تجارب "ملاك" الدايهاتسو مع مراكز الخدمة
بسم الله الرحمن الرحيم
بداية أود أن أشكر أحبائى د/معاذ .أبو عبدالله. أبوحمزة .OWS212 علی آهتمامهم آلف شکر ..
وصلت آمس الساعه 10 صباحا وخلصت الساعه4
تم الکشف وعمل صیانه شامله وآجور العماله 240 جنیه؟؟
تم عمل کونسلتو علد السیاره لمعرفه عیب تآخیر الاشتعال .
وتم فک البوجیهات ورآیتها کما قال م/شهبور لیرر وکانت سلیمه
غیروها بجدیده لکن نفس المشکله.وقال لی مهندس الورشه آنه سیرسل فاکس للعبور یسآلهم الموافقه علی تغیر طقم الرشاشات علی
حساب الضمان لان ده عیب مصنع؟؟
وبالنسبه لموضوع الصوت بتاع العجل آفاد بعد الاختبار بضروره تغیر الکاوتش.کذلک صوت الدریکسیون سآل العبور
یستفسر منهم لانها آول مره یسمع عنها وقال آنه سیتم تغیر الاسکترا وبعض الحاجات . وتم تغیر سیرالاداره والفرامل والفتیس ووچد تیل الفرامل والبطاریه والبوجیهات سلیمه..والبطارية والدينامو سليم .وشفت هناك عربيات زيرو موديل 2009 و2008 تويوتا وتيريوس مهشمة تماما حوادث سرعة ربنا يكفينا شر الحوادث ؟ تفاصيل فاتورة الصيانة:
1- 240 جنية أجور عمالة صيانة شاملة ؟؟؟؟؟
2- 24 جنية زيت فتيس
3- 11 جنية زيت باكم dot 4
4- ماء مقطر 3 جنية
5- 113 جنية سير ادارة
6- 44.530 ضريبة مبيعات
7- 12.750 خصم على المصنعيات
8- 6.136 جنية خصم على قطع الغيار
اجمالى الفاتورة 490 جنية فقط لا غير ..
هذا ملخص رحلة مركز الرزق بالأسكندرية .
وأود أن أشكر د/ معاذ من كل قلبى لمتابعتى وأنا هناك وهذا ليس غريبا علية .
تحيــــــــــــــاتى
http://www.nilemotors.net/Nile/showthread.php?t=67768
تجارب "ملاك" الدايهاتسو مع مراكز الخدمة
اخوانى الاعزاء ....السلام عليكم
ذكرت فى مشاركة سابقة وجود اصوات مختلفة من الطابلوه...منها صوت التزييق المستمر ومنها صوت شخللة صاجة مع المطبات .
قابلنى المهندس تامر بتوكيل العبور والحقيقة كما ذكرت سابقا راجل ذوق واخلاقه عالية اوى ...قلتله انى جاى اظبط الزوايا اللى ملحقناش نعملها فى صيانة الالف بالاضافة للاصوات الصادرة من الطابلوه .
طلع معايا المهندس مصطفى وهو لا يتخير عن المهندس تامر من ناحية الذوق والاخلاق .
طبعا اخدنا شوية وقت الى ان استطاع سماع الاصوات التى اسمعها واقتنع بوجودها بالفعل ...واثناء التجربة قلتله صراحة هل ما اسمعه هو الصوت الناتج عن العيب المعروف فى علبة الدريكسيون ؟؟
فاجاب مؤكدا ان ده حاجة تانية وان صوت الخبط الناتج من عيب علبة الدريكسيون بتحسه كأنه من تحت العربية !!!
اما ما نسمعه الان فهو من الطابلوه نفسه .
وقالى ان عيب علبة الدريكسيون ده موجود فى موديلات 2007 والنصف الاول من 2008 ( باللفظ كما قال )
اما 2009 فالمفروض (خدوا بالكم من كلمة المفروض) المفروض انه غير موجود لانه الى الان لم تظهر المشكلة فى موديل 2009 .
طبعا كان ردى عليه ان ده طبيعى لان موديل 2009 لسة جديد وغالبا لو حيظهر حيبقى بعدين شوية ....فقالى ( وده كان كلام المهندس تامر برده) ان العيب كان بيبان من اول 5000 كم.
