الموضوع: تقرير مصور عاجل عن العروسة الجديدة (أوبترا 2009lsخليجى)

المشاركة الأصلية كتبت بواسطة aif

الف مبروك
ربنا يديك خيرها ويكفيك شرها ويملهالك بركة
الف مبروك
كام سؤال ع الماشي
العربية فيها زرار سنتر لوك ولا زي اللي هنا بتفتح من سقاطة الباب بتاع السائق
الضمان عندكم قد ايه

مش عارف تقصد ايه بزر سنتر لوك،،، يعنى زر يقفل الأبواب كلها من الداخل ؟؟؟؟ لأ ما فيهلش ازرار دة لكن فيها زرار اسمه مانع الأطفال،، وهو موجود فى باب السائق وهو يعطل فتح و زجاج جميع الأبواب

المشاركة الأصلية كتبت بواسطة Hosam_Optrawy

انا برضه عايز اسأل سؤال
هو فى السعوديه فى ضرايب ؟
اصل لما نيجى نحسب
الاوبترا تمنها فى السعوديه بحوالى 46000
يعنى بالمصرى تقريبا 46000 * 1.5 = 69000 جنيه مصرى
لو هندخلها مصر
69000 * 60% ضرايب = حوالى 42000 الف
يبقى 69000 + 42000 = 111000
وهى سعرها هنا فى مصر 102000 وكمان فيها جنوط سبور وعتب
تيجى ازاى دى ؟

يا استاذ حسام ما فيش حاجة هنا اسمها ضرائب أساسا لا على السيارات ولا غيرها،،،،
سعر السيارة اللى قولتهولك شامل كل شىء حتى الترخيص والتأمين،،، يعنى انا استلمت السيارة من الوكالة خالصة مخلصة بلوحاتها ورخصها وتأمين تأمين تجاه الغير.
وبعدين العتب والجنوط والكلام دة هنا رخيص جدا وممكن أركبه فى ثوانى ولكن بيفرق عند جمركة السيارة. وبعدين أنت ناسى حاجة،،، أن السيارة بتاخذ 10% خصم من قيمة الجمارك فى شهر اكتوبر من سنة الموديل وكا سنة تعدى عليها تاخذ خصم 5% يعنى برضة بنستفيد لما نيجى ننزلها

المشاركة الأصلية كتبت بواسطة ashour100

السلام عليكم
حسام بك
حسبتك لسه ناقصة مصاريف الشحن + الاكراميات+نثريات+ عدم الاستفادة من الضمان المحلي

معروف دايما ان شراء السيارات من الخارج بيكون أغلى من الشراء من الوكيل المحلي، وده وضع مفهوم لان الوكيل بيتعاقد على شحنات ضخمة جدا وبياخد خصم كبير بالاضافة الى استفادته من أعمال الصيانة.

وهنا بيكون العزاء الوحيد للقادم بسيارة من الخارج هو المواصفات الخليجية وهي بلا شك أفضل كثيرا من مواصفات بلدنا ( حتى الفرش الداخلي بيفرق).
انا فعلا شوفت الاوبترا في السعودية حاجو وهمية من ناحية الفخامة وده راجع طبعا علشان يعرفوا يسوقوها لان مفيش خليجي هيبص عليها ويسيب اليوكون والجي ام الكبير وخلافه

ناقص على حساباتك ان الاوبترا في مصر ب 107 وان سعر 102 مؤقت في العرض الحالي.
وشكرا

كلامك صحيح 100% فعلا السيارة القادمة من الخارج أحيانا وليس دائما تكون أغلى من مثيلتها فى مصر،، لكن فرق السعر دائما يكون لصالح المواصفات،،، فعلا أنا شفت صور الأوبترا فى الموضوعات الأخرى فى المنتدى ما عجبتنيش ولكن السيارة الخليجية على الطبيعة حاجة ثانية .

المشاركة الأصلية كتبت بواسطة Hosam_Optrawy

شكرا ياجماعه على الردود والتوضيح
كدا يبقى الاوبترا سعرها معقول بالنسبه لبره
يعنى مش مغالى فى سعرها زى عربيات تانيه
صح ولا ايه

معقولة جدا،،،، مقارنه بالكثير من السيارات

كما وعدتكم إليكم المزيد من الصور ،،
1- صورة للدريكسيون كامل :
[url=http://file12.9q9q.net/preview/46587987/direction.jpg.html][/url]
2- صورة لأزرار التحكم فى الراديو من الدريكسيون
[url=http://file12.9q9q.net/preview/83567731/radio-keys.jpg.html][/url]
3- بكرة التحكم في مرتبة كرسي السائق
[url=http://file12.9q9q.net/preview/15199198/seat-buttons.jpg.html][/url]
4- الكاسيت والتكييف
[url=http://file13.9q9q.net/preview/28876627/inside.jpg.html][/url]
5- الجير
[url=http://file13.9q9q.net/preview/21267627/gear.jpg.html][/url]
6- الأزرار الموجودة بالباب
[url=http://file13.9q9q.net/preview/57366956/door.jpg.html][/url]
7- المفتاح ومدمج معه الريموت
[url=http://file13.9q9q.net/preview/26612217/key.jpg.html][/url]

ربنا يباركلك فيها ويديك خيرها ويكفيك شرها
على فكرة يا aboenjy انا كمان من بنها ومعاك هنا فى السعودية وكنت عايز اكلمك واعرف معلومات منك اكتر عن الاوبترا لانى فى نفس حيرتك عايز عربية لمصر

يا ريت تبعتلى ع الخاص نمرة تليفونك لو مش ممانع

المشاركة الأصلية كتبت بواسطة ferrari1500

ربنا يباركلك فيها ويديك خيرها ويكفيك شرها
على فكرة يا aboenjy انا كمان من بنها ومعاك هنا فى السعودية وكنت عايز اكلمك واعرف معلومات منك اكتر عن الاوبترا لانى فى نفس حيرتك عايز عربية لمصر

يا ريت تبعتلى ع الخاص نمرة تليفونك لو مش ممانع

أشكرك ،،، وعقبالك
تم ارسال الرسالة الخاصة وفى انتظار تليفونك
أهلا بيك