الموضوع: رابطة عشاق و مالكى فيات سيينا بجميع موديلاتها

السلام عليكم
أنا لسه عضو جديد وأمتلك سيننا 1600 موديل 2001 العربية الحمد لله جميله لكن الشئ السيئ فيها التوكيل غالى جداًَ وقطع الغيار بالمقارنة بالألمانى واليابانى متقاربة جداً .... المهم أن أستقرت أنى أعمل تغيير فرامل وطنابير والقطع الدورية زى البوجيهات بره التوكيل أما الأجزاء الخاصة بالموتور والتقنيات IC أعملها فى التوكيل أضمن المهم أننى الأن أعانى من مشكلة الحساس Knock Sensor فهو يعطى إشارة تهييس للـ IC مما ينتج عنه عدم إكتمال الإحتراق المناسب للبنزين وظهور رائحة إحتراق نيئ أى أنه غير كامل وإستهلاك للبنزين وأحياناً رعشه فى الموتور نتيجة تهييس هذا الحساس ... سؤالى هو هل يمكن تغيير هذا الحساس بنفسى وما هو سعر هذا الحساس وهل له تأثير سلبى على الموتور إذا لم يتم تغييره أرجو الإفادة لأنى زهقت من أسعار التوكيل المبالغ فيها ده غير أنهم بيفتحوا فى حجات تانية مابكنشى عامل حسابى ليها وكانت أخر موقف أننى ذهبت إليهم لتغيير خراطيم دورة المياة والأربة الخاصة بمياة الرداتير لكن المفاجأة أنه أثناء تغيير الخراطيم قال لى مهندس الصيانة أنها تحتاج إلى طرمبة بنزين مع العلم أنها تعمل بالكهرباء وسعرها 1800 جنيه ده طبعاً غير المصنعية المبالغ فيها جداً شئ سئ لما أدفع فى قطعة زى ديه هذا المبلغ ده غير تكلفة دورة التبريد
فى النهاية أتمنى الإفادة من الأخوة مالكى السيينا

شكرا لجميع الا عضاء على هذا المجهود العظيم
عندى سينا 2001 كان فيها سنتر لوك بس مش شغال كل لما اروح لاحد يقولى السينا مينفعش ليها سنتر متهيالى الكلام دا مش صحيح ياريت لو حد يعرف حد بيركب سنتر لوك للسينا يدلنى علية وشكرا للجميع

اهلا وسهلا عندك ميكانيكى متخصص فى السيينا فى القومية اسمه صابر بتيجى عنده عربيات كتير من السيينا ممكن تتصل بيه وتساله ورقمه ده 0163610448 وربنا ييسر

صباح الفل على الكل اعضاء ومشرفين
تجربتى مع تركيب انذار وولف للسيينا 1400cc مو2002
العربية اصلا فيها سنتر 4 باب
المهم رحت التوفيقية دورت شوية وسالت على الاسعار والمصنعية
وكانت الاسعار موحده 150: 160 جنيه + 40 مصنعية عشان العربيه فيها سنتر اصلا
المهم اخترت الانذار الميدالية وليس المتصل بالمفتاح لكبر الحجم ومشكلتى معه لما احطه فى الكونتاكت اخاف اكسره بركبتى (اصل انا طويل شوية)
المهم التركيب خد حوالى ساعة عشان الصنيعى شوية يروح يستلف مفك صليبه او تست وشوية يرد على التليفون وشوية يهيس ويرغى مع اصحابه وفى الاخر ركبه بس بلغنى انى محتاج اغيير الـ 4مكنات السنتر عشان عندى السنتر تقيل شوية وبلغنى انها غالية شوية
حبيت افدكوا بالموضوع

أشتريت يوم 20 - 9 - 2011 سيارة فيات سينا
موديل 2001 موتور 1600
قررت أعمل صيانة لها فتم شراء الاتى:
سير كاتينة أصلى 200جنيه
3 سيور 110 جنيه
فلتر بنزين 60 جنيه
فلتر هواء 35 جنيه
فلتر زيت 35 جنيه
طقم بوجيه كيا 1 شمعه 50 جنيه
جركن زيت 5000 سعره 120 جنيه
زيت باور 22 جنيه
خرطوم ضغط باور 110 جنيه
ساعه زيت 60 جنيه
بكر وشدادات كاتينه 280 جنيه
وسألت على صنايعى كويس لأنى مش عارف ميكانيكى بيشتغل فى السينا
المهم وصلت لمركز صيانه بجوار الكيلانى فى شامبليون م/ على
عنده صنايعى فاهم كويس فى السينا قام يأصلاح السياره أسمه شوقى
العربيه ماشاء الله بقت تمام
لما اشتريت العربيه سالت اصحابها مين بيعمل صيانه للعربيه اخبرونى ان فيه ميكانيكى فى ش العريش فى الهرم هو اللى بيعملها صيانه من ساعه ما اشتروها
والحمدلله انى ما اتعاملتش مع هذا الميكانيكى ليه
لقيته بيلصم العربيه فمثلا مكان ربط بكره الكاتينه القلاوظ مفوت الاخ الميكانيكى
بدل مايجيب خراط ويعمل جاويت علشان العيب فى مكان مهم (الكاتينه)
لقيته حاطط سلك مع المسمار زى تخشينه بالله عليكم كده ينفع
المهم الاسطى شوقى اتصل بخراط وجه وعمل اللازم وبقت العربيه الحمد لله تمام
فأنصح كل من يمتلك السينا السؤال كويس لمن يضع يده فى اصلاح السياره
وعلى فكره صاحب المركز خد منى مبلغ مناسب فى الصيانه والحمدلله