الموضوع: O2 sensor

ممكن يكون بايظ بس لمبة تشك انجن متنورش؟

.....فيه ناس بتقول أن لو فقدت أشارته اللمبه مابتنورش بتاعة الأعطال.....,انا بأقول غير كده ( المفروض اللمبه تنور )....لأن له علاقه بعملية التحكم بتاعة المحرك....وعند حدوث أخفاق فى عمله ( المفروض يسجل كود عطل معين واللمبه تنور ) http://www.nilemotors.net/Nile/showthread.php?t=60684

بس انا قبل كدة كان عندى ال tps بايظ لكن الميكانيكى عرفه من صوت العربية لان فى السلانسيه صوتها كان بيعلى و يوطى لوحده من غير لمبة تشك بعد كده ظهرت لمبة تشك و كشف بالكمبيوتر وطلع فعلا tps

انا بقى قصدى ان ممكن يكون فى خطأ قرأة و ليس عطل كامل

ال tps عندك كان بيودى أشاره تعبانه (ممكن يكون اللينك بينه وبين البوابه ..هو اللى كان متنى أو الزراع المتحرك بتاع الحساس هواللى متنى)....وكده بتروح أشاره برضه لوحدة التحكم ( علشان كده لمبة الأعطال مش حتنور فى الحاله دى )..................علشان فيه أشاره ومش مظبوطه رايحه للوحده (والوحده متعرفش غيرأن رايحلها أشاره وبس وملهاش دعوه الأشاره جامده ومظبوطه وبتعبر عن وضع طبيعى وحقيقى للبوابه ولا أشاره تعبانه )...لأن الوحده دى حاجه (هارد وير ومتبرمج وخلاص ) يعنى متقدرش تقكر زى العقل البشرى ( وكفايه أن العقل البشرى هو اللى عاملها.)........مش كده ولا أيه

_ أما حساس الأكسجين يا أبيض يا أسود (ده اللى أنا فهمه )

المشاركة الأصلية كتبت بواسطة battikh

بالنسبة لحساس الأكسجين ساعات كتير بيكون بيودع ومنتهي ومش مدي أي إشارة عطل ولا لمبة التشيك بتنور وده عن تجربة، وبتتعرف من معدل القراءة بتاع الحساس . يعني هو المفروض بتحرك ما بين 250 إلى 750 تقريباً ساعات يكون ثابت عند 250 وبالتالي هو بايظ أو بيودع، وبيتعرف من استهلاك البنزين وغيره، وده حصل عندي وغيرته.

الصراحه الموضوع ده غريب.....وطبعا أكيد التجربه أكبردليل عن الوضع النظرى

_ بس هل لمبة الأعطال شغاله عندك كويس (بمعنى بتنور أول ما بتفتح كونتاكت )

وطبعا أنا معاك....لو بيودى أشاره أو بيودع (فكده نحن متفقين )......أن اللمبه مش حتنور (لأن فيه أشاره حتى ولو الأشاره هزيله ولا تعبر عن وضع حقيقى لنسبة الأكسجين فى العادم ).........أما لو الحساس فاصل أشا ره كلية عن وحدة التحكم أو الفيشه فيها مشكله زى عدم أتصال جيد....... ...فلازم اللمبه تنور وألا فيه مشكله فى دايرة اللمبه بتاعة الأعطال.....وده نفس الكلام اللى قولته أنا عن حساس الtps فوق......

انا عايز اعرف هل حساس الاكسجين ده موجود في كل الموديلات بتاعت اللانوس ؟؟ انا عربيتي 2002 هاف اوبشن هل فيها حساس اكسجين ولا لا ؟؟ اصل عندي استهلاك البنزين عالي قوي