اسئله عن حاجات فى الريجاتا

**safsaf32** · 14-03-2009 06:52 PM

السلام عليكم يا شباب انا عندى اسئله كتير عايزكم تفيدونى فيها انا عربيتى ريجاتا 85s المهم
1-نور التابلوه ضعيف جدا وماعنديش البكره اللى بتتحكم فيه للاسف مش موجوده فهل نور التبلوه بتاع الريجاتا ضعيف فعلا والا انا عندى مشكله
2-الزراير اللى تحت الدريكسيون اللى هى الانتظار والسخان وزرارين مرسوم عليهم رسمه النور الواطى مش عارف ايه لازمتهم واحد منهم اما بدوس عليه لمبه النور الواطى فى التبلوه بتنور بس لازم اكون مشغل ساعتها النور الواطى اما لو مش مشغل النور ودوست عليه ما بعملش اى حاجه والتانى مش متوصل بسلك من اساسه
3-مش عارف اقلب بالنور اما بدوس على الدراع بتاع النور عليا زى نظام 128 هل مفيش قلاب نور فى الريجاتا والا دراع النور بايظ والا انا مش فاهمله
انا اسف ياجماعه زهقتكم باسئلتى الكتيره وشكرا ليكم مقدما

**mtageldeen** · 15-03-2009 04:31 PM

المشاركة الأصلية كتبت بواسطة safsaf32

1-نور التابلوه ضعيف جدا وماعنديش البكره اللى بتتحكم فيه للاسف مش موجوده فهل نور التبلوه بتاع الريجاتا ضعيف فعلا والا انا عندى مشكله

نور التابلوه فعلا ضعيف طبيعي وهو يعتمد علي 3 لمبات في أعلي التابلوه ولن تستطيع رؤيتهم من الخارج

والحل:

-لو تستطيع الرؤية ليلاً رغم ضعف الإضاءة فيفضل أن يبقي الوضع علي ما هو عليه
لأن الإصلاح سيتطلب فك العدادات عند الكهربائي لإصلاح النور كما سيأتي ولكن بعد تركيب العدادات ستجده خارج من التابلوه وربما يفشل الكهربائي في ربطه ثانية وتضطر للصق العدادات بأمير وسيكون هذا إقتراح الكهربائي أيضاً والذي سيعجز عن ربط العدادات.

- لو الرؤية مستحيلة هذا معناه تغير اللمبات الثلاثة الموجودة

أو زيادة لمبات بأي لون ولكن في هذه الحالة سيقوم الكهربائي بعمل خرم في أعلي العدادات لكل لمبة وسيكون عددهم 2 تقريباً
وفي حالة تلف أي منهم يمكن تغيرها بسهولة.

أو زيادة شريط ليدات بأي لون داخل التابلوه

وفي جميع هذه الحالات سيتم فك العدادات ولا أتوقع أن يعود كما كان.

**mtageldeen** · 15-03-2009 04:41 PM

المشاركة الأصلية كتبت بواسطة safsaf32

مش عارف اقلب بالنور اما بدوس على الدراع بتاع النور عليا زى نظام 128 هل مفيش قلاب نور فى الريجاتا والا دراع النور بايظ والا انا مش فاهمله
انا اسف ياجماعه زهقتكم باسئلتى الكتيره وشكرا ليكم مقدما

دراع النور في الريجاتا خلف الدريكسيون من اليسار

ويوجد 2 دراع:

الأول وهو الأسفل للإشارات
وكيفية إستخدامه: تحريكه لأعلي يعني الإنحراف يميناً وتحريكه لأسفل يعني الإنحراف يساراً

الثاني وهو الأعلي للإضائه

وهو يتكون من رأس دواره وعمود الذراع
كيفية إستخدامه:

للنور الواطي: إدارة الرأس دورة واحدة (من أعلي لأسفل)
للنور العالي:إدارة الرأس دورة واحدة أخري (من أعلي لأسفل)
للنور العالي البعيد (في السفر):الضغط علي الذراع لأسفل مع وضع الرأس الدوارة في وضع النور العالي (وغير ذلك لن يتحرك لأسفل)
لتقليب النور: شد الذراع ناحية الدريكسيون (إتجاه السائق) وكن حذراً كي لا تكسره

**hossam_nasr** · 15-03-2009 04:45 PM

النور فعلا ضعيف
بس رحت للكهربائى و ركبلى كتاوت وبقت تمام
هيه موديل كام؟؟؟؟

**maka** · 16-03-2009 01:58 AM

المشاركة الأصلية كتبت بواسطة hossam_nasr

النور فعلا ضعيف
بس رحت للكهربائى و ركبلى كتاوت وبقت تمام
هيه موديل كام؟؟؟؟

كتاوت لنور التابلوة

**safsaf32** · 16-03-2009 10:41 AM

الف شكر ليكم يا شباب على اهتمامكم وعلى فكره يا استاذ mtageldeen انا فعلا اما اجى اقلب النور باخد الدراع عليا بس ما بيعملش حاجه شكل الدراع بايظ....اما بالنسبه للعدادات فهى بالفعل اتفتحت قبل كده عشان انا لاقيها ملزوقه بسمغ فامش فارقه كتير لو فكيته تانى والف شكر يا باشا على اهتمامك وشرحك المفصل الجميل

**mtageldeen** · 16-03-2009 12:00 PM

المشاركة الأصلية كتبت بواسطة safsaf32

الف شكر ليكم يا شباب على اهتمامكم وعلى فكره يا استاذ mtageldeen انا فعلا اما اجى اقلب النور باخد الدراع عليا بس ما بيعملش حاجه شكل الدراع بايظ

....اما بالنسبه للعدادات فهى بالفعل اتفتحت قبل كده عشان انا لاقيها ملزوقه بسمغ فامش فارقه كتير لو فكيته تانى والف شكر يا باشا على اهتمامك وشرحك المفصل الجميل

الحمد لله إن الفائدة وصلت وهذا ما نرجوه جميعاً.

وبالنسبة للعدادات لو تم لصقها من قبل بأمير أو غيره تبقي مش فارقة وروح لكهربائي وأمرك لله.

وموضوع الكتاوت أنا لا أعلم عنه شيء.