طريقة أختبار كبس المحرك copression test

**nasroo** · 07-04-2009 01:46 PM

معنى كده ان العربية ممكن تكون عاوزة طقم شنبر بالرغم من انها مابتطلعش دخنة؟؟
طب حد يعرف مكان كويس نقيس فيه كبس الموتور

**MohabSaeed** · 08-04-2009 03:47 AM

[quote=samirayad;771051]ماهى دى حالة تفويت من الشنبر للكرتير.....وعلشان كده مفيش حاجه بتروح لغرف الحريق (علشان كده العادم كويس ) لو لاحظت فى عملية دراسة القراءات (للحالات التلاته اللى وارده فى الموضوع بتاع أختبار الكبس الموجود معانا أعلى الموضوع )....حيدللك على صدق تحليلى بتاع تفويت الشنبر للكرتير اللى عندك.....علشان كده بتلاقى المحرك عندك بيأخد فتره شويه ....لحين الوصول لمرحلة تحسين الحبك مع حركة البساتم ( بنسميها هندسيا ...مرحلة بناء ضغط الحريق ...وبترتفع قيمة الضغط والحبك مع السرعات )....أنما على البطىء بيزداد هروب الزيت للكرتير لا هو العيب مش من الكربوراتير .....دا بسبب الزيت اللى بيروح وبيتحرق ويعمل كربون داخل الغرف (اللى رايح من خط الفائظ لفلتر أو مجمع الهواء عندك ).........ولو شيلت الخرطوم ده ونظفت البوجيهات ( حيتحسن عندك آداء البوجيهات .....لأن لما بيدخل زيت الى الغرف بيأثر على جودة وكفاءة عملية الحريق وبيخللى البوجيهات تهبب ....بسبب تراكم بنزين وزيت مش محروقين كويس .....لأن الخليط كفاءته أثناء الحرق بتقل بسبب الزيت اللى داخل من خط الفائظ للغرف )........ولو شيلت الخرطوم على ماتبقى تغير طقم شنبر ....الأمور حتحسن كتير .................

[خصوصا انى فكيت بوجيه و لقيته فعلا مزيت شويه !/QUOTE] لا دا دى كمان يا أستاذ / مهاب تخلينا نشك فى سيلات الصبابات عندك برضه.........ولو أننى أميل لموضوع خط الفائظ .......وأنت اللى تقدر تحدد الوضع بعد ماتشيل خط الفائظ بعيد عن الفلتر بتاع الهواء .......وجرب وقوللى برضه يمكن أقدر أفيد...................

الحقيقه مش عارف اشكرك ازاى يا استاذ سمير على ردك المفصل و الوافى .

ان شاء الله انا مع الحل الجذرى , عمل شنبر و حغير دبرياج لانه محتاج يتغير و حصلح الماستر العمومى ," هى عاكمه كبيره بس علاشان اخلص مره واحده " .

ياترى حضرتك عند نصائح او ملحوظات المفروض اخد بالى و انا بعمل الشمبر و الدبرياج .
و ياترى التكلفه تقريبا كام للشنبر .
مره تانيه بشكر حضرتك و اتمنى انكو مكونش بأزعجك بأسئلتى .
تحياتى ليك

**samirayad** · 08-04-2009 08:47 AM

ياريت تطمنى الأول يا أستاذ / مهاب ......على خط الفائظ .....أن مفيش فيه زيت كتير بيروح لمجمع الهواء أو الفلتر منه .........علشان يبقى حكمنا نهائى .......لأن ممكن يكون العيب عندك فقط من سيلات الصبابات ( لو خرطوم الفايظ نظيف ).........وأنا تحت أمرك يا أخى .....وأنا عمرى ما بأنزعج من أسئلة أى زميل .....( لأننى بحب كده ......وفعلا بأستفيد كتير من المناقشه دى ).......وأنا اللى بأشكرك لثقتك الغاليه عندى

**nasroo** · 08-04-2009 12:30 PM

المشاركة الأصلية كتبت بواسطة أشرف فتحى

جزاك الله خير
انا سبق وحضرت عمليه قياس الكبس دى اثناء فحص عربيه كنت بشتريها وفهمت دلوقتى ايه اللى كان بيعملوه بس النسبه الناتجه بتكون عباره عن ايه؟؟
يعنى لو الكبس 70%مثلا بيكون ده متوسط كبس الاربع اسطوانات؟؟
اشرف فتحى

