الموضوع: إفطار رمضان كل عام وأنتم بخير

أنا ده كان أقتراحى من زمان بس مفيش حد فيكم شجع اللعبة أقصدى الأكلة الحلوة ديه :)

نبتدى بالبلح ثم الخشاف و مشروب قمر الدين
2) طبق رز كبير مع نصف فرخة مشوية و طبق سلطة خضراء (من غير بصل أو ثوم علشان الصلاة)
3) طبعا لازم خضار معاه أنا عايز مسقعة بالحمة المفرومة (لحمة لحمة يعنى مش عينات)
4) عدد 2 رغيف بلدى (ياريت طازة مش بايت)
5) الحلو ممكن نص كيلو بسبوسة بالسمنة البلدى أو أم على بالمكسرات و عليها حتة قشطة

كده يبقى تمام و مشكورين يا جماعة جدا أه ياريت واحد شاى كشرى بعد الأكل سكر زيادة لزوم الهضم. نفكر بقى هناكل ايه بعد صلاة التراويح لأن الأكل ده كده هيكون أتهضم مفيش مانع من بعض التسالى أو السندوتشات الخفيفة , السحور طبعا معروف: فول طعمية جبن عيش بيض زبادى ومفيش مانع يكون فى طبيخ برده و كان الله بالسر عليم , القناعة كنز لا يفنى لا والله أنا بهزر طبعا بس أنا بحب الأكل جدا و بسخن بعد الفطار بساعتين كده يعنى لازم نكون قريبين من مكان فى أكل. و كل سنة و أنتم جميعا طيبين.

يمكن احنا ما نعرفش بعض من زمان
بس الاكيد ان احنا كنا مستنيين بعض من زمان

يا ريت اكون وصلت المعني مش عارف الجملتين طلعوا كاني اعيد تحت الشجره و كمنجات و كوبايتين لمون بلاش لمون يا اسلام حاضر اتنين خشاف يا سيدي ولا يهمك

ربنا يديم المعروف يا شريف و مستني الرسومات
ما ينوبك فيه ثواب و اعملي حاجه للسيتي

إسلام باشا ما تنسانيش المشكلة مش عارف أبعتك أى حاجة من الغابة هنا فى نيجيريا يعنى فيه نمر عينه بتنور فى الضلمة أحسن من الزينون و فيه حاجات تانية كتيييير شوف إنت تحب تركب إيه فى عربيتك و أنا اظبط الموضوع ده.
و كل سنة و الجميع بخير و تقبل الله منا و منكم و أعتقنا جميعا من النار.

أنت جبت الخلاصة يا هانى :) الله ينور عليك و على فكرة أنا بحب أسلوبك فى الكتابة جدا هو مميز و كوميدى جدا :) بيخلى على وشى أبتسامة و أنا قاعد أمام الكمبيوتر :) أنت انسان جميل :)

كلامك فى محله يا شريف :)

ترجعلنا بألف سلامة يا مهندس أبو عبد الرحمن مصر مستنياك :)

المشاركة الأصلية كتبت بواسطة اسلام المصرى

أنت جبت الخلاصة يا هانى :) الله ينور عليك و على فكرة أنا بحب أسلوبك فى الكتابة جدا هو مميز و كوميدى جدا :) بيخلى على وشى أبتسامة و أنا قاعد أمام الكمبيوتر :) أنت انسان جميل :)

كلامك فى محله يا شريف :)

ترجعلنا بألف سلامة يا مهندس أبو عبد الرحمن مصر مستنياك :)