الموضوع: تجارب "ملاك" الدايهاتسو مع مراكز الخدمة

السلام عليكم ورحمة الله و بركاته

اخيرا و الحمد لله غيرت زجاج الراكب الامامي او زجاج الباب الايمن الامامي بعد فترة انتظار حوالي شهرين والحكايه هي:

في يوم جمعه نزلت للصلاه و بصيت علي العربيه وكانت الامور كلها تمام و الحمد لله و بعد الصلاه لقيت زجاج باب الراكب الامامي مكسور و محاوله واضحه لفك التسجيل و فك حليات الابواب و باب التابلوه مفتوح و كل الحاجات اللي فيه مسروقه ما عدا المصحف و سيديهات القرأن الحمد لله و اللي اتسرق جهاز ام بي ثري اف ام بتاع العربيه اللي بيركب مكان الطفايه و شوية تعليقات فضه عليهم ايات و نضاره و قلم بس الحمد لله علي كل شئ وطبعا للاسف ان الحرامي استغل فترة الصلاه و ان الحارس بيصلي وسرق و كسر و ربنا يسامحه.

طبعا كل اللي عملته اني غطيت العربيه و تاني يوم الصبح رحت علي التوكيل وكانت المفاجئه المحزنه ان الزجاج غير متوفر لان كالعاده قطع الغيار غير متوفره و محبوسه في الجمارك عشان مش عايزين يدفعو رشوه.

طبعا بعد شوية حوارات و نقاشات و نرفزه و زهق و بدون فائده واحد ابن حلال مكنتش اعرف هو مين قالي في واحد اسمه الثلاثيه في الحرفيين ممكن تلاقي عنده.

طبعا جريت علي الراجل و الحمد لله لقيت الزجاج عنده و دفعت فيه 200 جنيه بعد فصال و او اصطباحه و الكلام اللي انتو عارفينه بس كنت حاسس انه مش عاجبني بس مفيش اختيارات.

طبعا لاني محترم و مؤدب خفت اركبه بره و رحت التوكيل و اتحيلت علي الناس لحد ما ركبوه علي اسا انه حل مؤقت و دفعت تركيب في حدود 70 جنيه.

طبعا تاني الزجاج لما ركب جاي بنزله راح ساقط و سمعت صوت طرقعه و حاجات بتتكسر قمت مطلعه بايدي للاخر و شغلت الزرار لحد ما قفلت عليه و من ساعتها مش بستعمله و بقيت فاقد للباب ده ولما احب اكلم حد لازم افتح الباب حتي لما احب اعدل المرايه او افتحها لازم اقف وانزل و افتحها و اركب تاني.

فضلت كل اسبوع اتصل اسئل و لا حياة لمن تنادي.

الحقيقه اتعرضت لمواقف كتير محرجه و نظرات مش تمام من الناس اللي بتركب معايا و في يوم قولت ما اخذ بالقوه يسترد بالقوه و فضلت اتصل بالتوكيل لحد ما كلمت المهندس احمد عبد الوهاب و قولتله اني متصل اتخانق معاه عشان انا زهقت جدا من الموضوع وبعد حوار علي التليفون و الراجل كان قمه الادب و التعاون و الاحترام قالي هشوف و اكلمك و اعتقد انه بيهديني و خلاص.

اتصلو بيا في التوكيل تاني يوم و قالولي تعالي ركبه و رحت انهارده الصبح عشان اركبه بس المهندس احمد مكنش لسه موجود و لا الانسه اللي اتصلت بيا لانها سافرت العمره و قعدت مع مهندس من بتوع الاستقبال و اتصل بقطع الغيار و قالوله مفيش غير واحد بس وفي مخزن ابو رواش وانا ابتدي الدخان يطلع من دماغي وطبعا ابتدت نبرة صوتي تتغير و جه مهندس اسمه مصطفي بتاع السمكره و الدوكو و كنت اتعاملت معاه كذا مره كده وبرده محترم و ميتخيرش عن مهندس احمد و قالي ايه المشكله قولتله و انا مخنوق اخر حاجه قاللي ثواني و رجع و قالي عندي واحد كنت هركبه لعربيه فيها شغل سمكره ركبه انت وانا هتصرف.

ودخلت العربيه و عرفت ان المهندس احمد وصل و طلعتله و حكيتله و لقيت الراجل بكل احترام بيقولي انا كنت شايلهولك عند مصطفي لحد ما تيجي و طبعا محدش يعرف انه انت اللي متشال ليك الزجاج.

طبعا بعد حكايتي الممله الطويله دي الزجاج ركب و الحمد لله و دفعت عليه 575 جنيه تركيب شامله الضريبه و التركيب و الزجاج و الحمد لله.

بس عايز اقول حاجه مهمه جدا : 1
- بسبب عدم توفر الزجاج في التوكيل سعره وقف عليا بحوالي 1000 جنيه لاني دفعت تمنه مرتين طبعا واحد مضروب و بعدين الاصلي.
2- هل لو انا مكنتش قدرت اوصل للمهندس احمد كنت هفضل من غير زجاج الي ما لا نهايه.
3- هل لو مكنش الناس اللي بتشتغل ناس زوق و بتعرف تتعامل مع الزباين كان التوكيل بقي حاله ايه و الحقيقه ان بعيب علي التوكيل و ابتديت ازهق و امل منه جدا و اندم اني اشتريت منهم عربيه و لكن بشكر و بعتز بالناس اللي شغاله فيه جدا جدا جدا.

