموبايل ويعمل الشويتين دول الصراحة بقعد اضحك وفي الأخر ولا بيعمل ولا يسوى وياخد عربيته ويمشى يا أما كبيره يعمل محضر، فالراجل صاحبنا شكله من نفس العينه دى ولا تشغل بالك ولا هيعرف يعمل حاجه والف مبروك الرخصة، بس هى التسعيره لسة 500 جنية اصل بقالها كذا سنة مغليتش

كبر دماغك و خليك فاكر قل لن يصيبنا إلا ما كتب الله لنا
و روق وكدا لأن لو كان يعرف يعمل حاجة كانت فى ساعتها
زى قبل كدا بتاع الفراخ الى جنبنا كان جايب فراخ من مزرعة رئيس محاكم و الإتنين كانوا راكبين العربية و قفوا فى لجنة و كانوا بعملوا مخالفات سرعة و حبشتكنات عشان يقفلوا المحاضر ظلم يعنى ما كان من الراجل المهم دا إلا إنه طلع الموبايل و هو واقف و عمل شوية إتصالات و حبس الظابط و العساكر كانوا فى اللجنة كام يوم و قطع المحضر بتاع المخالفات لأنه كان على حق فا الى بيبقى يعرف يعمل حاجة بيعملها فى ساعتها
فروق من الأخر يومين و حتنسى

المشاركة الأصلية كتبت بواسطة lancerevolution

كبر دماغك و خليك فاكر قل لن يصيبنا إلا ما كتب الله لنا
و روق وكدا لأن لو كان يعرف يعمل حاجة كانت فى ساعتها
زى قبل كدا بتاع الفراخ الى جنبنا كان جايب فراخ من مزرعة رئيس محاكم و الإتنين كانوا راكبين العربية و قفوا فى لجنة و كانوا بعملوا مخالفات سرعة و حبشتكنات عشان يقفلوا المحاضر ظلم يعنى ما كان من الراجل المهم دا إلا إنه طلع الموبايل و هو واقف و عمل شوية إتصالات و حبس الظابط و العساكر كانوا فى اللجنة كام يوم و قطع المحضر بتاع المخالفات لأنه كان على حق فا الى بيبقى يعرف يعمل حاجة بيعملها فى ساعتها
فروق من الأخر يومين و حتنسى

حبسهم هههه زمن ؟ الحق فوق الجميع فعلا
حكاية النسيان دي هستنى شوية يارب يوقعني فيه تاني عشان اعملها انا فيه واقوله انت متعرفش انا مين انا ابويا مدير قمل المكان اللي احنا فيه ده واشحنه في الشنطة هههههههه

أيوة كدا فرفش و متركز فى الموقف دا لأنك كدا وزى ما سمعت من الدكتور إبراهيم الفقى بتضيع مجهود جبار و بترهق عقلك فى موضوع مالوش لازمة أو بمعنى أخر حتحرق أعصابك و تفور دمك و تملا قلبك بالكره الى ممكن يعميك عن الحق و ميخلكش عارف تركز
و سيبها لله

ههههههههههههه مخابرات مين الى يقولك دة لو مخابرات بجد كان ............. ماتقلقش