انت تعرفها من اد ايه يا octooo عشان تحكم على قلبك انه فعلا بيحبها ؟؟
اعتقد الفتره مش كبيره كفايه عشان تكون قدرت تقيم شكل علاقتكو صح او حتى عرفتها كويس و عرفت انها الأنسانه اللى تنفعك و هتناسبك
لو فعلا زى مابقول فوق يبقى انت اتسرعت شويتين ,, لازم الأول تدى فرصه ( ليك و ليها ) تعرفو بعض كويس اكتر من كده و تشوفو ردود فعل بعض فى المواقف الطبيعيه بتاعت اليوم ,, و تقربو من بعض اكتر و ساعتها ممكن ( بقول ممكن ) الحب ده يتقلب و يروح خالص بإنك تشوفها مش اللى كانت فى بالك او ان حبك ليها يزيد و تتأكد كل يوم انك نشنت صح ع البت الصح
عموما انت خليك كوول جدا و بيس يا با و اتعامل ,, و فعلا لسه بدرى يا عمنا ع الحوار ,, و كمان ابقى اعرف رأى اهلها فى الحوار من بعيد ( يعنى عندهم استعداد لأرتباطات من اى نوع خلال فتره دراستها ولا لأ ) و كده يعنى ( و دى برده كنت لازم تعرفها الأول قبل ما تقولها ) بس ما علينا ,, اللى حصل حصل بس فعلا انا عاوزك تنسى الموضوع دلوقتى و اتعاملو على اساس الصحوبيه ,, اعرفها كويس و خليها تعرفك كويس و شوف هتحكم بنفسك انت ع الموضوع بعد شويه وقت
و بالتوفيق يا مان ,, متنساش تعزمنا ع الخطوبه ;)
المفضلات