باركولى وساعدونى ( لسه شارى لانوس 99 جديد )

**abmoo** · 15-03-2009 11:20 AM

السلام عليكم
ان لسه شارى لانوس جديدة موديل 99
اولا عايز رايكم فيها كسيارة انا اشتريتها 38 الف هل السعر مناسب ام لا
ومحتاج اعملها تشيك على كل حاجة فيها ياريت لو تقوللى مكان كويس اقدر اعمل فيه صيانة محترمة ومدفعش كتير
وكمان لو عايز اقلبها اتوماتيك ياترى تتكلف كام
شكرا للجميع وخصوصا الى حيرده عليه

**MMamdouh** · 15-03-2009 12:12 PM

مبروك

MMamdouh

**zeka127** · 15-03-2009 06:21 PM

الف مبروووووك

**samirayad** · 15-03-2009 07:12 PM

الف مبروك.......وعلى طول غير سير الكاتينه والزيت والفلتر بتاعه.........حتى لو اللى بايعلك قالك أنا لسه عامل الحاجات دى أمبارح

**saifsaadmohamed** · 15-03-2009 10:08 PM

مبروووووووووووك
ربنا يكتبلك خيرها و يبعد عنك شرها

**abouzaid555** · 15-03-2009 11:36 PM

المشاركة الأصلية كتبت بواسطة abmoo

وكمان لو عايز اقلبها اتوماتيك ياترى تتكلف كام

الف مبروك بس انا اعرف ان الاوتوماتيك فى الكورى مش كويس و الله اعلم و خد راى خبراء المنتدى

**Drift_Lover** · 16-03-2009 03:54 AM

الف مبروك...
وربنا يديك خيرها ويكفيك شرها.

1- تغيير الزيت... واكد علي زيت الباور انه مش ناقص.
2- تغيير الفلاتر. فلتر البنزين بالاخص. وتنظيف فلتر الهوا او تغييره.
3- تغيير السيور ( سير الكاتينة وسير الدينامو وسير التكييف ) ,وبالمرة وانت بتغير سير الكاتينة اكشف علي الميكانيكي يكشف لك علي دورة المية (طلمبة الميه بالاخص علشان انت كده كده حليت.)
4- اتأكد ان العدادات ولمبات البيان كلها شغالة (لمبة التشيك-لمبة الزيت-لمبة البنزين- لمبة الدينامو(البطارية) - لمبة حزام الامان - لمبة الباب )
هما 6 لمبات اساسيين ولمبة البنزين في حالة التنك قرب يفضي.
5- خللي بالك من المراوح واـاكد انها شغاله تمام. وخللي عينك علي أمبير الحراره وشوف المرواح بتشتغل لما العربيه تسخن ولا لأ.
6- اكشف علي البوجيهات ولو مرطبة غيرها.

7- شيك علي التيل فقط و لو العافشة تمام ماتعملش فيها ماتعملش فيها شغل دلوقتي... لكن لو فيها مشكلة لازم تعملها وبعد ماتخلص اظبط زوايا.

8- بعد ما تخلص الليلة دي وعلشان يطمئن قلبك. اكشف علي العربيه اسكانر علشان تتأكد ان كل حاجه تمام... وخللي المهندس وهو بيكشف سكانر يقولك آخر 3 اخطاء متخزنين في الكنترولر. وخليك فاكرهم وحط تحتهم خط (من باب العلم بالشئ. والاحتياط لمعرفة ايه اللي كان في العربيه واتعمل ولا لأ قبل كده )

الموضوع ده حياخد منك يومين تلاته.
بس بعدها ركب العربيه وانت متطمن وان شاء الله ماتفكرش غير انك تستمتع بقيادتها.

والف مبروك للمرة التانية.