الموضوع: العربيه عطشت تانى !

المشاركة الأصلية كتبت بواسطة therealhatem

جزيل الشكر يا وليد باشا....عربية حضرتك بتديلى أمل إن أنا ممكن أعمل فوق ال 200 كيلو جوه البلد لما أصلح بتعتى إن شاء الله
وأنا شاكر جدا لإستعدادك الطيب ده...نظرا بس لظروف الشغل أنا هحاول أصلحها عندنا فى طنطا الأول ولو منفعش هكلم حضرتك ونروح التوكيل وده يبقى ليا الشرف إنى أتعرف على حضرتك

يا حاتم باشا انا اللي ليا الشرف اتعرف على حضرتك. وعموما انا ان شاء الله هاروح توكيل مقار يوم الجمعة الجاية علشان اغير سير الكاتينة. لو حبيت تشرفني ونروح سوا وبالمرة تعرف ايه المشكلة عندك.
وان شاء الله بعد ما تتظبط هاتعمل معاك على الاقل 200 كيلو جوة البلد. انا على طول بحسبلها. اول ما احط البنزين اصفر العداد مباشرة.

المشاركة الأصلية كتبت بواسطة therealhatem

بس كده برده الإستهلاك هنا أحسن حاجه يترى إيه السبب...هل لأن العربيه اللى مكتوبه فى التابلو موتور إيكوتيك أوروبى ولا لإن الكلام ده أول مابنشتريها بتبقى كده

تقريبا ده لما بتكون العربية في احسن حال او جديدة وكل حاجة تمام. ماعتقدتشي ان الكلام ده هو هو بعد استهلاك 10 سنين على الاقل

المشاركة الأصلية كتبت بواسطة hellboy

مساء الفل يا وليد باشا .. فعلا عدد السنيين اللي فاتت علي انتاج العربيه ما بيفرقش ابدا في الاستهلاك المهم هو حاله الموتور الحاليه وانا عربيتي ماشاء الله بتعمل 220كم جوه البلد -300 كم في السفر بالتكييف - اهم حاجه حاله البوجيهات والرشاش وفلتر البنزين وفلتر الهواء .دول اهم حاجه في منظومه توفير البنزين .

مساء الفل يافادي باشا
فعلا عندك حق في كل كلمة. لو الواحد متابع العربية في كل الصينات وبغير كل حاجة في ميعادها. هاتفضل زيها زي الجديدة
يمكن انا بس قصدي ان برده موتور مستهلك 10 سنين مش زي موتور جديد على الرغم ان المواتير الالماني معمرة جدا

المشاركة الأصلية كتبت بواسطة lancerevolution

انا لما جربتها كانت علبة الشكمان مدمرة و كمان التكيف كان شغال على طول "كان بايظ" و بسببه العربية كانت دايرة عند الكهربائى بتاع ساعتين تلاتة عشان يظبت مراوح التبريد و كمان مراوح التكيف فلو حسبتها حتلاقيها نفس الحكاية

أيوه كده ده أكيد السبب
إن شاء الله فى العادى هتعمل معاك فوق ال550 كيلو

المشاركة الأصلية كتبت بواسطة abdelaziz-waleed

يا حاتم باشا انا اللي ليا الشرف اتعرف على حضرتك. وعموما انا ان شاء الله هاروح توكيل مقار يوم الجمعة الجاية علشان اغير سير الكاتينة. لو حبيت تشرفني ونروح سوا وبالمرة تعرف ايه المشكلة عندك.
وان شاء الله بعد ما تتظبط هاتعمل معاك على الاقل 200 كيلو جوة البلد. انا على طول بحسبلها. اول ما احط البنزين اصفر العداد مباشرة.

تقريبا ده لما بتكون العربية في احسن حال او جديدة وكل حاجة تمام. ماعتقدتشي ان الكلام ده هو هو بعد استهلاك 10 سنين على الاقل

والله أنا نفسى أجى معاك بس أنا فى إمتياز فى مستشفى الجامعه اللى عندنا وأنا حاليا شغال طورىء ونبطشية الطوارىء للأسف الشديد 12 ساعه من 8 إلى 8
إن شاء الله نتقابل قريب فى المقابلات اللى جايه
لما أخلص من الطوارىء

فعلا أكيد لازم يكون الموتر جديد علشان يستهلك الإستهلاك ده
شكرا ليك يا بشمهندس

المشاركة الأصلية كتبت بواسطة hellboy

مساء الفل يا وليد باشا .. فعلا عدد السنيين اللي فاتت علي انتاج العربيه ما بيفرقش ابدا في الاستهلاك المهم هو حاله الموتور الحاليه وانا عربيتي ماشاء الله بتعمل 220كم جوه البلد -300 كم في السفر بالتكييف - اهم حاجه حاله البوجيهات والرشاش وفلتر البنزين وفلتر الهواء .دول اهم حاجه في منظومه توفير البنزين .

منور يا فادى باشا الموضوع وشكرا لردك

المشاركة الأصلية كتبت بواسطة eng\ahmed

استهلاك الفكترا ال1.6 الموتور الاسود حوالى 9-9.5 لتر فى 100 كلم (حسب الكتالوج)
استهلاك البنزين موضوع نسبى بمعنى عوامل كتيرة جدا مؤثرة علية ابسطها طريقة السواقة والجو مع ثبات حالة الموتور
وبعدين جوة المدينة فى مدينة نصر ومصر الجديدة غير وسط البلد بمعنى لما بتيجى تحسب الاستهلاك بتحسب المسافة بس بالرغم من ان لو العربية واقفة والموتور داير بتسحب بنزيين
علشان تحسب فول العربية وامشى بيها عادى لحد مثلا لما يبقى فيها 15 لتر وبعدين فول تانى واحسب استهلكت كام لتر فى المسافة دى ... كدة بتحسب متوسط استهلاك لأن الاستهلاك مش ثابت (يوم قرصت شوية يوم لأ وكدة)

أنا فعلا كنت بحسب الإستهلاك بالطريقه دى وزى ماقولت عمرها مبتعمل أكثر من 300 كيلو من فول تنك لحد 10 لتر يعنى خمسين لتر