العربيه عطشت تانى !

**therealhatem** · 16-03-2009 07:14 PM

السلام عليكم ورحمة الله وبركاته
أنا كان عندى مشكله فى إستهلاك البنزين من زمان حيث إن العربيه كانت بتستهبل 20 لتر فى 110 كيلو جوه البلد فروحت عملتلها صيانه وغيرت حساس مايه وكمان 4 بوجيهات والعربيه إتضبطت شهر بالظبط وبقت بتستهلك 20 ليتر فى 180 كيلو جوه و230 بره البلد
ولكن بقالى شهر والحال رجع تانى
110 كيلو فى الصفيحه
يظهر إن مفيش فايده فيها
مش عارف ده الطبيعى بتاعها ولا فى حاجه غلط
فياريت اللى يعرف إستهلاك الفيكترا 97 1600 مانيوال يقولنا إستهلاكها كام
ملحوظه أنا بحط 92

**samirayad** · 16-03-2009 07:58 PM

مساء الفل يا دكتور..............وطبعا الأستهلاك كده كتير أوى

**therealhatem** · 16-03-2009 08:23 PM

مساء النور للبشمهندس الكبير سمير
الراجل المحترم ده دائما أول واحد بيرد عليا
أنا فعلا حاسس إن ده كثير بس المشكله إنى كل ما أسئل حد من اللى معاه فيكترا يقولى والله ما بحسبها بخليها بالبركه واللى يقول مادام جوه البلد يبقى وارد
بس الصراحه أنا مش مقتنع لأن فيه عربيات 1600 كثير بتعمل أكثر من 200 كيلو فى الصفيحه جوه البلد
يمكن يكون العيب فى البلد بتعتى ومش فى العربيه هههههههه

**therealhatem** · 16-03-2009 08:28 PM

فى حاجه نسيت أقولها فى نتشه ساعات بلاحظها مع دوسة البنزين:10D5C8~1107:

**samirayad** · 16-03-2009 09:37 PM

أكشف برضه على قوة الشراره اللى رايحه للبوجيهات........ممكن تكون البوبينا بدأت تضعف ولا حاجه ......وياريت تطمن على شكل البوجيهات ......واللون بتاعها بعد فترة الأستخدام منذ تغييرها (لأن ده عامل مهم وليه علاقه بموضوع النتشه اللى بتقول عليه ).......................وبرضه ياريت توضح الزيت عندك كويس ومبينقص.....ولا أيه النظام

**therealhatem** · 16-03-2009 10:06 PM

شكرا ياباشا على ردك
أنا كل اللى هعرف أشوفه لوحدى الزيت أنا هنزل دلوقتى أبص وهرد عليك لما أخلص نبطشيتى
وبالنسبه للباقى أروح لميكانيكى ولا كهربائى

**samirayad** · 16-03-2009 11:25 PM

وبالنسبه للباقى أروح لميكانيكى ولا كهربائى

ميكانيكى كويس ممكن يعرف حجم المشكله (علشان حيكشف على البوجيهات ويشوف عليها أثر زيت ولا حاجه ).....وهو برضه ممكن يختبر قوة الشراره بحل كبل كبل من بتوع البوجيهات.........وكلهم عارفين الكلام ده (فلاداعى حاليا من كهربائى .....لتقليص التكلفه بقدر الأمكان )

**tamertamer** · 17-03-2009 02:15 AM

انا معاية نفس العربية بص لو بحرق كتير اوى بتعمل معاية 160 لو ماشى عدل 180 190

**lancerevolution** · 17-03-2009 07:45 AM

كدا العربية مش عطشانة كدا جعانة
انا بمون 90 وبفكر أقلب 92
بتعمل فى ال11.44 لتر من 75 ل80 كيلو و الفل تانك عمل معايا 400 كم بس أنا غالبا ببقى ماشى بقوة الدفع الذاتى أو ممور

معلش نسيت العربية 2001

**therealhatem** · 17-03-2009 11:39 AM

المشاركة الأصلية كتبت بواسطة samirayad

ميكانيكى كويس ممكن يعرف حجم المشكله (علشان حيكشف على البوجيهات ويشوف عليها أثر زيت ولا حاجه ).....وهو برضه ممكن يختبر قوة الشراره بحل كبل كبل من بتوع البوجيهات.........وكلهم عارفين الكلام ده (فلاداعى حاليا من كهربائى .....لتقليص التكلفه بقدر الأمكان )

مستوى الزيت طبيعى بين المين والماكس

الموضوع: العربيه عطشت تانى !

LinkBack

أدوات الموضوع

عرض

العربيه عطشت تانى ! - انشر الموضوع فى :

-

-

-

-

-

-

المواضيع المتشابهه

نقل العربيه لمرور تانى

هيه العربيه الليونسيل رجعوا يصنعوها تانى ؟؟

العربيه اتخبطت تانى

الحمد لله العربيه اتخبطت تانى

العربيه بتبطل و تشتغل تانى؟

الكلمات الدلالية لهذا الموضوع

المفضلات

المفضلات

ضوابط المشاركة