الموضوع: احذروا التعامل مع هؤلاء فى الاسكندرية

الصادق للاطارات وظبط الزوايا والترصيص شارع جمال عبد الناصر (صينية جيهان) .... اقل ما يقال عنهم انهم بهايم مع الاعتذار للبهايم
الحكاية وما فيها ان من كام يوم لاقيت الدركسيون بيرقص فايدى ولا فيفى عبده .. المهم طبعا عايز ارصص واظبط زوايا
قولت اروح للصادق واهو محل مشهور وطويل وعاريض واكيد كويس ... رصصت و عملت ظبط زوايا وبالصدفة لاقيت واحد معرفة هو اللى بيظبط الزوايا
...........................
ضبط الزوايا طلع 10 على 10 والله اعلم طلع كدة علشان المعرفة ولا لأ
الترصيص بقى وانا بجرب العربية تانى يوم لاقيت الدركسيون بيرقص بس المرة دى زى دينا ... بعيد عنكم زلزال فى ايدى
بعد ما رجعت من الشغل روحت لواحد كنت بتعامل معاه الاول ... وخلاته كشفلى على الترصيص
1- اول عجلة ادت قراية على الجهاز 65 55
2- تانى قراية 45 35 وهكذا مع الاربع فرد
3- تم استعدال جنط وضغط الهواء فيه لاقيته 25
اطلع اجرب العربية تقولش كانت متكتفة .. والحمد لله رجعت زى الفل
............................
يا ريت يا جماعة نتجنب محل الصادق خاصا فى الترصيص لان الحصل دة انعدام ضمير ومقصود .. لان لا يمكن صنايعى ترصيص
يبوظلك اربع فرد بدون قصد مستحيل .. حتى لو الجهاز بايظ استحالة تدى القرايات الكبيرة دى مع العلم ان الكاوتش حالته ممتازة
واكيد هو عمل كدة علشان ارجعلهم تانى ويشتغلنى فى حاجة تانية
وحسبى الله ونعم الوكيل فى كل من يغشنا