ومازال مسلسل المهازل الاخلاقيه مستمرا !!

**aliabutaleb** · 10-03-2009 12:30 PM

انا مش شايف دليل واحد بصراحة إنهم حربية
وسواء كانوا حربية أو تجارة زي ما أحد المواقع قال، ده مش هايغير من واقع إننا بقينا في غابة وكل واحد بياخد حقه بدراعه
مش قادر أتعاطف معاهم
وفي نفس الوقت مش قادر أهاجمهم
ولكن أنا مش متخيل إزاي طالب حربية إن صحت المعلومة ممكن يظهر الكارنيه بتاعه للجنة شرطة ويعملوا فيه كدة
مش داخلة دماغي خالص

**just_poss** · 10-03-2009 12:54 PM

المشاركة الأصلية كتبت بواسطة alijandroo

انا مش شايف دليل واحد بصراحة إنهم حربية
وسواء كانوا حربية أو تجارة زي ما أحد المواقع قال، ده مش هايغير من واقع إننا بقينا في غابة وكل واحد بياخد حقه بدراعه
مش قادر أتعاطف معاهم
وفي نفس الوقت مش قادر أهاجمهم
ولكن أنا مش متخيل إزاي طالب حربية إن صحت المعلومة ممكن يظهر الكارنيه بتاعه للجنة شرطة ويعملوا فيه كدة
مش داخلة دماغي خالص

لأ حاول تصدق عشان حصلت قبل كده في مصر الجديده من سنتين ومسكوا طالب الحربيه في الشارع ومسحوا بكرامته الارض بسبب مشكله مع لواء شرطه قليل الادب.. والموضوع خلص برضه بأن اصحابه وصلهم الخبر وهما كلهم كانو في طريقهم للكليه ولحقوه وعملوا مشكله كبيره مع افراد الداخليه ومسكتوش غير لما ردوا لصاحبهم اعتباره ومش هقول ازاي عشان مش هتصدقوا.. طبعا الموضوع خلص من غير لا حس ولا خبر في اعلامنا الهمام المتفصل على مزاج حكومتنا الرشيده بس وصلني ساعتها بتفاصيله عن طريق واحد من اصحاب الطالب ده الي اشتركوا في المشكله

نصيحه عامه.. مش معنى انك مشفتش او مسمعتش او مش قادر تستوعب حاجه مش معنى كده انها مش موجوده.. لو مكنش فيه رجاله زي محمد الشرقاوي اول من كافح عشان يعرفنا قضية عماد الكبير الي توالت بعديها فضايح التعذيب كان زمانا نايمين على روحنا ولما تتحكيلنا حاجه نقول يا عم الكلام ده كله خيال علمي الظباط دول بشر وولاد ناس برضه

**aliabutaleb** · 11-03-2009 04:09 PM

المشاركة الأصلية كتبت بواسطة just_poss

نصيحه عامه.. مش معنى انك مشفتش او مسمعتش او مش قادر تستوعب حاجه مش معنى كده انها مش موجوده.. لو مكنش فيه رجاله زي محمد الشرقاوي اول من كافح عشان يعرفنا قضية عماد الكبير الي توالت بعديها فضايح التعذيب كان زمانا نايمين على روحنا ولما تتحكيلنا حاجه نقول يا عم الكلام ده كله خيال علمي الظباط دول بشر وولاد ناس برضه

سيدي الفاضل
انا اللي قلته كان رأي شخصي
إني مش متخيل في بلدنا اللي كلنا عارفين أد إيه الشرطة بتكون مذعورة من واحد عنده معارف ممكن تعمل كدة مع واحد يقول لهم إنه طالب حربية

وباكرر إني لا زلت مش شايف في الفيديو أي شئ يقول إنهم طلبة حربية غير الروايات
انا مصدقك في الرواية اللي حكيتها عن قصة صاحبك، ومصدقك لأني أحسن فيك الظن إنت وصديقك اللي نقلك الرواية إنما الموجود في الفيديو شوية شباب بيقولوا حربية. هو كل واحد في خناقة يقول حربية يبقى طالب في الحربية؟

