$$$$ رابطة الالنتراويه $$$$

**elgzar2010** · 31-03-2009 05:35 PM

أولا أعرفكم بنفسي
أنا المهندس تامر الجزار مهندس كهرباء ولسة شارى عربية الينترا موديل 2001 بيضاء اللون وبجد هي جميلة جدا جدا ماشاء الله
بس مش عارف انا معجب بيها علشان أول عربية ولا علشان هي فعلا جميلة يا ريت الأفادة
بس معلش انا كان عندي سؤال في موضوع المارشدير هو فية سوستة لازم نعملها ساعة الغيار !!!!! ؟؟؟؟؟

**tefeamer** · 01-04-2009 12:48 AM

اخى المهندس تامر الانترا سوسته لفوق وتروح زى غيار الاول يجيب معاك المارشدين اما بخصو الانترا هى فعلا عربية تتحق التحية صالون ورعة . الف مبروك وربنا يكفيك شرها (عاطف عامر)

**elgzar2010** · 01-04-2009 03:19 PM

الف شكر علي الأضافة الجميلة يا استاذ \ عاطف

**bessoo** · 01-04-2009 08:18 PM

المشاركة الأصلية كتبت بواسطة tefeamer

كلام جميل
وبداية استفتاحية انا عندى استفسار انا عندى النترا مانيوال 2008 استلام 12/2008 وهى عاملة 1600 ك عندى مشكلة ان المارشدين بيصد ولازم ارفع رجلى من الدبرياج وادوس مرة اخرى حتى يتم الغيار وعند صيانة ال 1000 المهندس قال مافيهوش حاجة ودخل الغيار جامد شوية قلتله ما الغيار الاول والثانى وباقى الغيارات بتم بسهولة اشمعنى المارشدين قال ده طبيعى ومفهوش حاجة ، المهم اخذت العربية ولازالت المشكلة موجوده وده طبعاً ساعات الواحد فى بعض المواقف بيبقى عايز يرجع لاى سبب بسرعة مش تحاول تحاول وبعدين تشيل رجلك وترجع تدوس بيبقى الموقف رخم ولو عربية مستنياك ترجع بيفتكر انى مش عارف اسوق .
اسف على التطويل السؤال لو حد عنده المانيوال ده طبيعى والا ايه علشان انا ناوى فى صيانة ال 5000 اكلمهم بشدة شوية برجاء مساعدتى فى الرد . مع الشكر

لا المرشيدير طبيعى معايه انت كده اكيد فى حاجه روح الصيانه وقولهم عشان ده مش طبيعى انا معايه الانترا 2007 وزى الفل من ناحيت الفتيس

**top_10group** · 02-04-2009 03:25 PM

يا جماعة مش عارف ليه حاسس ان صوت موتور الالنترا اعلى من الاوبترا انا كنت راكب اوبترا بتاعة واحد صاحبى وكنت قافل الزجاج وجيت ادورها محستش انها دارت اصلا . هل عزل الاوبترا اجمد من الالنترا ولا انا عندى مشكلة ( صوت الموتور عالى مثلا)
ارجو الافادة وشكرا

**Shikaz** · 04-04-2009 04:13 AM

ايها الإلنتراويه

انا عايز اشترى و المعارض جننتنى

واحد يقولى فيها جنوط و عفشه بس و مفيش طاره مالتى
و واحد فتحة سقف و مفيش طاره مالتى و لا تكيف تاتش
و واحده تكيف تلتش و مفيش فتحة سقف
و واحد يقولى فيها إختراعات زى مرايات ضم و بلوتوث و كذا كذا بس بكام ؟ 125 الف !!!!!

من الأخر إنصحونى إيه الحجات و الفئات المحبوبه فى الخليجى و السعر كام

انا نفسيا نفسى فى
1- طاره مالتى و بلوتوث
2- ما يهمنيش التكيف التتش ولا رأيكم إيه؟
3- فتحة السقف شدانى إنتم رأيكم إيه؟
4- جنوط

من فضلكم خلاصة خبرتكم

**totatheking** · 04-04-2009 11:04 PM

لو سمحتوا انا عندي سؤال...هل الالنترا 2009 الكاملة فيها abs؟
وهل فعلا سعرها نزل شوية؟لاني بافكر اجيب واحدة بس مش عارفة استني شوية والا اية؟
يا ريت تفيدوني...ولكم جزيل الشكر

**top_10group** · 07-04-2009 04:02 PM

المشاركة الأصلية كتبت بواسطة top_10group

يا جماعة مش عارف ليه حاسس ان صوت موتور الالنترا اعلى من الاوبترا انا كنت راكب اوبترا بتاعة واحد صاحبى وكنت قافل الزجاج وجيت ادورها محستش انها دارت اصلا . هل عزل الاوبترا اجمد من الالنترا ولا انا عندى مشكلة ( صوت الموتور عالى مثلا)
ارجو الافادة وشكرا

محدش يعنى رد عليا فى الموضوع ده

**amr22_00** · 08-04-2009 06:33 PM

المنطقة الخضرا دي يا جماعه اللي هوا لحد الار بي ام ما يوصل 6و نص
عندنا في الالنترا لونها ازرق عشان الاضاءه
المهم ان متوصلش لحد العلامه الحمرا على اي غيار
و طالما عديت الالف كيلو دوس براحتك بس متوصلش للعلامه الحمرا ابد