إفطار رمضان كل عام وأنتم بخير

**إسلام شاهين** · 10-09-2007 09:27 PM

طيب ياباشا ممكن تقولي ال إن 73 الميوزيك بيعمل كام عندك ؟

**PAYOO** · 10-09-2007 09:39 PM

وياريت كمان من فضلك تقوللنا سعر الـE90 وهو يبقى إفطار عمل زي ما رجال الأعمال عندهم عشاء عمل

**hazem_khidr** · 11-09-2007 07:07 AM

وياريت كمان من فضلك تقوللنا سعر الـE90 وهو يبقى إفطار عمل زي ما رجال الأعمال عندهم عشاء عمل

:D :D :D :D :D :D

**Moh.Fahmy** · 11-09-2007 11:26 AM

جزاك الله كل خير استاذ احمد علي المجهود العظيم ده
بس فاضل استفسار صغير كده عشان تبقي المحكمة اتنورت و اجيلكوا ربوة مدينة نصر مش ربوة منيا القمح :mrgreen:
يعني افضل ماشي في الدائري لغاية اخره و بعدين حقابل نفق تحت طريق الاسماعليية و لا فيه منزل قبل نهاية الطريق يعني لو حضرتك او اي حد فاكر اي يافطة ارشادية توضحلي اني ماشي مظبوط
انا عارف اني تعبتكوا معايا و زمانكو دلوقتي بتقولوا يا عم خليك في اسكندرية و كأنك حضرت :mrgreen: انما انا حعمل نفسي مش واخد بالي ...المشكلة اني الوقت اللي حوصل فيه ان شاء الله حيكون وقت ذروة و زحمة فعشان كده انا عايز اسهل الطرق و الوصفات يعني مثلا لو في وقت تاني كان ممكن اجي عن طريق ذاكر حسين ده سهل بالنسبة لي بس حضطر ادخل البلد

محمد فهمي

**Powert** · 11-09-2007 11:34 AM

اخي borgelharm

انت هتيجي منين بظبط يعني انت جاي من اسكندرية ولما توصل البوبات هتمشي ازاي

**Moh.Fahmy** · 11-09-2007 11:36 AM

و الله يا كريم انا نفسي الاسكندرانية كلهم ييجوا معايا ده يبقي شرف ليا خصوصا الدكتور ايهاب بدر اللي وحشني جدا و مش عارف اكلمه عشان للاسف البيانات كلها اتمسحت من علي الموبايل لكن مافيش قدامي غير اروحله المستوصف و اسأل عن مواعيده
و كمان الاستاذ محمد ابراهيم وحشني قوي قوي و تامر عزت و الله لو اقدر اجيبهم كلهم معايا مش حتردد

محمد فهمي

**Moh.Fahmy** · 11-09-2007 11:46 AM

الله يكرمك يا هاني ...خلاص احنا ممكن ننسق مع بعض و نطلع مع بعض بالعربيات و اهه نونس بعض في الطريق
انت دخلت في الوقت المناسب و الله و رحيت قلبي من الموضوع ده و الفكرة دي كانت في دماغي بس ما حبتش احرجك و قولت يمكن يكون عندك مشوار في القاهرة و لا حاجة عشان متقيدش نفسك بميعاد
تمام يا زعيم يبقي احنا علي اتصال ان شاء الله و نشوف حنسافر من اسكندرية الساعة كام و ننسق مع بعض

محمد فهمي

**إسلام شاهين** · 12-09-2007 10:16 AM

يا جماعه الفطار زاد 2 كمان وأنا فرحت جدا إني قابلتهم امبارح :-

20 - حازم خضر 21 - حسام حسن

شدوا حيلكوا إحنا عايزين مش أقل من 100 عضو علشان يبقى المجموع 3000 ثلاثة آلاف جنيه يدوبك الجنوط والزينون علشان خلاص رمضان بكره إن شاء الله ومش هبقى فاضي أنزل ألف على الحاجة !!!!!!!!!!!!!!!!!!!!!!