آخر كلام فيات لينيا

**CryptonX** · 22-03-2009 01:18 PM

التربو ملوش علاقة بالسرعة فعلا .. ده ليه علاقة بالrpm - في التي جيت بتاع فيات عامة

بيشتغل في حالتين :

الحالة الاولي انك تعدي ال 2800 لفة في الدقيقة .

الحالة التانية ان ال Ecu يحس ان في فرق او Lag مابين دوسة البنزين و الحرق وبيشتغل هنا علطول علشان يعوض الفرق و كانك راكب سيارة مثلا 2000 سي سي مش 1400 تربو .

**amrbakly** · 24-03-2009 03:22 AM

الله يحرق الكوري كلة بجاز

الحمد لله اني قدرت افلت من سيطرتة علي السوق و هربت للأوربي و تحديدا الفيات

بعد الأوربي و الأمريكاني و الهوندا و التويوتا و السوبارو في الياباني مفيش عربيات

رغم ان التويوتا بدأت تسقط من نظري خلاص بعد الموديلات الفاكسة الجديدة دية

التويوتا يعني الكريسيدا، يعني الكامري، يعني الكراون يعني اللاند كروزر

و كمان هوندا بدأت تلعب نفس اللعبة بالفاشلة سيتي

انما بقي المتسوبيشي و النيسان و الكلام دة، كوري لابس بدلة يغور في داهية

تحيا الفيات سيارة الملايين اللي حترجع تاني علي القمة

**abdelmessih67** · 24-03-2009 01:19 PM

مبروك يا أخ lolo

اللينيا عربية جميلة جدا جدا كشكل و أمكانيات و لو اني كنت فاكرها 1600 سي سي لكن مش مشكلة , انا على فكرة لسة شاري والدتها تمبرا موديل 1998 من حوالي أسبوعين و لسه بأتعرف عليها من القراءات و الكتالوجات .

جدي كان عنده فيات موديل 1943 ووالدي اشترى 125 موديل 1977 و بعد ما بعتها بعد وفاته أشتريت تمبرا مو98 يعني عائلتنا من عشاق الفيات من الاربعينيات و لو ربنا اعطاني عمر مستني لما الجمارك تترفع على الاوروبي بعد عشرة سنوات علشان اشتري لينيا لو كانت موجودة زيرو لانها تحديث التمبرا .

**ainshouka** · 29-03-2009 12:50 AM

طب ليه الموتورات الديزل مبتنزلش ألا بالطلب مع ان سعه موتورها اعلى من الموجود

**loodaa** · 29-03-2009 02:37 PM

معلش أعذروا جهلي هو الديزل بيتباع في أي بنزينة

**nnff909909** · 29-03-2009 06:26 PM

كل البنزينات تقريبا
حتلاقي مكتوب سولار

**Mohamed_Sameh** · 15-04-2009 08:54 PM

المشاركة الأصلية كتبت بواسطة loodaa

معلش أعذروا جهلي هو الديزل بيتباع في أي بنزينة

الديزل حضرتك هو السولار و هو منتشر فى جميع الفئات فى أوروبا لأن البنزين بحوالى 8 جنيه هناك و السولار أقل شوية بس هناك محركات الديزل استهلاكها أقل فمحققة انتشار أكبر يوازى تقريبا عدد السيارات اللى محركاتها بنزين

