إفطار رمضان كل عام وأنتم بخير

**Dr.Amany** · 10-09-2007 02:31 AM

سلام عليكم
دي اول مشاركة لي على المنتدى
حبيت اقولكم جميعا
كل عام وحضراتكم بخير وطاعة وسعادة
وان شاء الله يكون رمضان ده أحلى من سابقه..مليء بطاعة الرحمن ان شاء الله

**Dr Ahmed** · 10-09-2007 03:27 AM

المشاركة الأصلية كتبت بواسطة Dr.Amany

سلام عليكم
دي اول مشاركة لي على المنتدى
حبيت اقولكم جميعا
كل عام وحضراتكم بخير وطاعة وسعادة
وان شاء الله يكون رمضان ده أحلى من سابقه..مليء بطاعة الرحمن ان شاء الله

المنتدى نوّر بيكى ، وكل عام وحضرتك بخير وسعادة وتوفيق وإيمان.

**hazem_khidr** · 10-09-2007 04:17 AM

طب لو عاوز ادفع ليك الفلوس يا اسلام باشا اعمل ايه؟؟
يا تري ابعت حواله ولا ابعتهم في ال DHL :D
لا بجد عاوز اجي الفطار يا ريت تقولي طريقه اعرف ادفع بيها او انت شغلك فين اجيلك او نتقابل

**Sharky** · 10-09-2007 11:03 AM

( يعنى لو عايز اتقابل معاكم او مع الاعضاء ولو عايز احضر الاجتماعات ولو ولو ولو) يعنى محتاج شوية معلومات عن المواضيع دى لانى فى السودان حاليا وراجع مصر فى رمضان ان شاء الله

يا باشا حضرتك تشرف فى أى وقت
حضرتك شوف المواعيد اللى إحنا بنتقابل فيها لو مناسباك شرفنا يا باشا و لو مش عارف المكان اللى حنتقابل فيه قولنا مكانك فين و نشرح لك إزاى ممكن تيجى
بالنسبة لإقرب مقابلة حتكون فى رمضان إن شاء الله على الفطار لو حضرتك عايز تشرفنا ممكن تكلم الأستاذ إسلام شاهين و تشوف ممكن تديلوا فلوس الفطار إزاى (و قولوا انا عايز أحجز فطار مش جنوط و زينون :D )

مستنينك معنا قريب إن شاء الله

**إسلام شاهين** · 10-09-2007 11:19 AM

حازم باشا إنت تنورنا من غير فلوس مع إنها مقصرة شوية الجنوط والزينون غاليين شوية

بص يا باشا ده رقمي كلمني وإن شاء الله نحلها سوا
0127687781

**Karim_Monir** · 10-09-2007 01:41 PM

استاذ محمد فهمي بيتهياللي كدة الوصفة وضحت وبالصور كمان
بس اهم حاجة شارعين وفي التالت تكسر
اهم حاجة ما تكسرش على اللي جنبك :mrgreen: :mrgreen: :mrgreen: :mrgreen:
ربنا يستر طريقك وكفاية تشريفك لينا من اسكندرية ويا ريت ما تنساش تجيبلنا معاك احمد جنيدي وما يخلعش
وكان نفسنا نشوف كمان دكتور ايهاب بدر وكل الناس الحلوة بتوع اسكندرية
اللي مش هايكسفوني ويجوا ايديهم فاضية عشان عارفن يبحب الجمبري والاستاكوزا والمحرات جدا
احمد جود ويف لو ما جيتش هازعل وسيبك من كنزي اهو يوم يعني مش 5
ولا اشردلك انت كنت رايح فين وعطلت عربيتك
خلاص ربنا امر بالستر :mrgreen: :mrgreen: :mrgreen: :mrgreen:
سلامي لكل الاسكندرانية واولهم حبيب قلبي هاني
=====
دكتورة اماني اهلا بيكي في المنتدي وان شاء الله تفيدي وتستفيدي ونشوفك وانتي منور جنب اسمك عضو نشيط او عضو فعال

كريم منير

**إسلام شاهين** · 10-09-2007 07:00 PM

لا ياباشا مش كثيرة ولا حاجة ال 300 جنية قصدي ال 30 جنيه كده فاضل منهم حوالي 10 جنيه مش عايز حاجة ثانية بيهم ؟؟ ولا تحب أكملك بيهم سحور ؟؟؟؟

**اسلام المصرى** · 10-09-2007 07:16 PM

أنت ابن حلال والله كانت لسه فى بالى :D ممكن تكملى بيهم للسحور لو مش هتقل عليك :D شكرا يا اسلام ده عشمنا فيك برضه و ده رمضان أيام مفترجة يعنى :)

**total_n76** · 10-09-2007 08:12 PM

متشكر يا جماعة على الذوق الشديد ده
وان شاء الله اول لما اوصل هاكلم الاستاذ اسلام شاهين
وتبقى فرصة سعيدة ليا لو قابلت الناس الى هنا كلها
ولو حد عايز حاجة من السودان يقولى ما يتكسفش وخصوصا الموبيلات هنا رخيصة موت