الموضوع: عيوب الهيونداى i10

المشاركة الأصلية كتبت بواسطة David2009

ياباشا كلام جامد جدا بس انا كان ليا استفسارين
1- ثمن الترخيص ؟
2-التكيف لما حضرتك شغلته كان ليه تاثير في سحب العربيه جامد ولا لا؟

شكرا ليك, انا رخصت 3 سنين علشان كاش و مش فاكر الاجمالى كان كام بس الترخيص بحوالى 650 ج و التأمين 190 جنيه و طفاية الحريق يعنى قول حوالى 1200 جنيه.

انا لما شغلت التكييف كنت على سرعة 60 كم/س و جبت الرابع و التجربة مكملتش دقيقة فمعرفش تأثيره على السحب للاسف لكن اكيد بيأثر.

المشاركة الأصلية كتبت بواسطة yasserwin

سؤال ياباشا

هو اية سنتر الشنطة دة

سنتر الشنطة ده زى سنتر الباب بالظبط علشان لما افتح بالسنتر الشنطة كمان تتفتح من غير استخدام المفتاح.. للراحة يعنى و كمان امان انها على الانذار.

المشاركة الأصلية كتبت بواسطة Ahmed Hamdy

طبعا متشكرين جدا على المعلومات الهايلة اللى انت بتقدمها وياريت تستمر كده وتعملنا تقييم كل فترة ..
بس كان عندى كام سؤال كده ..
أولا:انت بتقول 600 جنيه للمفتاح والريموت يعنى ده شامل الإنذار والسنتر والريموت بالتركيب بكل حاجة ولا ده تمن المفتاح والريموت بس ؟؟

ثانيا: هل تركيب الحاجات دى أثر على شكل العربية - فى حاجة حاسس انها اتفتحت ومرجعتش زى الأول أو كده ولا لأ ؟

ثالثا: هل الموضوع ده ميخرجش العربية من الضمان ؟؟

شكرا لذوقك يا باشا, ال 600 جنيه دول شاملين كل حاجة تركيب مكن السنتر للاربع ابواب و تركيب سنتر للشنطة و عمل نسختين على المفتاح علشان ال 2 ريموت و معاهم الانذار و السرينة يعنى كل حاجة و كمان ضمان 3 سنوات و بجد لو فى حاجه بيعملوها ببلاش و انا مجربهم فى الماتريكس. الشغل خد ساعتين بالظبط معاهم كمان تركيب الزجاج الخلفى المكسور.
بس خلى بالك هو بيعامل كل زبون باللون بتاعه يعنى واحد كان بيركب نفس الانذار فى ماتريكس حسبه ليه ب 700 ج.

و الراجل محترم جدا بس انا كنت واقف فوق دماغ الصنايعية علشان ممكن يبهدلوا دواخل العربية لو سيبتهم حتى لو قلتلهم يخدوا بالهم. يعنى خليتهم يحطوا كل مسمار فى مكانه و يلزق البلاستيك اللى بيبقى معمول على الباب من جوا. لكن مفيش حاجة فى العربية خالص غير من جوا بس تحت الدريكسيون علبة كده اللى فتحها استغبى بالمفك و عامله خدش واحد و نصيحة ليك لو هتركب انك تقف معاهم و تركز علشان متلاقيش خدوش و تجريح فى الدواخل و بلاستيك الابواب.

لأ العربية متخرجش من الضمان عند الراجل ده بالذات لانه هو اللى بيركب كل الانذار و السنتر اللى بينزل فى كل عربيات هيونداى يعنى الماتريكس عندى فيها نفس الانذار و كمان لو رحت التوكيل هينصحوك تركب عنده.

و فى نفس الشارع فى محلات تانيه زى السجان بس كان عنده نظام سنتر و انذار بريموت فى ميداليه و السعر كان 575 ميرضاش ينزلهم ل 500 جنيه و كمان من غير سنتر للشنطة لما رحت عند عشم نوار لقيت الراجل لوحده بيقولى انه هيركب كل حاجة مع سنتر للشنطة رحت قلتله تمام كده ركب.