**awazeer** · 29-04-2009 01:56 AM

المشاركة الأصلية كتبت بواسطة lolo2884

الشعب المصري وثقافة السيارات
مين فينا ينكر ان 90 % من اللي جابو عربياتهم جابوها علي مزاج غيرهم مش علي مزاجو الشخصي مثال فيات لينيا ومش لينيا بس برافو و جراند بونتو عربيات تحفه لينيا ايطالي تركي قبل ما اشتريها كل ما اسأل حد يقولي بلاش دي مش معروفه بلاش مفيش ميكانيكي هيعرف يتعامل معاها بلاش قطع غيار غاليه بلاش توكيل وحش ومقرف بلاش ده الصيانة تعبانة قوي
يبقي الواحد العربية هتتطلع من عينو ويجيب عربيات الشعب المصري (النترا_لانسر)
عشان كده انا اول واحد شاري العربية في المنتدي
معايا اعلي فئه 77 حصان
109000
كتير قالو غالية هات لانسر او النترا احسن بعد المقارنة وتفكير عميق
ايه اللي انا عايزو من العربية بتاعتي :_
1‏_الامان :العربيه مزوده بايه بي اس و اتنين وسائد هوائه واخده 4 نجوم من 5 في اختبارات اوروبا و5نجوم اختبارات البيئه
2‏_ الاداء :السرعه الجنونيه هيا سبب الوفيات في الفترة الاخيرة عشان كدا بالنسبالي وبالنسبة لأي حد كل مابتزيد السرعة كل ماالخطر زاد وكمان اقصي سرعه مسموحه في مصر 120
عشان كدا 165 كم مش ضعيفه بالعكس كويسه بالنسبه ليا ولأي حد عشان الاخطار والمخالفات
وسحبها قوي
3‏_الكماليات : وسع العربيه طول وعرض قاعده مريحه جدا
موفرة في البنزين
كمبيوتر رحلات
حساس رجوع للخلف
جنوط 16
فوج لايت
مرايات وزجاج كهربا
مسخن رجاج خلفي
ثلاث مساند رأس في الخلف
تكييف بالخلف
مفتاح لوك وانلوك والشنطة
تابلوه شكله حلو والاضاءه جميله
تصميم ايطالي رائع
4‏_قطع الغيار ايطالي مقارنة بالسيارات الأخري قطع غيار عمر اطول واغلي بمبلغ صغير لايذكر
5‏_التوكيل قبل البيع محترمين جدا
وبعد البيع محترمين جدا وقطع الغيار متوفرة وقالوي كل حاجه عايزها نجبهالك في خلال اسبوع لو خلصت من عندهم
يبقي ايه يخليني ماجبهاش طالما دخلت دماغي
والحمد لله جبتها وليها معايا 5 شهور ومافيش عيوب تذكر
فيات لينيا عربية الشعب المصري قريبا
ياريت اي حد مايسألش اسأله مستفزه زي سحبها عامل ايه والتوكيل وقطع الغيار عشان قبل كدا عملت موضوع بعد 1500
كم وناس بتسأل اسأله اجابتها في الموضوع زي مايكونو قرو العنوان بس

عربيه هايله هايله هايله شبه المازيراتي ومواصفتها تخليها رقم واحد في مصر بدون منازع

بس انا اختلف معاك في النقطه دي
القصد من السرعه القصوى ان الموتور يكون مستريح و صوته هادي على السرعات المقرره (90-120)
لكن لما تكون سرعتها القصوى 165 يبقى وانت مسافر هتكون قريب من قدرة الموتور القصوى
يعني مثلا وانت 100 ال rpm بيكون على كام وصوت الموتور بيكون عامل ازاي

**hitham_sh** · 02-05-2009 08:12 AM

موضوع جميل وربنا يباركلك في العربيه
انانا ليا صديق معاه بونتو 2008 العربيه انا معجب بيها جدا وبتقفيلها نضيف جدا جدا
كنت عايز اسالك بس يا باشا هل تقفيل اللينيا في نفس المستوى ولا اقل ولا احسن
انانا خايف بس يكون اقل من البونتو لان البونتو تقفيل ايطالي واللينيا تقفيل تركي
وياريت كمان لو مش هتقل عليك اخبار العفشه معاك ايه واحساسك بالمطبات ايه نظامو
وهل في اصوات شخلله او ما شابه لما بتمشي على عيون القطط او طريق مكسر شويه معلش هتعبك معايا :)