اما عن قصة محمد الشرقاوي وارتباطها بقصة عماد الكبير
فأنا كنت متابع الموضوع كويس ومن ناس مقربة للشخصين
أظن إن حضرتك اختلط عليك الأمر
محمد الشرقاوي يثير الإعجاب في إنه حارب عشان يظهر حقه في اللي اعتدوا عليه
اما عن قضية عماد الكبيرة فأنا مش متذكر مين بالظبط اللي فجر القضية بس أغلب الظن هو مش الشرقاوي
وسواء قضية محمد الشرقاوي اللي مخدش فيها لا حق ولا باطل أو قضية عماد الكبير فانا لم أنكرهم ولم أندهش او أتعجب من حدوثهم بالعكس أنا مؤمن إن فيه زيهم كتير وزيارة بسيطة لموقع التعذيب في مصر ممكن تأكد كلامي

**just_poss** · 12-03-2009 10:11 AM

المشاركة الأصلية كتبت بواسطة alijandroo

سيدي الفاضل
انا اللي قلته كان رأي شخصي
إني مش متخيل في بلدنا اللي كلنا عارفين أد إيه الشرطة بتكون مذعورة من واحد عنده معارف ممكن تعمل كدة مع واحد يقول لهم إنه طالب حربية

وباكرر إني لا زلت مش شايف في الفيديو أي شئ يقول إنهم طلبة حربية غير الروايات
انا مصدقك في الرواية اللي حكيتها عن قصة صاحبك، ومصدقك لأني أحسن فيك الظن إنت وصديقك اللي نقلك الرواية إنما الموجود في الفيديو شوية شباب بيقولوا حربية. هو كل واحد في خناقة يقول حربية يبقى طالب في الحربية؟

اما عن قصة محمد الشرقاوي وارتباطها بقصة عماد الكبير
فأنا كنت متابع الموضوع كويس ومن ناس مقربة للشخصين
أظن إن حضرتك اختلط عليك الأمر
محمد الشرقاوي يثير الإعجاب في إنه حارب عشان يظهر حقه في اللي اعتدوا عليه
اما عن قضية عماد الكبيرة فأنا مش متذكر مين بالظبط اللي فجر القضية بس أغلب الظن هو مش الشرقاوي
وسواء قضية محمد الشرقاوي اللي مخدش فيها لا حق ولا باطل أو قضية عماد الكبير فانا لم أنكرهم ولم أندهش او أتعجب من حدوثهم بالعكس أنا مؤمن إن فيه زيهم كتير وزيارة بسيطة لموقع التعذيب في مصر ممكن تأكد كلامي

أخي العزيز مع احترامي الشديد لرأيك بس سعات فيه ظباط صغيرين بتاخدهم العزه بالاثم ومبيفكروش في عواقب تصرفاتهم كويس.. الحسره الأكبر على الظباط المفروض عدوا المرحله ديه وبيعملوا حجات وبيقولو كلام يكسف بحجة عشرتهم لوسط قاع المجتمع

فكر فيها بالطريقه ديه.. لو واحد فقير مش لاقي ياكل ولا يشرب ولا مكان ينام فيه لقى مليون جنيه.. يا ترى هيعمل ايه؟؟ في رأيي انه هيحجز في جراند حياة ويجيب الحته المرسيدس ويسهر كل يوم في شارع الهرم.. والي حواليه هيطلقوا عليه محدث نعمه.. بس في الاخر لما يفوق ويتبقى معاه قرشين هيروح يفتح محل موبايلات

بس لو انا او انت او حد تاني في نفس موقفه اكيد هنفكر مليون مره في كل جنيه هنصرفه وهنستغل الفرصه ديه عشان نغير حياتنا وحياة الي حوالينا للأفضل

ممكن يكون ده مثال للظابط "المحدث سلطه" والظابط المخضرم الي عاش وشاف مشاكل ممكن تحصله من واحد مبيسكتش على حقه

شكرا لثقتك في كلامي بالرغم انه متنافي مع اعتقاداتك وبالمناسبه الراجل الي حكالي الموضوع ده قريبي وفي منزلة اخويه الصغير وهو دلوقتي ظابط حربيه بس الحمدلله ظابط زي الفل