سخونيه رهيبه

**lancerevolution** · 13-03-2009 09:56 AM

المشاركة الأصلية كتبت بواسطة M.Osama

فكره حلوه برده بس فين كتاوت المراوح عندي ؟ لاني معرفش مكانها

هى حتبقى فى العلبة الطويلة الى جنب البطارية فى واحد رصاصى الى جنبه تقريبا

بس بدام المية بتنقص بسرعة يبقى أكيد فى تسريب فى الريداتير أو الخراطيم إتأكد منها

**Ahmed Hassan** · 13-03-2009 10:01 AM

المشاركة الأصلية كتبت بواسطة samirayad

لو فيه هواء فى دورة التبريد......عمر الحراره ماحتروح لوحدها كده وترجع الأمور طبيعيه بقدرة قادر .......(وحاشا لله طبعا ).....ولكن المقصود أن مش حترجع لطبيعتها بدون تدخل علاجى (زى أستنزاف الهواء مثلا )

حتى لو الهواء اللي في دوره التبريد قليل جدا؟!

**M.Osama** · 13-03-2009 10:12 AM

المشاركة الأصلية كتبت بواسطة samirayad

أن شاء الله كله حيبقى تمام (والسبب مش حيخرج عن تعلبقة ثرموثتات أو سدد مفاجىء فى دورة التبريد )

_ بس أنت ما بينتش ( مية الردباتير عاديه ولا ملونه )

ميه عاديه
الملونه افضل ؟

**samirayad** · 13-03-2009 10:19 AM

طالما بتستعمل ميه عاديه......ياريت برضه تعمل فلش للدوره ......وعينك على الحراره على طول ......على مانشوف (على أساس لما حتابع بعد كده وحصل الوضع ده تانى )...حيكون العيب من الثرموثتات......بس اهم شىء المراقبه حاليا

المشاركة الأصلية كتبت بواسطة Ahmed Hassan

حتى لو الهواء اللي في دوره التبريد قليل جدا؟!

معلش أنا لسه شايف النقطه دى دلوقتى يا أستاذ/أحمد

_ اللى أنا أقصده أن لو موجود هواء فى دورة تبريد المحرك......حيستمر المحرك بالتشغيل وهو يعانى من السخونه على أبوه (زى مابيقولوا )لحد مانتخلص من الهواء ده.............

_ ولازم فى الحاله دى من التدخل (بحل غطاء القربه ).......مع تشغيل المحرك والضغط على خرطوم خروج الميه من المحرك الى الردياتير (عدة ضغطات بين يديك )لحين خروج الهواء من الدوره كلها...

_ بس طبعا الوضع هنا عند أخونا محمد أسامه مختلف وحصل أرتفاع مباغت ومفاجىء للحراره وأنتهى وخلاص.................وده من واقع التجارب مابيحصلش الا من حاجتين (تعليقة ثرموثتات مفاجئه - أو حدوث سدد مفاجىء فى دورة التبريد وراح مع شغل طلمبة الميه وده وارد حاليا وبالذات لما أخونا محمد قال أنه بيستخدم ميه من الحنفيه )..........

_ وبأعتذر لعدم الرد تلقائيا وفوريا على حضرتك........ولك شكرى

**Ahmed Hassan** · 13-03-2009 10:57 AM

[QUOTE=samirayad;714194]معلش أنا لسه شايف النقطه دى دلوقتى يا أستاذ/أحمد

_ اللى أنا أقصده أن لو موجود هواء فى دورة تبريد المحرك......حيستمر المحرك بالتشغيل وهو يعانى من السخونه على أبوه (زى مابيقولوا )لحد مانتخلص من الهواء ده.............

_ ولازم فى الحاله دى من التدخل (بحل غطاء القربه ).......مع تشغيل المحرك والضغط على خرطوم خروج الميه من المحرك الى الردياتير (عدة ضغطات بين يديك )لحين خروج الهواء من الدوره كلها...

_ بس طبعا الوضع هنا عند أخونا محمد أسامه مختلف وحصل أرتفاع مباغت ومفاجىء للحراره وأنتهى وخلاص.................وده من واقع التجارب مابيحصلش الا من حاجتين (تعليقة ثرموثتات مفاجئه - أو حدوث سدد مفاجىء فى دورة التبريد وراح مع شغل طلمبة الميه وده وارد حاليا وبالذات لما أخونا محمد قال أنه بيستخدم ميه من الحنفيه )..........

