مش عارف انام ممكن تحلولى مشكلتى

**eng.octooo** · 14-03-2009 11:17 PM

شكرا على الردود وانا بجد هاطبق النصيحة دى فى حياتى

اذا اردت ان تمتلك شىء فاطلق صراحه فان عاد فهو لك وان لم يعد فلم يكن لك من البدايه

**SeiffoZ** · 14-03-2009 11:29 PM

أنا شايف إنك تستنى خصوصا إنك بتقول إن كلامكم على خفيف ... يعنى طور الكلام شوية (مش قصدى يعنى حاجة) بس لو فى كيمياء خليها تيجى من نفسها مع الوقت , المواضيع دى بتاخد وقت ...
خصوصا تعرف خبايا البنت و مكنونها .. ( ليس كل ما يلمع ذهبا) ممكن تكون فيها حاجات صعب جدا تعيش معاها بيها أو فى حاجات فيك صعب جدا هى تتقبلها و هكذا ...

فى المواضيع دى تأخذ إستراتيجية المدى المتوسط - طويل , خصوصا دلوقتى الجواز صعب , و صعب إنك تخرج من جوازة تدخل فى التانية . واحدة واحدة خصوصا إن مافيش حاجة حاليا تقدر تعملها

**ASKAFRAWY** · 14-03-2009 11:34 PM

اصبر شويه وشوف رد فعلها ايه؟؟
بس بدون زعل الموقف دة حصل معايا قبل كدة بس انا اللى غيرت رايي
يارب متغيرش رايك بعد ماتوافق!!بس طالما معاك فالكلية يبقى هتتعرف عليها اكتر!!ومتقلقش من موضوع النوم دة هتنام عادى ولا كان حاجة حصلت!!

**karaktar** · 14-03-2009 11:41 PM

سامحنى فى الكلام ده
بصراحة احنا مرينا بالتجارب دى فى الجمعة انا بكلمك وانا خريج سنة 2005 ده شعور مراهقة مش اكتر موضوع الخطوبة والجواز لسه بدرى عليه بالنسبالك
نصيحة منى ليك اعرف يعنى ايه خطوبة ويعنى ايه زواج وبعد كده حس اللى انت عايزو

**Samah AbdAllah** · 15-03-2009 12:56 AM

مع احترامى لكل الاراء انا هكلمك بوجهه نظر مختلفة
احنا كلنا بشر وكلنا حبينا ومسمعناش كلام حد ولا خدنا غير برايى قلوبنا وقتها
وبنفس المنطق ده هقولك انت اللى يهمك فى الوقت الحالى هل هى بتبادلك نفس الشعور ولا لا وهى ردها كان واضح انك بالنسبة ليها مجرد زميل وده مش عيب ولا يقلل من شانك الحب اجمل شعور هتحسه فى الدنيا بس ماتخليهوش يقودك فى حياتك تأنى
استمتع بحياتك مرحلة مرحلة وماتستعجلش الامور اجمل ما فى العلاقات بدايتها

**samo9992003** · 15-03-2009 08:52 AM

المشاركة الأصلية كتبت بواسطة نور القمر

عايزرأيي يا اكتو من غير زعل ولا حساسية
بلاش ترتبط في السن الصغير ده علشان المشاعر في السن ده مش بتكون ثابته وكل يوم هاتلاقي نفسك في حالة غير التانية وحتى لو انت متأكد من مشاعرك هتتأكد ازاي من مشاعرها
متنساش ان انتم الاتنين لسه في اواخر مرحلة المراهقه
بعد ما تتخرج ان شاء الله هتكون انضج وتفكيرك انضج وتفكير اللي هترتبط بيها انضج وهتقدروا تحددوا مشاعركم صح وتحققوا احلامكم صح وتخططوا لحياتكم صح

انا رايى من راى استاذه نور

**Mohd_Adel_Amin** · 15-03-2009 08:55 AM

المشاركة الأصلية كتبت بواسطة نور القمر

عايزرأيي يا اكتو من غير زعل ولا حساسية
بلاش ترتبط في السن الصغير ده علشان المشاعر في السن ده مش بتكون ثابته وكل يوم هاتلاقي نفسك في حالة غير التانية وحتى لو انت متأكد من مشاعرك هتتأكد ازاي من مشاعرها
متنساش ان انتم الاتنين لسه في اواخر مرحلة المراهقه
بعد ما تتخرج ان شاء الله هتكون انضج وتفكيرك انضج وتفكير اللي هترتبط بيها انضج وهتقدروا تحددوا مشاعركم صح وتحققوا احلامكم صح وتخططوا لحياتكم صح

انا شايف ان كلام نور هو الأنسب لموضوعك .. ده أولا ..

ثانيا : نصيحتي ليك واتمنى انك تقبلها بصدر رحب وأنا خريج 2008 يعني مش بعيد عن جو الكلية والدراسة , حاول تقلل من تعاملك مع البنات كأصدقاء تعامل معهم كزملاء في العمل ولو حصل ووجدت ان فيه واحدة تفكيرها قريب منك او بترتاح في الشغل معاها مش معناها انها هي المناسبة ليك كارتباط لأن عايزك تتذكر جيدا انك لما بتتزوج بتبقى عايز زوجة وام مش عايز بنت مناسبة ليك وبس .
انا الحمد لله طلعت بناس محترمة كثير في الكلية ومنهم بنات كثير قمة في الاحترام والاخلاق مع ان تعاملي معاهم لم يتعدى الأشهر وبدعيلهم بالتوفيق في حياتهم بس مش معنى كده اني اقول عايز اروح ارتبط بيهم !!
وتذكر ان وراء كل رجل عظيم امرأة عظيمة (او اعظم منه !!) لازم تفكر في الموضوع ده لما تحب ترتبط وعظمتها هنا انها تكون قادرة على تحمل المسؤولية لما بيكون هو مشغول في بناء نفسه وبناء اسرته ..

ولك مني خالص التقدير والاحترام على انك فتحت موضوع زي ده واستشرت اخوانك في المنتدى ..

**Ahmed_Elkhateb** · 15-03-2009 05:06 PM

المشاركة الأصلية كتبت بواسطة نور القمر

عايزرأيي يا اكتو من غير زعل ولا حساسية
بلاش ترتبط في السن الصغير ده علشان المشاعر في السن ده مش بتكون ثابته وكل يوم هاتلاقي نفسك في حالة غير التانية وحتى لو انت متأكد من مشاعرك هتتأكد ازاي من مشاعرها
متنساش ان انتم الاتنين لسه في اواخر مرحلة المراهقه
بعد ما تتخرج ان شاء الله هتكون انضج وتفكيرك انضج وتفكير اللي هترتبط بيها انضج وهتقدروا تحددوا مشاعركم صح وتحققوا احلامكم صح وتخططوا لحياتكم صح

انا قريتو الردود كلها ملقتش ولا رد منااااااااااسب غير بتاع نور القمر ونعم الرأى

-

-

الموضوع: مش عارف انام ممكن تحلولى مشكلتى

LinkBack

أدوات الموضوع

عرض

-

-

-

-

-

-

المواضيع المتشابهه

مش عارف انام

ازاي اعرف انام بسرعة ، عندي ارق مزمن ؟ ومش عارف انام

مش عارف انام ! ، ازاي اعزل الصوت ؟

مش عارف انام و بحلم بكوابيس ؟؟؟!!!

موش عارف انام

الكلمات الدلالية لهذا الموضوع

المفضلات

المفضلات

ضوابط المشاركة