ضد مسابقه سرحان ونفيسه

**powerofhelll** · 12-03-2009 03:56 PM

ده واحد من ضم الاف البرامج المستفزه علي التلفزيون حررررررااااام

**amor495** · 12-03-2009 03:57 PM

فعلا مسابقة تافهة و مللهاش لزمة

**yehia** · 12-03-2009 04:08 PM

زى ما الاخوة الزملاء تفضلوا مشكورين وقالوا ....

السبب هو خفة دم البعض الزائدة قوى قوى عن الحد.....

والسبب الأكبر هو خصائص الزمن اللى عايشين فيه ... ما بقاش فيه أى معايير للوحش والكويس .. الصح والغلط ....

يعنى العمل من دول - أى عمل فنى - يبقى فاشل وتافه ودمه أتقل من حجارة الأهرامات .. وتلاقى الاعلام الموجه أو مدفوع الأجر أو القائم على المصالح - وهو الغالب- يتسابق فى تلميعه وإظهار مواطن البلاغة والعظمة والعبقرية فيه ... وعقد اللقاءات مع "العظماء" من عناصر هذا العمل .. وعرض ال " Making" الخاص به مرارا وتكرارا ...... ويلح ويلح لحد ما الناس ودانها تاخد على النشاز وعينيها تاخد على الردئ وينطبق المثل اللى بيقول الزن على الودان أمر من السحر .......

يعنى نشوف من 40 سنة مثلا .. لما كان فيلم ولا أغنية لحد من فطاحل الزمن الجميل يسقط أو يفشل ... تبقى المسائل واضحة ولا مراء فيها .. والقائمين على العمل الفاشل يعترفوا ويقروا بأسباب الفشل والاخفاق ويعتذروا عنها ويتلافوا الوقوع فى ذات الخطأ مستقبلا ......

وصدق أحدالصحفيين الكبار حينما سئل عن أسباب تراجع دور مصر الثقافى وتراجع منظومة القيم والاحترام المتبادل الآن ... فقال زمان كنا بنغنى وقف الخلق ينظرون كيف أبنى قواعد المجد وحدى ... إنما دلوقتى بنغنى بحبك يا حمار ... مع الاعتذار طبعا لهذا الحيوان المظلوم فى ثقافتنا ......

**Yarisawy** · 12-03-2009 04:55 PM

شكرا ليكم يا رجاله

**abo_hosni** · 12-03-2009 05:55 PM

المشاركة الأصلية كتبت بواسطة KoDaK_Gti

والعيب والله فى الاعلام اللى سايب حاجات زى دى تتعرض

العيب كمان في الناس اللي بتتصل بالمسابقات دي بشكل عام، و صاحب المشاريع من النوعية دي مش هيستمر في الإعلان عن حاجة بتخسر.
اتصال يعني بتدخل لهم فلوس يعني هيزود إعلانات يعني هيطلع مسابقات (مشاريع) جديدة و هكذا.

سؤال منطقي: هو فين الناس اللي بتكسب من الحاجات دي فلوس و رحلات عمرة و و و و و .

بالك انت لو معايا فلوس و فايق للحاجات دي، كنت عملت مشروع 0900 و بقيت ملك

**KoDaK_Gti** · 12-03-2009 10:27 PM

المشاركة الأصلية كتبت بواسطة abo_hosni

بالك انت لو معايا فلوس و فايق للحاجات دي، كنت عملت مشروع 0900 و بقيت ملك

كنا هنتكلم عليك بردو وننقضك كده

**أحمد سالم** · 13-03-2009 01:07 AM

والله انا معاك هى مسابقه زى الزفت
انا لما بشوفها بقلب القناه على طول لانى بحس ان اللى عملها حاسس ان عقولنا ضعيفه جد جدا
هى معموله بطريقه بدائيه جدا
وكمان فكرة القتل دى سيئه فعلا
الغريب ان فى ناس بتتصل
والا مكانتش المسابقه هتتزاع فى اكثر من محطه
والاغرب بقى ان الناس بتتصل وهى عارفه انها مش هتكسب حاجه
لان ببساطه عمرنا ماشفنا حد من قريابنا ولا جيراننا ولا اصدقائنا ولا زملائنا فى العمل ولا اقارب زملائنا حد فعلا اتصل وحكى انه كسب حاجه (ياترى حد سمع ان فى اى حد كسب مره من مسابقات التلفزيون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟
ولا انا غلطان ؟؟؟؟؟؟

**medo_2060** · 13-03-2009 01:19 AM

عادى يا عم يعنى جات على دول وسايب كل العرى والمسخره فى الكليبات والافلام والعنف برضه بس بصراحه دمهم تقيل جدا
متشغلش دماغك

**Dr Ahmed** · 13-03-2009 01:36 AM

المشاركة الأصلية كتبت بواسطة abou_ruqi

بصراحة مسابقة زبالة وتقليد اعمي وسيئ لكرومبو
اصواتهم مستفزة جدا وتكنيك بدائي

نفس رأيى
صوت جميع الشخصيات لنفس الممثل علشان يوفروا التكاليف
وحتى أسئلتهم بااااااايخة وسمجة

سيبوهم هم هيخلصوا لوحدهم

**Terrible_DaRsH** · 13-03-2009 02:08 AM

ابن خالتى (( الطفل )) .. 10 سنين .
لما بيشوف الحاجات دى بيقول ايه القرف ده .
ما بالك احنا نقول ايه ..
ربنا يولع فى الناس دى بقي علشان الواحد ميرحش يولع فيهم :(...

الموضوع: ضد مسابقه سرحان ونفيسه

LinkBack

أدوات الموضوع

عرض

-

-

-

-

-

-

المواضيع المتشابهه

سايق متضايق و سرحان ....العربيه اتخبطت

عقد قران الدكتور أحمد سرحان AhmedSarhan

خطأ جوهري في مسابقة سرحان ونفيسة ....

الكلمات الدلالية لهذا الموضوع

المفضلات

المفضلات

ضوابط المشاركة