الموضوع: سيارة تويوتا كروزر (اف جى) للبيع من دبى

ربنا يباركلك فى بيعها

معلش اعذر تطفلى

ليه محاولتش تبيعها فى دبي، هيكون بيعها اسهل

لان صعب حد يشترى عربيه هوا ما شفهاش على ارض الواقع

بالتوفيق فى البيع بأذن الله

المشاركة الأصلية كتبت بواسطة boody2

لان العربيات الغالية صعب بيعها في دبي لان البنوك ما بتديش قروض لشراء السيارات بسبب الازمة المالية

مضبوط فعلا هذا الكلام ففى دبى اللى بيشترى هو اما مواطن أو وافد وهناك فى دبى مسألة التمويل كانت مسألة عادية جدا، ولكن بسبب الظروف العالمية الان

أما فى مصر فأعتقد أن الناس مش واخدين قوى على مسألة التمويل، واللى عايز بيشترى كاش

الحقيقة انا مش متأكد من انى سوف ابيع السيارة فى مصر الا اذا كان واحد فاهم هذه السيارة وفاهم مبلغ الجمرك اللى ممكن يدفعة بالضبط، على العموم هى محاولة، وادينا بندردش

وبالطبع فـ اللى معاة فلوس وممكن يغامر بشراء سمك فى مية ، ومشى الحال فى البيعة بأتباع بعض الثقة و بعض الضوابط القانونية ممكن أن تسير العملية بسهولة، يعنى ممكن برضة زيارة دبى مثلا وهى رحلة رخيصة أقدر أن أرتبها لة اذا كان جاد فى الشراء مثلا

الافكار كثيرة و أشكركم جميعا على التواصل، و أشكر هذا الموقع الذى جعلنى أتواصل مع أبناء بلدى، حتى تنجلى هذه الايام الصعبة، علينا وعلى العالم كلة

أخيكم صلاح

ليا واحد صاحبي اعرفه كان شغال في دبي كان شاري عربية باسات ولما حصلت الازمة المالية استغنوا عنه
ساب العربية مركونة في الشارع ورجع مصر
قاللي معرفتش ابيعها واعتبر انه ركبها بقسط 5 شهور دفعهم فيها ،، عندهم مفيش مقدمات وتسهيلات جبارة في السداد
عقبالنا يارب

المشاركة الأصلية كتبت بواسطة momomania22

ليا واحد صاحبي اعرفه كان شغال في دبي كان شاري عربية باسات ولما حصلت الازمة المالية استغنوا عنه
ساب العربية مركونة في الشارع ورجع مصر
قاللي معرفتش ابيعها واعتبر انه ركبها بقسط 5 شهور دفعهم فيها ،، عندهم مفيش مقدمات وتسهيلات جبارة في السداد
عقبالنا يارب

وللعلم ياصديقى فصاحبك اللى ترك سيارتة فى الشارع ممكن والله أعلم يعمل مشكلة لنفسة، واذا رجع دبى سوف يجد نفسة مواجها للدين الذى وقع أوراقا عنها وبالطبع فالضامن (ممكن تكون الشركة التى كان يعمل بها) سوف يكون فى مشكلة ولازم يسدد الدين عن صديقك أو ويمكن يعطى عنوانة فى مصر للجهات الرسمية اذا كبر الموضوع لاقدر الله

وانا عندى تجربة فقد كان عندى حساب فى بنك و سحبت كل الفلوس و تركت مبلغ صغير فى الحساب وسافرت الى مصر سنة 84 و الحساب حسابى وليس على ديون، ثم رجعت الى الامارات بعد فترة طويلة و ذهبت أودع فلوس فى حسابى ، فوجدت انة على فلوس ، اية المشكلة يا جماعة قالو تكاليف الحساب وأنت لم تغلقة و اضطررت لان ادفع مبلغ حوالى 1200 درهم عن هذه السنوات، مافيش حاجة بتتنسى ، والبنوك لاتترك حقها ابدا

معلش انت فكرتنى بالقصة دى، ولكن التسهيلات قلت كثيرا جدا فى هذه البنوك الان