طبعا انا مش عارف بدقة طبيعة ومكان الصوت فى حالة وجود ذلك العيب فى علبة الدريكسيون واللى مروا بالتجربة يقدروا يوصفولنا الصوت ده بدقة اكتر .
المهم نرجع لموضوعنا :
اولا : صوت التزييق المستمر من الطابلوه ناتج عن احتكاك فواصل الطابلوه مع بعضها وهى بلاستيك فى بلاستيك فبتعمل صوت التزييق والطقطقة المستمرة كأن الطابلوه سايب من بعضه !!
المهندس مصطفى قالى مش حضحك عليك واقولك حربط الطابلوه لانه ملوش تربيط ودى طبيعة العربية !!!
طيب الحل ايه ؟....تتأقلم على الصوت ! .
ثانيا : صوت الصاجة اللى كان جى من السماعة الشمال امام الدريكسيون كان بسبب كونترول الانذار اللى مكنش متثبت كويس ولما ثبتوه بأفيز اضافى راح الصوت .
ثالثا : ظبط الزوايا الحقيقة ( وعلى عكس ما كنت متوقع منهم ) الحقيقة عملوه باحتراف شديد جدا وكان المهندس مصطفى ربنا يباركله واقف على ايدهم وهم شغالين وكانوا اتنين غير المهندس مصطفى , واحد جوه العربية وهى مرفوعة وواحد تحت والمهندس مصطفى امام الكمبيوتر ....واتظبط تمام الحقيقة والحمد لله الحدفة اختفت تماما .
اما عن الاصوات التى ما زالت تصدر من الطابلوه وهى احيانا طقطقة واحيانا تزييق فما زالت مستمرة وللاسف ظهر صوت جديد حيجننى برده لكن ده مش طالع من الطابلوه ولكن طالع من منطقة الدريكسيون وبيظهر فقط لما تعدى على مطبات او ارض متعرجة تعرجات كتير وتكون سرعتك بطيئة ...وبيبقى صوت خبط او نقر تحس انه طالع من ورا الدريكسيون نفسه .
هل برده ده نتيجة البلاستيك الخفيف المحيط بالدركسيون وعداد السرعة ولا ده العيب المتعلق ببارة الدريكسيون اياها المعيوبة ؟؟!.
المهندس تامر اكدلى ان العيب لما بيظهر مبيكنش موجود الا فى باره الدريكسيون اللى وراه على طول وهى دى بس اللى بيتم تغييرها وليس شىء اخر .
المهم انى قررت اتابع الاصوات دى وفى صيانة ال 5000 كم نبقى نشوف معاهم التطورات ونكشف من جديد.
كلمة حق ارى من الواجب ذكرها رغم عيوب التوكيل اللى كلنا عارفنها وعلى راسها اسعار قطع الغيار النار او عك الفنيين احيانا ....وهى ان المهندسين يشعروك انك فى امان معاهم وانهم لن يتخلوا عنك مهما ظهر من عيوب او مشاكل ومهما تكررت وان العربية بتاعتهم سواء الان او بعدين وانه حتى لو مكنش المفروض عيب علبة الدريكسيون يظهر فى موديلات 2009 الا انهم اكدولى اننا مع بعض ولو ظهر اى جديد فهم مسؤولين عن معالجته وانهم حريصين جدا جدا على ثقة العميل وعلى كسب رضاه وعلى سمعة التوكيل ومراكز الصيانة .
وانا شخصيا رغم عدم رضائى الكامل عن عفشة العربية الا انى مشيت من عندهم وعندى احساس الامان ده اللى عادل جزء كبير من توتر الاصوات اللى يسمعها مع كل مطب .
حتة الاسعار فكل التوكيلات بصراحة غالية بدءا من الصينى الى الماليزى الى اليابانى والالمانى والفرنسى ...الخ .
يبقى الفيصل هنا بين التوكيلات هو علاقتهم بالعميل وحرصهم عليه .
واحيانا من حرص الوكيل على عملاؤه ممكن يعيد النظر فى اسعار قطع الغيار لكسب مزيد من الثقة ومزيد من المبيعات .