_ وبأعتذر لعدم الرد تلقائيا وفوريا على حضرتك........ولك شكرى

[/QUOTE

شكرا اخي على الاهتمام. انا قصدي لو فيه كميه هواء قليله في دوره التبريد... ممكن فتح الثرموستات او -احتمال اقل- بدايه تشغيل المروحه تتأخر حاجه بسيطه و ده هيخلي درجه الحراره تعلى لحظيا لغايه ما الثرموستات تفتح (او المروحه تشتغل) فترجع درجه الحراره لطبيعتها.

**samirayad** · 13-03-2009 11:02 AM

_ماهو برضه كلامك مظبوط.......

_ بس مننكرش أن فيه حاجه غير طبيعيه (متوقعه من آداء الثرموثتات حتى لوفيه هواء فى الدوره وبسيط )

_ لأن الثرموثتات مثلا ملوش علاقه بالهواء وليه علاقه فقط بالحراره والمفروض كان يستجيب ويفتح على طول لما الحراره عليت ( ياعنى كده ممكن تكون بدايه لنهاية العمر الأفتراضى للثرموثتات مثلا ....ولازم يأخذ حذره )

_وطبعا نفس الفكره بخصوص ثرموثتات المروحه ....وده ممكن يكشف عليه بسهوله (ويشوفه شغال كويس ولا لا )......بحيث يشوف المروحه حتشتغل أمتى بالضبط.....وهنا حيقدر يفصل او يستبعد نقطة المروحه (لو كان الآداء بتاعها طبيعى هى والثرموثتات بتاعها)

**tamertamer** · 13-03-2009 11:36 AM

بص ياباشا انا بعانى من نفس المشكلة انا اشتريت العربية والراجل بيحط مية عاديةودية بتعمل صداء جامد انا الحرارة الطبيعى عندى 80 بس عشان الردتير عايز يتسلك وينضف من الصداء بتوصل 90 وانا عارف كويس العيب بس هتعمل اة الكسل بعيد عنك عزاب عشان تفك الردتير هتفك الكسدام بالفونيس وبعد كدة الكلتيرة الحديد الامامية وبعد كدة المراوح والردتير والسربنتينة كلهم ممسوكين باربع مصمير دول كدة قدام لسة فى الضهر فى اربع مسمير كمان وكدة اتفك القصة وتروح لبتاع الردتير يغسلة بمية النار ويسلكة وكمان الاربة ليهاء نصيب والخرطيم كلة ينضف بمية النار عشان الصداء وبعد كدة تبتدى تجمع تانى وفى النهاية تحط مية حمراء هتلقى الحرارة نزلت 10 درجات وانا عارف بس عناء كل دة

**Atef Saleh** · 13-03-2009 01:17 PM

يا ساده الخلل اللى حصل ده اكيد من الترموستات المسئول عن عن نقل الحراره للمؤشر اللى فى التابلوه مش من ترموستات الردياتير و لا من الترموستات اللى داخل دوره التبريد لأن السيد اسامه بيقول ان الحراره نزلت تانى بسرعه يعنى الموضوع كله قراءه غلط من الترموستات ......و الله اعلم .

**samirayad** · 13-03-2009 01:29 PM

يا ساده الخلل اللى حصل ده اكيد من الترموستات المسئول عن عن نقل الحراره للمؤشر اللى فى التابلوه

بعد أذن الأستاذ/ عاطف (ده مش ثرموثتات ...ده سندر أو راسل (حساس ) حراره ...اللى هو بتاع العداد )..........وراسل الحراره ده يابيخرف على طول يابلاش (هو أو العداد نفسه )

**Atef Saleh** · 13-03-2009 01:39 PM

يا سمير بك كتر التعامل مع الميكانيكيه خلانى اتكلم زيهم سامحنى فى النقطه دى و اوعدك انى هاقول عليه Sender و الف شكر على التصحيح يا باشا ...

الموضوع: سخونيه رهيبه

LinkBack

أدوات الموضوع

عرض

-

-

-

-

-

-

المواضيع المتشابهه

سخونيه e36

سخونيه

سخونيه الماروتي

سخونيه

سخونيه

الكلمات الدلالية لهذا الموضوع

المفضلات

المفضلات

ضوابط المشاركة