الموضوع: شوفولى حل ياجماعه

المشاركة الأصلية كتبت بواسطة sab3aawy

تاكيهات مفتوحة يعنى الخلوص بين عمود الكامة وطبق الصباب اوسع مما ينبغى


الصورة دى تمثل مقطع فى محرك 2 كامة علوية زى اللى عندك لو بصيت فوق هتلاقى عمود الكامةcam shaft وتحتيه الصباب valve، العمود ده كل ما بيلف الركبة اللى طالعة منه cam بتدوس على الصباب تخليه يفتح فى موعد محدد ولما يكمل اللفة بتاعته الصباب بيقفل بفعل سوستة الصبابvalve spring ، المهم ان الخلوص بين الكامة والصباب فى لحظة غلق الصباب يجب ان يكون قيمة محددة بتختلف من عربية لعربية حسب خامة عمود الكامة وطبق الصباب tappet وقابليه كلاهما للتمدد مع الحرارة، لكنها تتراوح بين 10 ميكرو ميتر وحتى 50 ميكروميتر ويتم قياسها باستخدام اداه بسيطة تسمى الفيللر وهى عبارة عن شرائط من الصلب بسماكات مختلفة مربوطة معا يتم محاولة اداخلها فى الخلوص حتى نصل الى السمك الذى لا يمر ونحدد من القيمة المكتوبة عليه قيمة الخلوص


اداه قياس الخلوص

عندما يكون الخلوص بين ركبة الكامة والصباب اقل مما ينبغى فانه عند تمدد عمود الصباب والكامة مع سخونة المحرك يحدث ان يتلامس الاثنان فى حاله انغلاق الصباب، الأمر الذى يؤدى الى عدم انغلاق الصباب بشكل كافى مما يؤدى الى تسرب جزء من شحنة المكبس اثناء شوطى الانضغاط والحريق مما يؤدى الى فقد فى القدرة وزيادة استهلاك الوقود وسخونة المحرك

اما لو كان الخلوص اكثر مما ينبغى فان ذلك يؤدى الى خشونة صوت المحرك وعدم فتح الصبابات بشكل كافى مما يؤدى الى فقد فى القدرة الى حد ما كما يؤدى الى سرعة تآكل ركبة الكامة وطبق الصباب

ضبط التاكيهات له عدة انواع بحسب تصميم المحرك، فتوجد محركات لا يستند صبابها على الكامة مباشرة ولكن على عمود وسيط يسمى التاكيه مثل الماروتى والفيات 127، وهذة التاكيهات يتم ضبطها بواسطة صامولة ريجلاش تقوم برفع او خفض العمود، ومحركات اخرى مثل الصورة المبينة اعلاه تكون الكامة ملامسة للصباب مباشرة وهنا يكون الضبط عن طريق تغيير طبق الصباب(اعلى جزء من منظومة الصباب) بطبق ذو سمك مختلف، او وضع لاينات(رقائق قليلة السمك جدا)بين طبق الصباب ومكان مبيته، وهذة هى حالة محرك الأرجنتا، اما معظم المحركات الحديثة فصباباتها مبنيه بنظام الكستبان، وهو طبق تحته طبقة زيت تتأثر بضغط طرمبة الزيت فترفع الطبق لكى تحقق الخلوص المضبوط طوال الوقت وبالتالى لاتحتاج لضبط

لو عايز تضبط التاكيهات فيه واحد مشهور جدا متخصص تاكيهات مكانه فى مدخل طرق مجرى العيون من على الكونيش على الشمال عند منزل كوبرى فم الخليج، يعنىانت لو داخل من الكورنيش متطلعش الكوبرى، اركن العربية قبل الكوبرى وعدى الشارع هتلاق الورشة بتاعته امامك مباشرة، والموضوع يتكلف فى حدود 30 جنيه

جزاك الله خيرا علي الافادة الجميلة دي
هتعبك معايا ياريت توصفلي الورشة دي هي فين من مستشفي المقطم؟انا اللي اعرفه هناك ورشة بتظبط زوايا اتعاملت معاهم قبل كده_وياريت اسم صاحب الورشة او رقم تليفونه وجزاك الله خيرا
وهل هناك فيه حد بيصلح كربراتير يكون كويس ابص عليه بالمرة؟