سؤال عن تشحيم المقصات

**Dr_Smart** · 20-03-2009 07:39 AM

السلام عليكم

لو سمحتو يا رجاله انا غيرت المقصات بتاعت العربية والميكانيكي قالي انهم مافيهمش مشاحم ( والشحم اللي فيهم كبس ) يعني مش هتحتاج تشحيم

بس المشكله اني ساعات بسمع تزييق لما اكون ماشي واجي اقف ( الصوت ده كنت بسمعه زمان لما المقصات بتكون عايزه تتشحم )

السؤال بقى هل ينفع اغير الكبس ده بمشاحم ؟ ولا انفض للموضوع وهي فعلا مش هتحتاج تشحيم ؟

اتمنى اكون عرفت اوصلكم السؤال

وشكراااااا لسعة صدركم

**samirayad** · 20-03-2009 03:15 PM

المقصات عامة لا يستحب تشحيمها (لأنها حتلم أتربه ورمال ).....وكانت معايا الأوبل وكنت بشحم جلب المقصات (ويادوب مشوار وترجع ريما لعادتها القديمه ).......لأن جلب المقصات بيكون جواها كاوتش مقوى اللى بيحمل على بنوز الربط بالشاسيه لعدم حدوث تزييق وأصوات فى المطبات
وساعة الفرمله للتوقف.....(والموضوع منعدلش معايا الا أما ظبت زاويه أنقلاب الشاسيه )....بوضع علايات كاوتش لليايات الخلفيه

**Dr_Smart** · 20-03-2009 05:02 PM

المشاركة الأصلية كتبت بواسطة samirayad

المقصات عامة لا يستحب تشحيمها (لأنها حتلم أتربه ورمال ).....وكانت معايا الأوبل وكنت بشحم جلب المقصات (ويادوب مشوار وترجع ريما لعادتها القديمه ).......لأن جلب المقصات بيكون جواها كاوتش مقوى اللى بيحمل على بنوز الربط بالشاسيه لعدم حدوث تزييق وأصوات فى المطبات
وساعة الفرمله للتوقف.....(والموضوع منعدلش معايا الا أما ظبت زاويه أنقلاب الشاسيه )....بوضع علايات كاوتش لليايات الخلفيه

شكرا مهندس سمير على الافاده ربنا يخليك لينا

يعني يا باشا حضرتك تنصحني اعمل ايه عشان التزييق ده ؟ ولا مفيش ضرر منه ؟

**samirayad** · 20-03-2009 05:50 PM

هى العربيه عندك مرفوعه من قدام كتير عن ورا .......وبرضه قوللى بتسمع التزييق أمتى بالضبط ساعة الفرمله الخفيفه وأنت بجرش والدركسيون عدل معاك مثلا ولا أيه النظام مع الوصف الدقيق للحاله.....