توكيلات السيارات لا تنجح بالزوق و الاخلاق مع كامل التقدير للحاجات دي انما فين قطع الغيار و مراكز الصيانه و المتابعه و قطع الغيار الاصليه المتوفره



http://www.nilemotors.net/Nile/showthread.php?t=70191

أنا كنت امبارح فى مركز الصيانة

كنت بعمل 3 حاجات:

1- الدركسيون بيلف فى حتة اكتر من التانية
2- دواسة البنزين تقيلة ( ده بعد تجربة سيارات عمرو باشا و د. محمد) و عمرو عمارة لاحظ الموضوع ده فى عربيتى كمان
3- انزل الزيت الزيادة

اول نقطتين هتكلم عنهم فى موضوع تغيير العلبة لكن بخصوص الزيت الزيادة

طلبت من مهندس ماجد ان الزيت الزيادة اللى هينزل, ينزلواه فى جركن زيت علشان بعد لما ينزل الزيادة نقيس و نشوف لو محتاجين نزود علشان نبقى عن الكمية المظبوطة بالمقياس... و اكدت عليه كذا مرة و هو أكد لى انه نبه عليهم فى الورشة.

اللى حصل كان حاجة غير متوقعة جدا من استاذ سيد ابوالنصر (chief Technicians).

انا قاعد فوق فى الاستراحة و بتفرج على العربية مع أ/ياسر, لقيته برضه هينزل الزيت فى المصفى بتاعتهم (يعنى الزيت فى عداد المفقودين خلاص) ... نزلت بسرعة لمهندس ماجد, هو دخل بسرعة عليه الورشة, و فضل ينادى عليه, و هو مطنشه و مصمم يعمل اللى فى دماغه, غير كده لما وصل له الاستاذ سيد رفض تماما انه ينزل الزيت زى ما انا طلبت, و كان السبب بتاعه ان الزيت سخن و صعب جدا ينزل فى جركن.

ببساطة شديدة كان يقدر يستخدم قمع, و يحط الجركن تحت العربية بمسافة معقولة و الفنى يفتح الطبة, ينزل لتر زيت او 0.75 لتر مثلا و بعد كده نقيس.

لأ ده كمان, بعد لما خلص مشافش المقياس, و نزل العربية من على الكوريك, بالرغم ان كان بقالها فترة فوق, يعنى كان ممكن يقيس و يرفع تانى و ينزل الباقى ... و ده كان سبب اننا نستنى حوالى ساعة الا ربع لحد اما العربية تبرد شوية علشان نشوف المقياس.

طلعت لمهندس احمد عبدالوهاب, و هو قالى متقلقش, هديك زيت من عندى جديد.

انا بس لما شفنا المقياس, و لقيت لسه برضه فوق ال max , قلت ملهاش لازمة.

العربية بعد سحب كمية من الزيت بقت "فايقة" اكتر, استجابتها و سحبها احسن.

إن شاء الله هروح اى بنزينة و انزل الكمية الباقية و اوافيكم بالتفاصيل بعد اما ننزل الزيت الزيادة.

http://www.nilemotors.net/Nile/showt...t=65363&page=4

يوم الاربعاء 15 ابريل رحت مركز الصيانة ... الغرض الاساسى من الزيارة كان ان الدركسيون بعد تغيير العلبة بيلف فى ناحية اكتر من التانية

ده فيديو انا صورته لحالة الدركسيون

http://www.youtube.com/watch?v=287GpMpz7R8

و كان فى اسباب تانية:
1- ثقل دواسة البنزين
2- تنزيل الزيت الزيادة

وصلت المركز على الساعة 10 و ربع تقريبا ... قابلت مهندس احمد عبدالوهاب, شاف العربية و قالى ماجد هيستلمها منك و انه قاله يعمل ايه.

المركز كان زحمة جدا فى اليوم ده, بالاضافة لكده مهندس احمد قال انه كان فى 2 فنيين فى تدريب فى اليوم ده, فده كان مزود الضغط كمان (واحد منهم اشرف اللى ركب ليا العلبة)

العربية دخلت تقريبا بعد الاستراحة, يعنى بعد الساعة 1 الظهر. طلعوها على جهاز الزوايا, مع ان الزوايا مظبوطة, و بعدها عملوا موضوع الزيت اللى حكيت عنه فى الموضوع الخاص به : تنزيل الزيت الزياده

المشكلة ان العربية خرجت الساعة 4 عصرا زى ما هيا, مفيش اى تغيير حصل,و اتضح ان الحل بتاع الزوايا مكنش هو الصح, و ان المفروض اللى يحصل هو تظبيط للموضوع عن طريق بارات الدركسيون ... و اخدت ميعاد يوم الخميس 23 ابريل الساعة 9 صباحا

الحاجة الوحيدة الجميلة فى اليوم ده الصراحة انى كنت مع ياسر باشا و هو كان بيغير العلبة (برضه الدركسيون بتاعه طلع مش معدول) و قابلت م/حسين عزام و hhhmmmzzzz كمان ... فده الى خلا اليوم يبقى كويس

نفس اللى حصل معايا حصل مع ياسر باشا, راح الساعة 9 ونص, و العربية دخلت الساعة 1 ظهرا !!


http://www.nilemotors.net/Nile/showt...753#post791753