تقييم سريع للفولكس واجن جيتا 1.6

**Action** · 19-03-2009 01:48 AM

1- سحب الموتور جيد جدا قياس بكونه 1600 سي سي 102 حصان(mpi) للشاب المتزن في قيادته و لا يبحث عن الشد و التسارع و خلافه حتى مع وجود حمل بالسيارة.

2- استهلاك البنزين في حدود 240 كيلو للصفيحة (20لتر) مع تشغيل التكييف في السفر فقط و طبعا بنزين 92 مع العلم انه عند تفويل السيارة بالنزين بتحس بنعومه في السحب و تقل عندما يكون المؤشر اقل من 3/4 التنك.

3- العفشة ناعمة جدا ماشاء الله و خصوصا مع النيتروجين بالكاوتش بمعنى الاحساس بالمطبات و الطريق و في نفس الوقت الاتزان مع السرعات.

4- موضوع الارتفاع عن الأرض يتم التعود عليه مع الوقت بمعنى ان السيارة ليست بارتفاع الكبير عن الأرض و ليست بانخفاض السيفيك و هو ليس مشكلة كبيرة معي الا مع المطبات السيئة جدا و يتم التعامل معها بالجنب بدون مشاكل علما بأن كل الخليجي به تصفيح سفلي كامل ( فيبر قوي و ليس صاج ).طبعا الكل عارف ان الارتفاع عن الأرض له علاقة مباشرة بثبات السيارة على الطريق.

5- عزل الصوت و خامات التشطيب جيدة جدا ماتحسش نهائي ان السيارة دي تجميع مكسيكي علما بأن نفس المصنع بالمكسيك يتم تصدير السيارة منه للسوق الأمريكي.

6- الكاسيت cd,mp3 و النظام الصوتي بها ذو جوده عالية

7- من وجهة نظري عيب السيارة في حاجتين :
- السعر مبالغ فيه شوية و لكن بعد ارتفاع سعر الياباني اصبح منطقي نوعا ما.
- قطع الغيار غالية جدا بس معمرة كطبيعة كل الألماني.

خالص احترامي للجميع و كل عام و انتم بخير

**fahd_628** · 19-03-2009 01:54 AM

شكرا يا باشا

**umoussa** · 19-03-2009 02:13 AM

ياعزيزي ليا عندك سؤال

انت أول مرة تركب عربية فولكس؟

هو طبعاً أنا مقدر تماماً مدى انبهارك بعربيتك وربنا يباركلك فيها ويديك خيرها ويبعد عنك شرها

بس كل الحاجات الي حضرتك بتقول عليها دي طبيعية جداً ومتوقعة من فولكس

فولكس ملوك التكنولوجيا مع الاعتذار للآخرين

مينفعش تقارن عربية تصنيع فولكس بعربية ياباني أو كوري أو تيواني أو أي عربية آسيوي لأن المقارنة ظالمة

دي عربية التانية ...............................

**hicho1001** · 19-03-2009 11:05 AM

بالنسبة للسرعة القصوى حد زاد فيها عن 220 كم\س .....انا جبت 220 ع طريق السخنة ومعايا 2 يعنى وزننا احنا التلاتة كان حوالى 260كم

**M.Moustafa** · 19-03-2009 01:08 PM

باشا انت حضرتك واخد التقرير كوبي وبيست مع تعديل بسيط جدا من موضوع المهندس محمد حمدي اللي عامله من شهر 12 اللي فات؟؟؟؟؟

https://www.nilemotors.net/Nile/49810-a.html

**معتز** · 19-03-2009 01:32 PM

هوا مش COPY & PASTE قوى قوى......هو 80% تقريبا

خدها بنية حسنة......وكلنا حبايب

**Action** · 19-03-2009 01:59 PM

يا جماعة الموضوع ده مش منقول لو كان منقول كنت هقول طبعا

**M.Moustafa** · 19-03-2009 02:18 PM

يا باشا ابقى راجع اللينك اللي انا كاتبه وبص عليه كده ده انت حتى كلمة واطية زي السيفك ما شيلتهاش انت شيلت كل حاجة ليها علاقة ب A5 وخلاص على كده. وعموما بسيطة