رأيكم ضروري لأنى أثق بكم Education Plan

**Imhotep** · 14-03-2009 04:38 PM

بلدنا مش بتاعة استثمارات طويلة الاجل من النوع ده

**SeiffoZ** · 14-03-2009 04:49 PM

أنا هقول لحضرتك تجربة كده ..
أهلى كانو مأمنين سنة 84 على أختى ب11ألف جنيه .. و شوف بقى حضرتك 11 ألف دول كانوا كام وقتها يعنى مبلغ كبير جدا ..
لإستلموهم سنة 2004 11 ألف يعنى كانت أقل من مصاريف الجامعة بتاعت أختى ..

فرأيى الشخصى أفضل إستثمار حاليا فى مصر الإستثمار العقارى .. و إن كان رأيى إن حضرتك تستثمر فلوسك فى كذا مجال لأن لو حاجة قلت يبقى الثانية تشيل و هكذا ...

و لو حضرتك قدرت بمبلغ تعمل شغل و بيزنس أحسن و أحسن ...

ربنا يقدملك إللى فيه الخير و مبروك على الكتكوتة الصغيرة

**ahmed_su** · 14-03-2009 05:41 PM

دع مايريبك الى ما لايريبك

واستفتى قلبك وان افتوك

وانا مع الرأى لوحضرتك قادر على القيمة السنوية للقسط

اشترى شقة بالتقسيط او قطعة ارض بالتقسيط على سنوات طويلة

وهتكون باذان الله اكثر ضمان واامن لان الله اعلم بمصير الشركات

على الفترة الطويلة من تغيرات بتحصل كل يوم فى العالم

وربنا يوفقك لما يحبه ويرضاه وفيه الخير

**icehearted girl** · 14-03-2009 06:04 PM

بظبط حضرتك متضمنش ال 500.000 دول ممكن يجيبولك باكو لبان كمان عشرين سنة ولا لا

انما الاستثمارات العقارية والدهب تمنهم فيهم وعمرهم مهينزلوا ابدا

**powerofhelll** · 14-03-2009 10:10 PM

استفتي قلبك
انا حاسس ان الموضوع ده حرام
و احترم راي الاستاذ صاحب فكرة الشقه

SS · 15-03-2009 12:19 AM

بغض النظر يا دكترة عن كونه حلال و لا حرام عشان ما عنديش خلفية عن مدى صحة الموضوع....و ع الرغم من انى ما بستريحش ليه
و لكن لو حسبناها من الجانب المادى زى ما بقيت الاخو قالو ال500 الف كمان 18 سنة مش هيعملوا حاجة...و لو انك برده هتلاحظ ان ال 10000 كمان كام سنة قيمتهم هتقل..بس اعتقد انه الافضل تخليهم فى العقارات او الاراضى ...لأنهم بشكل عام يعتبروا مخزن للقيمة افضل من اى سلع او اى فلوس ف البنك..و بعدين ده برده يديلك مرونة فى حالة اى ظروف طارئة او تغيير فى خططك...و ده طبعاً مش بس فى حال حاجة وحشة لا قدر الله...لأن ده وارد تحت اى بند...يعنى ممكن تلاقى فرصة افضل ليك...و لأسرتك و يكون ساعتها الفارق بينك و بينها حاجة بسيطة ...ساعتها هتكون فلوسك تحت ايدك تتصرف فيها..حنى لو كانت فى عقار او سلعة و محتاج تسييلها ...اعتقد انه افضل من شركة التأمين...و ممكن برده لو كنت لسه قاعد فى البلد دي تكتشفه ان التعليم سكة مش جايبة همها..و ممكن سيادتك تطلب معاك خلعان من هنا ....و ممكن حاجات كتير ...فالأفضل انك ما تزنقش نفسك في حاجة مش هتعرف تتخلص منها بسهولة لو حبيت..
انا عارف انى رغاااااااى بس حبيت اقولك رأيى ..و لو انى انا نفسى مش فاهم حاجة منى
و عموماً ربنا يوفقك للخير وتفرح باللآنسة مايا ان شاء الله

**AhMeD EzZ** · 15-03-2009 02:56 AM

بس يا جماعة انتو فاهمين غلط هما مش بيحددو معاك مبلغ معين تاخدة بعد كذا سنة
لا هما بيلتزمو بمصاريف كلية معينة انتت بتحددها و علي اساسها بيتم تحديد القسط السنوية و هما عليهم المصاريف