أرجو النصيحة وأبداء الرأى بخصوص وكيل رينو Eim

**tahanimassoud** · 14-03-2009 11:45 PM

المشاركة الأصلية كتبت بواسطة khaled lanos

أسف على تأخير الرد
لسه حالاً مكلم الراجل و أتفقنا أكلمه تاني بكره إن شاء الله و هو في الشغل على الساعة واحدة بحيث يعمل إتصالاته و يشوف ممكن يوصل لإيه , للأمانة هو إقترح إذا كان في إمكانية لرفع المبلغ و إستلام أتوماتيك و وعد أنه يبذل مجهود في (discount) كويس بالنسبة للأتوماتيك (ده كلامه , و أنا جربته كذا مرة و بيوفي بكلامه).
أنا فهمته إنكم مش غاويين أتوماتيك مش عارف كده صح ؟

تمنياتي بالتوفيق و تحياتي لزوج حضرتك.

شكرا على ردك السريع هوه الحقيقة أنا مش أخدة على سواقة الأوتوماتيك بأحس أن فيه حاجة كدة ناقصة برضه المانيوال فيها متعة فى السواقة وعلشان كدة أحنا أتفقنا على المانيوال.
وبالنسبة للعربيه اللوجان يعنى أنا شايفة أنها فقيرة شويه فى الامكانيات وطبعا موتور السيمبول أفضل بكتيروحتى شكل التابلوه والشكل الخارجى للسيمبول أفضل.

15-03-2009 12:05 AM

لا شكر على واجب إحنا فعلاً هنا كلنا إخوة
بالنسبة للمغربي عن نفسي مشفتهاش بس في صور لها في مشاركة (كل تفاصيل عن اللوجان المغربي) أكيد الصور حاجة و الحقيقة حاجة
جايز المغربي تكون أفضل (الله أعلم) !
بالنسبة للأتوماتيك زميلنا م / هشام لسه جايبها و بيشكر فيها (اللهم لا حسد) هو في إسكندرية و جابها من الطارق.
أما عن سواقة الأتوماتيك أنا برضه عربيتي أول مرة أمتلك أتوماتيك و كنت هايبها شوية , بس بعد فترة بسيطة لا يمكن وصفي لمتعة سواقتها أقدر أحكيه
بالذات مع الزحام سواء في القاهرة أو خلال زياراتي لإسكندرية شهرياً.
:10d5c8~1107:

**tahanimassoud** · 15-03-2009 03:00 PM

المشاركة الأصلية كتبت بواسطة khaled lanos

لا شكر على واجب إحنا فعلاً هنا كلنا إخوة
بالنسبة للمغربي عن نفسي مشفتهاش بس في صور لها في مشاركة (كل تفاصيل عن اللوجان المغربي) أكيد الصور حاجة و الحقيقة حاجة
جايز المغربي تكون أفضل (الله أعلم) !
بالنسبة للأتوماتيك زميلنا م / هشام لسه جايبها و بيشكر فيها (اللهم لا حسد) هو في إسكندرية و جابها من الطارق.
أما عن سواقة الأتوماتيك أنا برضه عربيتي أول مرة أمتلك أتوماتيك و كنت هايبها شوية , بس بعد فترة بسيطة لا يمكن وصفي لمتعة سواقتها أقدر أحكيه
بالذات مع الزحام سواء في القاهرة أو خلال زياراتي لإسكندرية شهرياً.
:10d5c8~1107:

إشكرك على ردك ربنا يبارك لك فى عربيتك :k10: فعلا قالوا لى أن سواقة الأوتوماتيك أجمل كتير بس بردة مترددة

. أعمل ايه دقه قديمة

وأنا فعلا قريت مشاركة الزميل هشام وعرفت أنه مبسوط من العربية ربنا يبارك له فيها ويديله خيرها ويكفيه شرها اللهم لا حسد

وأنا لما قريت المشاركة دى أتطمنت جدا على العربية لأن الواحد لما يشترى عربيه ما تكونش نزلت قبل كدة بيبقى قلقان شويه . بس أنا مستغربة ليه التأخير فى التسليم المفروض أن أحسن دعاية للسيارة أنها تكون منتشرة فى الشارع حتى أى شخص معندوش فكرة عن السيارة لما حيشوفها ماشية قدامه فى الشارع حتلفت نظرة

وحيبتدى يسأل عنها وبكده مبيعات العربيه ترتفع فأنا الحقيقة مستغربه سياسة الشركه فى تأخير التسليم دة حتى لما رحت أسأل فى المعرض مندوب المبيعات قال لى أنهم موقفين تسليم الأوتوماتيك كمان لغاية لما يخرجوا باقى دفعة العربيات من الجمرك !!

15-03-2009 05:45 PM

كده حضرتك أكدتي كلام أ / محمد عبد القادر (الراجل إللي بيتابع معانا مشكلة التسليم) في مكالمتي معاه النهارده بيقول في حاجة (معقربة) تسليم العربيات من الجمرك كإجراءات
بالمناسبة هو كان في مبيعات رينو المهندسين و من سنة بقى في كيا أبو رواش لكن لسه علاقاته بزملاؤه و رؤساؤه ممتازه (اللهم لا حسد).