وانا شايف ان توكيل بالاخلاق العالية دى فى تعامله مع عملاؤه هو توكيل لين وقابل للتشكيل واننا لو كونا تكتل وتحرك جماعى فى هدوء وبنفس درجة الذوق والادب بتاعهم اعتقد نقدر نغير ونعالج عيوب كتير .
ومتابعين معاهم ومتابعين مع بعض وما دمنا فى تكاتف فباذن الله حنقدر نتغلب على اى صعاب او مشاكل مع التوكيل مستقبلا لا قدر الله .
http://www.nilemotors.net/Nile/showthread.php?t=67983
تجارب "ملاك" الدايهاتسو مع مراكز الخدمة
السلام عليكم
ازيكوا ياجماعة
انهردة كنت فى التوكيل الساعة 10 ص لتغير علبة الدريكسيون وكانت البشاير ان حجزولى معاد 10ص ولما روحت التوكيل قلولى 11ص مش 10ص هقلتلهم اتاكدوا علشان هطلع للمهندس احمد عبد الوهاب فراحت انسة منة البنا تتاكد فجت وقالتلى معلش الموظفين الجداد بيستهبلوا ومعادك 10ص وخلال وانا مستنى اكتر من نصف ساعة لاستيلام السيارة مع المهندس ماجد دة بلطلب فرحت انا والمهندس واستلام منى السيارة قلتلة التغير وتظبيط الزوايا قالى كدة كدة لزم تتعمل مع تغير علبة الدريكسيون قلتلة عندى سوال هوة غسيل العربية من برة بس ولا من جوة قالى لا من برة وجوة كمان بس مش زى المغسلة علشان الوقت وكان انهردة يوم زحمة خالص المهم قالى ان العربية هتخلص الساعة 4 :_Alshmokh11:قلتلة لية لولا الناس غيروها فى ساعتيت بس قالى معلش انهردة زحمة وعلشان يعملها فى روقان قلتلة خلاص روحت استنيت وطبعا محدش عارف يشوف حاجة ويقولوا ممنوع واطلع فوق المهم بردة العربية اتغسلت من جوة وبرة تحفة دية الحاجة الوحيدة الكويسة لما طلعت اجرب العربية كانت تمام لاولا انا مش راضى على ظبط الزوايا بس نعمل اية مادام مدفعتش فلوس يبقى كروت وخلاص ولما رجعت اسماعيلية بقيت اسمع صوت اكتر من الاول غير لو لفيت الدريكسيون للاخر بيعمل زى صوت حكة ودية جديدة اول مرة اسمعها علشان كدة قلت بلاش اعمل التغير ليحصل مشكلة تانية ةدة اللى حصل الحمد الله وهستنى بقى لما اعمل صيانة
ونسيت اقلقوا انى طلعت للمهندس احمد مصطفى واتكلمنا اكتر من نصف ساعة على المشكلة بتاعت الزيت وهوا زعلان بدرجة كبيرة اوى من ناس مش هحب ازكر اسامى وقالى انة مش هيحضر بعد كدة فى المقابلات بتاعتنا بس هيكون متابعنا
معلش طولت عليكوا اوى وياريت نصيحة بلاش حد يعملها دة انا روحن قلتلهم ممكن اشوف العلبة فضلوا يتحجيجوا ويقولوا انها بتاعتنا :T_thum1[1]:
ويارب اكون عملت شرح وافى وشكرا
:k32:
http://www.nilemotors.net/Nile/showthread.php?t=68858
تجارب "ملاك" الدايهاتسو مع مراكز الخدمة
السلام عليكم و رحمة الله و بركاته
تم بحمد الله تغيير علبة الدركسيون للسريون مو 2008 اليوم الخميس 9 ابريل 2009
الموضوع انى كنت بتكلم مع مهندس احمد عبدالوهاب يوم صيانة ال 25 الف للسريون ... و بساله على التعديل و امتى هيبقى متاح لموديلات 2008 ... راح كلم انسه منى و قالها خدى رقم شاسيه معاذ و شوفى ميعاد مناسب علشان يغير العلبة.