الف مبروك يا باشا على عربيتك وربنا يباركلك فيها مليون سنة قدام
في الواقع انا محتار بين i10 والاسبيرانزا A113
انا ليا صحابي اشتروا 113 وقالوا انها ممتازة ومش فيها العيوب القديمة بتاعة 2007 انا سوقتها ولقيتها برضه كويسة والكماليات بتاعتها رائعة + ان توكيلها ابو الفتوح وهو عامل عرض حتى 31 مارس ان تأمين اول سنة مجانا يعني هاوفر باكو وشوية :)

اما بالنسبة لل i10 عربية جميلة برضه بس مجربتهاش سمعت من ناس ومنك انها جميلة وفيها مميزات حلوة بس يعيب هيونداي توكيل غبور انا اسمع انه مش كويس

فانا علشان كده محتار ومش عارف اجيب ايه A113 والا I10

المشاركة الأصلية كتبت بواسطة bobo13

الف مبروك يا باشا على عربيتك وربنا يباركلك فيها مليون سنة قدام
في الواقع انا محتار بين i10 والاسبيرانزا A113
انا ليا صحابي اشتروا 113 وقالوا انها ممتازة ومش فيها العيوب القديمة بتاعة 2007 انا سوقتها ولقيتها برضه كويسة والكماليات بتاعتها رائعة + ان توكيلها ابو الفتوح وهو عامل عرض حتى 31 مارس ان تأمين اول سنة مجانا يعني هاوفر باكو وشوية :)

اما بالنسبة لل i10 عربية جميلة برضه بس مجربتهاش سمعت من ناس ومنك انها جميلة وفيها مميزات حلوة بس يعيب هيونداي توكيل غبور انا اسمع انه مش كويس

فانا علشان كده محتار ومش عارف اجيب ايه A113 والا I10

شكرا ليك يا باشا و لذوقك,
بصراحه انا عن نفسى جربت الاسبيرانزا فى المعرض و حسيت انها سيئة جدا من ناحية المساحة الداخلية ال i10 واسعة جدا و الاسبرانزا معلش للتعبير اللى صممها حمااااااااار لان مستوى التابلوه عالى و المسافة بين الكرسيين ضيقة جدا يعنى علشان توصل لفرامل اليد لازم تحشر ايدك.... بجد معجبتنيش خالص و صرفت نظر عنها.
ده غير انى لقيت على النت ان تسارعها من 100-0 فى اكتر من 16 ثانيه!!!!!!!!!! و الموتور 1300 سى سى 16 صمام..!!!!!!!!!!
ده ال i10 اكبر و اتقل و موتورها اصغر و بتعملها فى افضل من كده !!!

بصراحه انا مش عايز اشوف وش التوكيل و بفكر معملش عنده صيانه لانه بياخد فلوس على الفاضى و عايز يكسب على قفانا و خلاص.

نصيحتى ال i10 كعربية جامده جدااااااااااااااااااا
لكن الاسبيرانزا تكسب من ناحية الكماليات الكتييييييييييييييييييييي يييييييييييييير بس لو قانتها بال i10 اكيد هتلاقيها اسوأ ده رأيي بصراحة.

و خد عندك صور ال i10 دى لسه مصورها امبارح بس اعذرنى حجمها كبير جدااااااااااااااااااا.

ما شاء الله تابلوه جميل واشيك من بتاع الاسيبرانزا .. بس انا ملاحظ ان مكان الفيتيس قدام شوية بعيد عن متناول الايد يعني لازم اطلع ايدي قدام علشان انقل ومش مناسب للناس اللي متعودين يريحوا اديهم على الفتيس اثناء القيادة .. طبعا انت سقتها كتير فياريت تقولي رأيك

كمان انا لما رحت المعرض قالولي ان ال I10 الهاق اوبشن عجلة القيادة بتاعتها هاف باور يا ترى ده صح فعلا وانت حاسس انها فعلا هاف باور ؟

