اللي حصلي بعد مطلعت الرخصة !!!!!!!!!!

**himatros** · 08-03-2009 04:25 PM

النهاردة وانا راجع من المرور اللي في التجمع الخامس حصلي حاجة تقرف والله عكننت عليا الرخصة اللي لسه مطلعها من 15 دقيقة بس المهم
وانا خارج من المرور مشيت وانا اللي سوقت بقى اخيرا بعد عناء شهرا كامل مع الوسطة اللي شفطوا 500 جنيه مني .........المهم وانا ماشي لسه هدخل على الانفاق اللي هناك دي وانت خارج من التجمع الخامس كنت ماشي علطول فجاة الراجل اللي معايا قالي طريقك كده غلط خش يمين وطبعا ده كله وانا على سرعة 80 فهديت سنه بسيطة بس مش كبيرة لقيت واحد ورايا بيزمر ويدي كلكسات فرملت والراجل وقف كمان راح جاي مقرب من الشباك ونازل شتيمة فيا وفي امين الشرطة اللي معايا ويقول ايه (انا من المخابرات العامة عارف يعني ايه يابن كذا يابن ال..... )وشتيمة من اقذع الشتائم وسب دين للركب ....
امين الشرطة اللي معايا بيقولوا اعمل اللي انت عاوزة بس متشتمش اعمل اي حاجة الا الشتيمة
الراجل بتاع المخابرات لقاه بيرد عليه قله دانا هحبسك قال اعمل اللي انت عاوزة شاف كده راح جاي خارج من العربية بتاعته وبياخد الننمرة بتاع العربية بتاعتي وعمال ينقل فيها ومشي وبيقول دانا هحبسك
انا مشيت وانا متعكنن عمال اقول في دماغي ليكون الراجل ده حقيقي كده ويعمل معايا حاجة رحت سيبها على الله

ممكن تعليقكم ع الحته الاخيرة بتاعت لما ياخد النمر ممكن يعملي حاجة؟؟

**wesam_salom** · 08-03-2009 04:30 PM

كبر دماغك ومتشغلش نفسك

لو كان يقدر يعمل حاجه كان عملها وقتها

وده لو فى المخابرات كان بقى اسلوبه محترم

وكمان عمره ما كان هيقول كده علشان واحد كسر عليه بعربيه

**himatros** · 08-03-2009 04:39 PM

المشاركة الأصلية كتبت بواسطة mobitek

كبر دماغك ومتشغلش نفسك

لو كان يقدر يعمل حاجه كان عملها وقتها

وده لو فى المخابرات كان بقى اسلوبه محترم

وكمان عمره ما كان هيقول كده علشان واحد كسر عليه بعربيه

الله يطمنك ياشيخ طمنتني والله

**mr_kenawy** · 08-03-2009 04:45 PM

ده لن يزيد عن كونه عسكرى او سواق على العربية , اسلوبه باين جدا , و اى حد فى اى جهة محترمة حتى لو هو مش محترم بيخاف على نفسه جدا و مش بيظهر صفته الوظيفية الا للضرورة القصوى لان الجهات اللى زى كدة مش بتقبل تجاوز من اعضائها , ما تشغلش بالك و ما تضايقش نفسك بسبب الشتيمة لان العيب لو طلع من اهل العيب ما يبقاش عيب , و لو كل كلب عوى القمته حجرا لصار كل حجر بدينارا.

**himatros** · 08-03-2009 04:58 PM

المشاركة الأصلية كتبت بواسطة mr_kenawy

ده لن يزيد عن كونه عسكرى او سواق على العربية , اسلوبه باين جدا , و اى حد فى اى جهة محترمة حتى لو هو مش محترم بيخاف على نفسه جدا و مش بيظهر صفته الوظيفية الا للضرورة القصوى لان الجهات اللى زى كدة مش بتقبل تجاوز من اعضائها , ما تشغلش بالك و ما تضايقش نفسك بسبب الشتيمة لان العيب لو طلع من اهل العيب ما يبقاش عيب , و لو كل كلب عوى القمته حجرا لصار كل حجر بدينارا.

عندك حق فعلا يارب اعرف انسى الشتيمة الللي قالها اللي الله يجازيه على سب الدين اللي قالة

**AboELsoud** · 08-03-2009 04:58 PM

صح زي ما كلوا قال اوعى تشغل نفسك لان كل في المخابرات محترمين و عن تجربه
المهم مبروك للرخصه الجديده

**K.LOTFY** · 08-03-2009 05:03 PM

ما اظنش أن فيه حد في المخابرات حيسيح لنفسه كده لأن دول بيبقى كلامهم محسوب عليهم
هو ممكن بس يكون موظف اداري شغال في المخابرات

**mohamed2002** · 08-03-2009 05:04 PM

مبروك الرخصة :) وانسي دة لا مخابرات ولا حتي خضري

**r0xer** · 08-03-2009 05:06 PM

مرة واحد بتاع تاكس كسر عليا فرحت محركتش العربية وقلت تتحك تتحك...المهم الراجل استغرب جدا و راح طالع قدامي وحاول ميعدينيش..رحت معديه و واقف قدامه .

نازل متعصب و جاي جري ع العربية...انا قلت اكيد هيكسره ولاحاجة او هيشتم.لاقيته بيقولي : أنت متعرفش أنا مين؟ انت متعرفش انا مين؟

والله لو فضلت احلف على كمية الضحك اللي ضحكتها ساعتها واني كان فاضل شوية ويغمى عليا محدش هيصدق. الراجل من كتر منا بضحك بصوت عالي و مش في وعيي راح ضاحك هو كمان ومشي!!!

المقصود؟ ان اي حد في مصر بيعمل الحبتين دول، انت مش عارف انت بتكلم مين؟ انت مش عارف انا مين؟ انت مش عارف معرفش ايه!!

طبعا طظ فيه وفي حكومته كلها طالما انت معملتش حاجة غلط...ويوم ماهيحصل حاجة عليك وعلى اي منظمة حقوقية وهيتشردلهم أحلى تشريد.

كبر دماغك وحط في بطنك بطيخة صيفي لإن أسلوب كلامه زي بتاع التاكس بالظبط (ليكون هوا وجاب ملاكي؟ :d :d )

ومبروك الف مبروك الرخصة و خلي بالك من طريقك بعد كدا.

ملاحظة : انا لو مكانك كنت خدت نمرته انا كمان و رحت قدمت بلاغ ان واحد بيهددني إنه من المخابرات وهيأذيني و كنت كبرت الموضوع عشان يكون عبرة لأمثاله من الحثالات .

**TeXo** · 08-03-2009 05:06 PM

ما تقلقش بإذن الله لن يطلع الموضوع إلا مجرد شخص غاوي فشخره كداابه و بينتحل شخصيه علي أساس انه يرعبك

بس ما تقلقش زي ما الاخوه قالولك لو هو فعلا مخابرات ما كانش قالك :)

الموضوع: اللي حصلي بعد مطلعت الرخصة !!!!!!!!!!

LinkBack

أدوات الموضوع

عرض

اللي حصلي بعد مطلعت الرخصة !!!!!!!!!! - انشر الموضوع فى :

-

-

-

-

-

المواضيع المتشابهه

ما معني كلمة - رويال - اللي مكتوبة علي الرخصة

شوفتوا اللي حصلي يارجاله

موقف سخيف جدا حصلي مع العربيه

موقف حصلي .. قولولي رأيكم ..

مين اللي من حقه يشوف أو يسحب الرخصة

الكلمات الدلالية لهذا الموضوع

المفضلات

المفضلات

ضوابط المشاركة