إفطار رمضان كل عام وأنتم بخير

**sherif_84** · 09-09-2007 03:16 AM

ماشى ياعم اسلام موافقين على الفطار والصلاة بس لازم الفطار يبقى تمام ياإمـا هاخد الفلوس 8)

**Powert** · 09-09-2007 09:47 AM

لأ اسلام مالوش دعوه بأكل هو بيلم الفلوس بس وهيهرب بيها برة مصر :D

ومفروض ان AlmAhAtmA هو اللي هيجيب الأكل

بس انا خايف الافطار يكون كادبوري بس :mrgreen:

**إسلام شاهين** · 09-09-2007 11:01 AM

لحمة مين وفطار إيه إنتوا فاكرين الموضوع جد ولا إيه ؟

يا جماعه الحكاية ومافيها إني مزنوق شوية وعايز أجيب جنوط سبور وزينون لعربيتي فالله يكرمه كريم منير فكر في موضوع الفطار ده علشان الإحراج بس ولميت الفلوس ونازل النهارده إن شاء الله أرابكوم أجيب الجنوط ومن عند سبير كار هاجيب الزينون بس المبلغ لسه مقصر شوية يعني شدوا حيلكوا عايزين بتاع 20 واحد كمان يدفعوا علشان المبلغ يكمل .

حسنة قليلة تركب جنوط وزينون جميله

**Moh.Fahmy** · 09-09-2007 11:11 AM

انا جاااااااااااااااااااااااا ااااااااااااااااااااااااا ي ان شاء الله
احجزولي بأي شكل و بأي وسيلة 8)
بس اعملوا حساب اني جاي من اسكندرية يعني ما ينفعش اسوق اسوق ....قصدي اصوم اصوم و افطر علي كادبوري و كمان انا لي وجبتين وجبة افطار ووجبة سحور :mrgreen:
ياريت بقي حد يتطوع و يوصفلي اقصر الطرق من الطريق الصحراوي الي ستوديو مصر
فيه استفسار صغير محيرني و عايز اتأكد منه ..مش حديقة الازهر دي اللي هي في الدراسة علي طريق صلاح سالم و لا ايه؟

محمد فهمي

**Hossam_Hassan** · 09-09-2007 11:15 AM

اسلام باشا، أولا مبروك على الجنوط :lol: :lol: :lol: و ياريت تقولى خط سيرك المعتاد علشان ارتب و اقابلك علشان ادفع مساهمتى فى الزينون :lol: :lol: :lol:

**Powert** · 09-09-2007 11:16 AM

على فكرة يا اسلام انا ساكن ورا ارابكوم يعني لو شوفتك هناك :twisted:

هقطعك واخد عربيك رهن لغاية لما ترجع ال 30 جنية بتوعي وماليش دعوه بفلوس الناس التانية

خد فلوسهم وهات بية الجنوط وماتنساش العربية البي ام بتاعتي

**Karim_Monir** · 09-09-2007 12:19 PM

محمد باشا فهمي وانت جاي من الصحراوي تطلع المحور بعد البوابات ب 2 كيلو
تفضل ماشي على المحور لحد ما تلاقي كوبري علوي هو ده اتلدائري تمسك يمين عشان تطلعة بس هاتفوت الطلعة الاولي عشان دي مدخل اكتوبر وتطلع التانية في اتجاة طريق اسكندرية الزراعي وطريق مصر اسماعيلية الصحراوي
هاتفضل ماشي علي طول كتير حوالي حاجة وعشرين كيلو لحد ما تلاقي نفسك نازل نفق-ده نفق مدينة السلام اللي بيعدي من تحت طريق مصر الاسماعيلية هاتفضل ماشي علي طول لحد ما تقطع طريق السويس وبرضه ماشي هاتلاقي علي شمال فندي جي دبليو ماريوت وفي وشك نفق تاني ما تنزلوش خليك من فوق لانك كدة وصلت
الربوة فوق النفق علي ايديك اليمين قبل ما تلف الصينية
ولو عايز رسمة بجوجول ايرث قولي وابعتلك

ولو بعد كل ده لسه مش عارف مفيش قدامك غير انك تمشي ورا الوصفة دي توصلك على طول

يا حضرة الأراجوز قولي
نعم يا عمدة عاوز إيه
منين يروحوا لمتولي
إمدح نبينا و صلي عليه
اللهم صلي عليه
تمشي كدة على طول على طول
لحد ما تلاقي عمارة
تكسر يمين تلقى بتاع فول
دكانته على ناصية حارة
تدخل يمينك و شمالك
شارعين و في التالت تكسر
شارعين و في التالت أكسر
على اليمين واخد بالك
و تمشي على طول تتمخطر
و أمشي على طول و أتمختر
تفضل كدة تمشي و تلف
و تخش من مطرح ما طلعت
و أخش من مطرح ما طلعت
و لما تلقى مقلة لب
تعرف بإنك توهت و ضعت
دي وصفة سهلة قوي قوي
دي وصفة هايلة قوي قوي
مع السلامة يابو عمة مايلة
:lol: :lol: :lol: :lol:

-

الموضوع: إفطار رمضان كل عام وأنتم بخير

LinkBack

أدوات الموضوع

عرض

-

-

-

-

-

المواضيع المتشابهه

إفطار رجالة المتسوبيشي لشهر رمضان الكريم وكل سنة وانتم بخير

كل عام وأنتم بخير بمناسبة شهر رمضان

كل عام وأنتم بخير , تجميع ضخم من الدروس والخطب عن شهر رمضان ( اللهم بلغنا رمضان )

بداية رمضان يوم الإثنين (وكل عام وأنتم بخير)

الكلمات الدلالية لهذا الموضوع

المفضلات

المفضلات

ضوابط المشاركة