سيارة تويوتا كروزر (اف جى) للبيع من دبى

**saladino78** · 13-06-2009 01:46 PM

فاتورة السيارة الاصلية

اضغط على اللينك التالى:

http://docs.google.com/Doc?id=dmx5367_1399cj4rmmd3

**banboty** · 14-06-2009 10:01 AM

المشاركة الأصلية كتبت بواسطة gouda

استاذ banboty
فى فرق كبير بين
لاند كوزر
وبين
اف جى كروز
وبالصور برضه بس دى مش تحدى ولا خروج خارج الموضوع بس انا عارف ان حضرتك اتلخبط
وربنا ييسر لصاحب الموضوع بيعها يارب

اللخبطة جات عندي من عدم وجود صور للعربية من البداية ( لان لينكات الصور اللى نزلها مش شغالة عندي )
و لكن تيقنت الغلطة من كلمة اف جي اللى كاتبها الاستاذ صاحب السيارة بين قوسين كعنوان للموضوع

شكرا للتوضيح ياريس

------------------

اما الاستاذ صاحب الموضوع فالعربية دي هيبقى جمركها عالى و علشان تبيعها بيعة مرتاحة بالنسبة لك ,
يبقى على الاقل هتخسر من 60 الى 70الف من اصل تمنها اللى بتتباع فيه في مصر

يعنى العربية بتتباع زيرو بـ 460 الف مثلا
يبقى انت تاخد 140+ 250 جمرك = 390 الف , او تقل شوية يعنى توتال العربية ميعديش 390 او 380 الف للمشرى بأي حال من الاحوال

لو حد نفذ معاك بالسعر ده تبقى كسبان نظرا لقلة تواجد العربية في السوق المصري و كمان حظك حلو إن الوكيل المصري بيجيب زيها ..

ربنا يوفق ان شاء الله

**saladino78** · 14-06-2009 10:42 AM

شكرا أخي banboty على التوضيح، والله كريم

**gouda** · 14-06-2009 08:33 PM

كلام بجد
حضرتك بجد لازم تهتم بالموضوع اكتر من كده
حضرتك ترح تسأل على الجمرك بتاعها كام وتنزل معارض سيارات وتحكيلهم الحكايه
بس انا رأيي انك تدفع جمركها وبعد كده هيبقى سهل كتير انك تبيعها خصوصا
ان فى معارض متخصصه فى الفئه دى من السيارات وسيارتك تتعتبر لسه بحالتها

**saladino78** · 15-06-2009 12:10 PM

أخى جودة

مش حاتصدقنى لو قلت لك انى مش عارف أى حاجة فى مصر والمشكلة مع الجهات الرسمية انك لا تأخذ المعلومة المؤكدة قبل أن تقوم بعمل ما

هذا الكلام مش جديد معى أو مع غيرى، انت لما تكون عايز تعمل دراسة جدوى لاى مشروع فى الدنيا وف أى بلد من البلاد تستطيع أن تحصل على المعلومة التى تستطيع الاعتماد عليها فى دراستك من الجهات الحكومية وتستطيع أن تقيم عليها حساباتك وتكون المعلومة صح

أما فى بلادنا المحروسة فالامر مختلف فلا تقابل الا الناس اما اللى لا يعلمون شيئا أو الزعلانين و الغضبانين أو اللى عايزين يشتغلوك

والجمارك و ما أدراك ما الجمارك وانا عندى قصة مع جمارك بورسعيد التى تنفع تكون فيلما سينيمائيا، ماتفكرنيش يا عزيزى