لا حتة ال70 % دى خاصه بالعلاقه بين أقل ضغط وأقصى ضغط على عداد أى غرفه (ساعة الأشواط الأربعه لنفس الغرفه )..........بحيث لو أقل ضغط كان أقل من أقصى ضغط ممكن الحصول عليه للغرفه دى.....فده معناه الصبابات متآكله وفاتحه على البحرى وصعب بناء ضغط كويس ولازم عمل روديه وتغيير صبابات

بيتهيئلي يا استاذ سمير ان اشرف كان بيسأل عن ان لما تعمل كبس موتور في البنزينة بيقولك الموتور حالته 70% وبس مابيقولش اكتر من كده بس هو مايقصدش ال70% بتاعت حبك غرفة الحريق
يعني انا لما اشتريت العربية قال لي ان كبس الموتور75% مع ان انا عندي نقص في زيت الموتور جامد

**samirayad** · 08-04-2009 05:03 PM

المشاركة الأصلية كتبت بواسطة azamell

بيتهيئلي يا استاذ سمير ان اشرف كان بيسأل عن ان لما تعمل كبس موتور في البنزينة بيقولك الموتور حالته 70% وبس مابيقولش اكتر من كده بس هو مايقصدش ال70% بتاعت حبك غرفة الحريق
يعني انا لما اشتريت العربية قال لي ان كبس الموتور75% مع ان انا عندي نقص في زيت الموتور جامد

فعلا أنت بتتكلم صح......وحصل لبس فعلا بسبب رقم الــــــــــــ70% للحالتين

**nasroo** · 09-04-2009 01:59 PM

طب حضرتك ممكن تقول ايه الفرق بين الحالتين؟

**samirayad** · 09-04-2009 03:51 PM

_ الحاله الأولى ...واضحه فى طريقة أختبار الكبس أول الموضوع فوق...............

_ الحاله التانيه بقه دى اللى جديده ...وملهاش تفسير غير الأتى.....الراجل بيقيسلك درجة الحبك بتاعة الأسطوانات الأربعه ....وبيعرف الضغط كام فى كل غرفه ......وبيكون عارف أقصى درجة حبك فى صورة ضغط (أنا حقيقى مش عارفها حاليا )......وبعد كده بيقسم الضغط اللى قراه أثناء الأختبار ويقسمه على أقصى ضغط مقنن والحبك ميه ميه .....ومن هنا بتعرف كفاءة حبك أو حالة المحرك ....وأعتقد مش حتخرج الأمور عن كده ......ولا أيه رأيك

**nasroo** · 12-04-2009 12:35 PM

المشاركة الأصلية كتبت بواسطة samirayad

_ الحاله الأولى ...واضحه فى طريقة أختبار الكبس أول الموضوع فوق...............

_ الحاله التانيه بقه دى اللى جديده ...وملهاش تفسير غير الأتى.....الراجل بيقيسلك درجة الحبك بتاعة الأسطوانات الأربعه ....وبيعرف الضغط كام فى كل غرفه ......وبيكون عارف أقصى درجة حبك فى صورة ضغط (أنا حقيقى مش عارفها حاليا )......وبعد كده بيقسم الضغط اللى قراه أثناء الأختبار ويقسمه على أقصى ضغط مقنن والحبك ميه ميه .....ومن هنا بتعرف كفاءة حبك أو حالة المحرك ....وأعتقد مش حتخرج الأمور عن كده ......ولا أيه رأيك

انا برضه قولت كده انه بيقيس كل اسطوانه لوحدها ويجمعهم مع بعض ويقسمهم على اقصى درجة ويقول لي النسبة اللي طلعت مقارنة بالنسبة المثالية

**tananybasha** · 29-05-2009 12:45 AM

نداء إلى جميع ملاك الأوبل ما تيجى نلم من بعض و نجيب اوبل لعم سمير عياد و نخطفة فى المنتدى بتاعنا الراجل ده استاذ كبييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييير

**samirayad** · 29-05-2009 12:00 PM

المشاركة الأصلية كتبت بواسطة tananybasha

نداء إلى جميع ملاك الأوبل ما تيجى نلم من بعض و نجيب اوبل لعم سمير عياد و نخطفة فى المنتدى بتاعنا الراجل ده استاذ كبييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييير

الله يخليك ......يا أبو حميد ..................ومنغير أوبل ولا لم ولا غيره هههههههههههه.....ما كلنا أخوات ياباشا..............