وبعدين خلي بالك موضوع التوكيل ده مهم يعني العربية وهي لسه زيرو كده لازم تحافظ على صيانتها كويس والتوكيل ممكن يكون غالي فعلا بس امان عن اي حته تاني والا ايه رأيك

المشاركة الأصلية كتبت بواسطة bobo13

ما شاء الله تابلوه جميل واشيك من بتاع الاسيبرانزا .. بس انا ملاحظ ان مكان الفيتيس قدام شوية بعيد عن متناول الايد يعني لازم اطلع ايدي قدام علشان انقل ومش مناسب للناس اللي متعودين يريحوا اديهم على الفتيس اثناء القيادة .. طبعا انت سقتها كتير فياريت تقولي رأيك

كمان انا لما رحت المعرض قالولي ان ال I10 الهاق اوبشن عجلة القيادة بتاعتها هاف باور يا ترى ده صح فعلا وانت حاسس انها فعلا هاف باور ؟

وبعدين خلي بالك موضوع التوكيل ده مهم يعني العربية وهي لسه زيرو كده لازم تحافظ على صيانتها كويس والتوكيل ممكن يكون غالي فعلا بس امان عن اي حته تاني والا ايه رأيك

لأ يا باشا وضعية الفتيس دى مريحة جدا حتى لو متعود على العادى, و انا بصراحه استريحت اوى فيها لان الماتريكس وضعية الفتيس زيها و على فكره مكان الفتيس ده ميزته انه يريحك انت و اللى قاعد جنبك علشان لو كان من النوع العادى اللى هو بين الكرسيين زى البيكانتو مثلا هتلاقيه بيضايقك و ايدك تخبط فى اللى قاعد جنبك احيانا زى الصورة دى كده شوف الفتيس فين:



لكن فى ال i10 المسافة بين الكرسيين فاضيه شوف كده دى صوره من عربيتى:






بالنسبة للهاف اوبشن هى EPS و هتلاقيها منوره فى التابلوه عندى و معناها Electric Power Steering يعنى باور كهرباء مش هيدروليك زى معظم العربيات و الباور ده شغال على موتور كهربى MDPS اختصار Motor Driven Power Steering و اللى يقولك هاف باور ده للاسف حماااااااااااااار. و خليه يفهمك ازاى هاف باور و نصيحتى متسمعش كلام حد بتوع المعرض دول بيبقوا مش عارفين اى حاجه عن تجربيه دول ما بيصدقوا يشتغلوا.. العربية الباور بتاعها تحفه و ملوش حل, انا عندى ماتريكس بحس ان مفيهاش باور بعد ما ركبت ال i10 مفيش غير الالنترا الجديدة اللى الباور فيها خفيف زى ال i10 علشان نوعه كهرباء.
كمان الباور بيتقل مع السرعة و لو سيبت الدريكسيون و عدلته بشكل معين بتلاقيه ماسك نفسه و مش بيحدف كمان على السرعات البطيئة ممتع و هتحس بمتعه فى السواقة.. و ابن عمى لسه مجرب العربية يوم الخميس لما قلتله ايه رأيك فى الباور قالى انا محستش انى عملت اى مجهود لان.. الفتيس ناعم جدااااا و الدريكسيون بتلمسه يتحرك و العربية عجبته جدا..

انا مش فارق معايا موضوع الصيانة ده لان الماتريكس عملت 56500 كم بدون صيانات غير الحاجات الاساسية و بعملها بره, و حرام اروح اعمل صيانة اسوق 4 ساعات و اقضى معاهم اليوم كمان دى حاجه تقرف بجد.

و ممكن تشوف الموضوع ده كنت عملته عن العربية يمكن يفيدك:
http://www.nilemotors.net/Nile/showthread.php?t=59729
و ربنا يوفقك فى الاختيار..

انا عملت موضوع فيه صور العربية ممكن تشوفوه من هنا:
http://www.nilemotors.net/Nile/showthread.php?t=66214