الموضوع اخد تقريبا 3 اسابيع علشان تكلمنى و اتفقنا على الميعاد المناسب.
قالت لى عاوزها تبات و لا تاخدها فى نفس اليوم, طبعا كان ردى انى عاوزها فى نفس اليوم... فكان الاتفاق انى اجيب العربية الساعة 9 صباحا و استلمها الساعة 5 عصرا.
وصلت تقريبا على 9 و 45 دقيقة, المهندس عمرو استلم منى العربية على 10 و ربع... قلت له على بعض الملاحظات و كانت:
1-تزييق فى البابين الامامين بعد حل مشكلة الخلفيين
2- مكنة الزجاج, لما بطلع الزجاج للأخر, بتزق التبطين بتاع الباب لبره ... هو ورانى ان الموضوع عادى فى التريوس, و قالى هيسأل هو عادى برضه فى السريون و لا لأ.
العربية فضلت بره لحد الساعة 12 تقريبا... اخدها فنى و اشتغل فيها فى المكان اللى خلف مكتب قطع الغيار... هو كان بيشتغل لوحده, و كان سريع فى شغله (بعد كده عرفت من م/احمد عبدالوهاب انه احسن فنى فى المركز عموما, و بيوكل له المهام الصعبة) و العربية خلصت على 2 تقريبا.
بعد كده راحت ظبط الزوايا, و الموضوع اخذ تقريبا ساعة, و فضل يظبطها كويس.
العربية راحت تتغسل, و بعد كده تم فك الابواب الامامية و تشحيم اجزائها الداخلية, و مكن الزجاج, و العربية كانت خلصانة على الساعة 4 تقريبا.
بخصوص احساسى بعد التغيير ... طبعا مش عاوز استعجل الحكم سواء بالسلب او الايجاب, بس دى اهم الملاحظات:
1- الباور بقى اتقل, و بيمسك نفسه اجمد مع السرعات
2- الصوت الرئيسى بتاع الخبط الحمد لله اختفى, لكن لازال فى بعض الاصوات اللى اعتقدت انها هتختفى مع تغيير العلبة.... بس عموما هقول رأى فى التغيير بعد اسبوع 10 ايام كده
اسيبكم مع بعض الصور للعربية و هى مرفوعة بعد تركيب العلبة الجديدة:
http://www.postimage.org/aV1A2T5A.jpg
http://www.postimage.org/gxSiW0J.jpg
http://www.postimage.org/Pq1z09m0.jpg
http://www.postimage.org/gxSkbQi.jpg
http://www.nilemotors.net/Nile/showthread.php?t=69203
تجارب "ملاك" الدايهاتسو مع مراكز الخدمة
السلام عليكم ورحمة الله و بركاته
اخيرا و الحمد لله غيرت زجاج الراكب الامامي او زجاج الباب الايمن الامامي بعد فترة انتظار حوالي شهرين والحكايه هي:
في يوم جمعه نزلت للصلاه و بصيت علي العربيه وكانت الامور كلها تمام و الحمد لله و بعد الصلاه لقيت زجاج باب الراكب الامامي مكسور و محاوله واضحه لفك التسجيل و فك حليات الابواب و باب التابلوه مفتوح و كل الحاجات اللي فيه مسروقه ما عدا المصحف و سيديهات القرأن الحمد لله و اللي اتسرق جهاز ام بي ثري اف ام بتاع العربيه اللي بيركب مكان الطفايه و شوية تعليقات فضه عليهم ايات و نضاره و قلم بس الحمد لله علي كل شئ وطبعا للاسف ان الحرامي استغل فترة الصلاه و ان الحارس بيصلي وسرق و كسر و ربنا يسامحه.
طبعا كل اللي عملته اني غطيت العربيه و تاني يوم الصبح رحت علي التوكيل وكانت المفاجئه المحزنه ان الزجاج غير متوفر لان كالعاده قطع الغيار غير متوفره و محبوسه في الجمارك عشان مش عايزين يدفعو رشوه.
طبعا بعد شوية حوارات و نقاشات و نرفزه و زهق و بدون فائده واحد ابن حلال مكنتش اعرف هو مين قالي في واحد اسمه الثلاثيه في الحرفيين ممكن تلاقي عنده.
