الــــ 127 هاتجننى بجد

**HASSANSG** · 19-03-2009 08:40 AM

اولا احب اشكرك جدا يا استاذ MAKA دايما ردودك واضحة ومفيدة وفى الجون
بس انا بجد امبارح عملت كل اللى حضرتك قولت علية وبرضة بتبطل
السؤال بقى حضرتك تنصحنى اروح للميكانيكى ولا لحد متخصص فى الكربراتير؟
بس ياريت حضرتك ترد علية علشان هاخلص شغل النهاردة وابدأ معاناتى مع الصنايعية

**roky** · 19-03-2009 09:51 AM

عزيزي الباشمهندز Hassansg

أخوك زيك بالضبط ... مش بحب أخد العربية للصنايعي من غير ماكون عارف فيها أيه عشان أنت عارف الصنانيعية و الأفتاء بتاعهم

كل اللي أقدر أساعدك بيه أن انا خلال الشهرين اللي فاتو تعرضت للأتنين (الكاربراتير و البوجيهات) و الأعراض كانت كالتالي

1-وأنت ماشي ... كل ماترفع رجلك من ع الأكسلراتير العربية بتطل ... و تحس أنك لازم تكبس بنزين كتير عشان ماتبطلش (ده كان بك السلاسنيه مسدود ... وسكلته بنفسي ... لتفاصيل أكتر أقرأ هنا -> http://www.nilemotors.net/Nile/showthread.php?t=56842

2- العربية تدور الصبح زي الحلاوة ... أركن أشتري حاجة و أرجع أدورها ماتدورش ... صوت المارش بيكون كويس لكن العربية مابتلطقش ... (دي خدتها لميكانكي) فك البوجيهات و كان سن البوجيه مش نضيف و محروق ...

أتمني أكون ساعدتك ولو بقليل

**HASSANSG** · 19-03-2009 10:33 AM

مشكووووووور جدا يا اخ Roky على الافادة ويارب دايما فى نجاح ويكفيك شر الـــ 127

**maka** · 19-03-2009 10:42 AM

المشاركة الأصلية كتبت بواسطة HASSANSG

اولا احب اشكرك جدا يا استاذ MAKA دايما ردودك واضحة ومفيدة وفى الجون
بس انا بجد امبارح عملت كل اللى حضرتك قولت علية وبرضة بتبطل
السؤال بقى حضرتك تنصحنى اروح للميكانيكى ولا لحد متخصص فى الكربراتير؟
بس ياريت حضرتك ترد علية علشان هاخلص شغل النهاردة وابدأ معاناتى مع الصنايعية

حضرتك روح لميكانيكى كويس هيظبطهالك باذن الله

ولو عوزت اى حاجة انا تحت امرك

**Drift_Lover** · 19-03-2009 06:34 PM

بص يا باشا...
اول حاجه تكشف علي الكربراتير... ممكن يكون في وسخ سادد الفونيه. وده بيتهيأ لي سهل وممكن تتأكد منه بنفسك.
اما لو الفواني تمام تبقي عاوز تظبط باك السلانسيه... وده عند اي ميكانيكي نظيف وبياخد 10 جنيه بالكتير.
اتأكد من الحاجتين دول الاول قبل ما تدخل نفسك في متاهات.

غير أبلاتين وكوندسر وأكشف على الاسبلاتير وشوف الشاكوش والوش بتاعه

أكشف على الموبينة وسلك البوجيهات

الحاجات دي لو العربيه مابتدورش اساسآ واحترت في العيب فبتعمل عمرة لكهرباء الماكينة.

لكن في احتمال فعلآ ان الموبينه بتقطع لما بتسخن. ودي حصلت معايا قبل كده بس بعد السفر الطويل ابطل العربيهو ماتدورش نهائي. والاقي الموبينه مولعه... اسيبها ساعه ولا حاجه وادور تدور... ولما غيرت الموبينه اتظبطت.

بالنسبة للبوجيهات: ممكن تفكها وتكشف عليها لو مرطبه او مهببه... حاول تسنفرها كويس وتحرقها... وبعد ماتركب اختبر الكهرباء بتاعتها وشوف في شرر طاله من الموبينه للبوجيهات ولا لأ...

وخللي بالك لو المشكلة دي حصلت بعد ما فولت العربيه مثلآ ممكن يكون البنزين كان مخلوط او مش كويس وهو اللي عامل البرجلة دي.

انا حاولت احصر لك ابعاد المشكلة...

**Ahmad_Nawwara** · 20-03-2009 11:14 AM

كلام maka مضبوط ميه في الميه

**HASSANSG** · 22-03-2009 03:04 PM

احب اشكر كل الأخوة اللى ردو عليه وخصوصا الاستاذ / Maka
لان فعلا المشكلة كانت فى الهوا اللى داخل للكربراتير كان المسمار بتاعة مقفول
والحمد لله العربية دلوقتى تمام
ويارب دايما نقدر نفيد بعض وبشكركم جدا جدا جدا