طبعا جريت علي الراجل و الحمد لله لقيت الزجاج عنده و دفعت فيه 200 جنيه بعد فصال و او اصطباحه و الكلام اللي انتو عارفينه بس كنت حاسس انه مش عاجبني بس مفيش اختيارات.
طبعا لاني محترم و مؤدب خفت اركبه بره و رحت التوكيل و اتحيلت علي الناس لحد ما ركبوه علي اسا انه حل مؤقت و دفعت تركيب في حدود 70 جنيه.
طبعا تاني الزجاج لما ركب جاي بنزله راح ساقط و سمعت صوت طرقعه و حاجات بتتكسر قمت مطلعه بايدي للاخر و شغلت الزرار لحد ما قفلت عليه و من ساعتها مش بستعمله و بقيت فاقد للباب ده ولما احب اكلم حد لازم افتح الباب حتي لما احب اعدل المرايه او افتحها لازم اقف وانزل و افتحها و اركب تاني.
فضلت كل اسبوع اتصل اسئل و لا حياة لمن تنادي.
الحقيقه اتعرضت لمواقف كتير محرجه و نظرات مش تمام من الناس اللي بتركب معايا و في يوم قولت ما اخذ بالقوه يسترد بالقوه و فضلت اتصل بالتوكيل لحد ما كلمت المهندس احمد عبد الوهاب و قولتله اني متصل اتخانق معاه عشان انا زهقت جدا من الموضوع وبعد حوار علي التليفون و الراجل كان قمه الادب و التعاون و الاحترام قالي هشوف و اكلمك و اعتقد انه بيهديني و خلاص.
اتصلو بيا في التوكيل تاني يوم و قالولي تعالي ركبه و رحت انهارده الصبح عشان اركبه بس المهندس احمد مكنش لسه موجود و لا الانسه اللي اتصلت بيا لانها سافرت العمره و قعدت مع مهندس من بتوع الاستقبال و اتصل بقطع الغيار و قالوله مفيش غير واحد بس وفي مخزن ابو رواش وانا ابتدي الدخان يطلع من دماغي وطبعا ابتدت نبرة صوتي تتغير و جه مهندس اسمه مصطفي بتاع السمكره و الدوكو و كنت اتعاملت معاه كذا مره كده وبرده محترم و ميتخيرش عن مهندس احمد و قالي ايه المشكله قولتله و انا مخنوق اخر حاجه قاللي ثواني و رجع و قالي عندي واحد كنت هركبه لعربيه فيها شغل سمكره ركبه انت وانا هتصرف.
ودخلت العربيه و عرفت ان المهندس احمد وصل و طلعتله و حكيتله و لقيت الراجل بكل احترام بيقولي انا كنت شايلهولك عند مصطفي لحد ما تيجي و طبعا محدش يعرف انه انت اللي متشال ليك الزجاج.
طبعا بعد حكايتي الممله الطويله دي الزجاج ركب و الحمد لله و دفعت عليه 575 جنيه تركيب شامله الضريبه و التركيب و الزجاج و الحمد لله.
بس عايز اقول حاجه مهمه جدا : 1
- بسبب عدم توفر الزجاج في التوكيل سعره وقف عليا بحوالي 1000 جنيه لاني دفعت تمنه مرتين طبعا واحد مضروب و بعدين الاصلي.
2- هل لو انا مكنتش قدرت اوصل للمهندس احمد كنت هفضل من غير زجاج الي ما لا نهايه.
3- هل لو مكنش الناس اللي بتشتغل ناس زوق و بتعرف تتعامل مع الزباين كان التوكيل بقي حاله ايه و الحقيقه ان بعيب علي التوكيل و ابتديت ازهق و امل منه جدا و اندم اني اشتريت منهم عربيه و لكن بشكر و بعتز بالناس اللي شغاله فيه جدا جدا جدا.
توكيلات السيارات لا تنجح بالزوق و الاخلاق مع كامل التقدير للحاجات دي انما فين قطع الغيار و مراكز الصيانه و المتابعه و قطع الغيار الاصليه المتوفره
http://www.nilemotors.net/Nile/showthread.php?t=70191