الموضوع: اللوجان لازم ترخص

المشاركة الأصلية كتبت بواسطة kamalabdelaziz

النهاردة فى أهرام الجمعة إعلان مستفز عن اللوجان:
56 ألف بسعر بلادها !!!!!!!!
وحاطين تحت الكماليات بتاعة الفول أوبشن مش بتاعة السعر ده ، وكان من الشفافية إنه يكتب أسعار المستويات الثلاثة وإمكانات كل منهم وذلك لاحترام عقلية القارئ.

والأدهى إن الـ 56 ألف ثمن العربية من غير حتى باور ستيرنج. دا لو أنا مكانهم كنت هاتكسف أنزل عربية من غير باور ستيرنج سنة 2009 وفى الوقت اللى مشروع إحلال التاكسيات بأخرى جديدة كلها هاتبقى بور ستيرنج.

دا غير السعر المبالغ فيه.... يعنى الحكومة ألغت الجمارك علشان صاحب التوكيل يحطها فى جيبه.
لأ
لأ
لأ
أنا لما أدفع جمارك للبلد هاأستفيد مها انا ولا غيرى بصورة غير مباشرة ، مثلاً رصف للدائرى ولا محاور جديدة ولا كوبرى.
لكن ياترى صاحب التوكيل هياخد هامش الربح الفظيع ده ويعمل بيه كوبرى مثلا بدل ما البلد مخنوقة.
من الآخر أنا ليا مصلحتى الشخصية أولا ثم مصلحة بلدى (فى حالة زى دى)

كمان أنا "مستهلك مصرى"
مستهلك : يعنى فيه سوق و منافسين وحقوق وإلتزام
ومصرى : يعنى ما حدش يستكردنى

يبقى اللوجان لازم ترخص
اللوجان لازم ترخص
اللوجان لازم ترخص

+11111111
كان يكتب ان سعر 56 ده من غير باور ولا تكيف

اللوجان لازم ترخص
اللوجان لازم ترخص
اللوجان لازم ترخص

ياجماعة هل السعر المعلن على موقع داتشيا المغرب دا هو اللي على أرض الواقع في المغرب؟

وبعدين تعالو بصو للموضوع من جهة ثانية

قارنوا سعر اللوجان الروماني في مصر وهي عليها جمارك 40% بالمغربي اللي معلهاش الجمارك دي

هتلاقو الكاملة فيها متفرقش كثير عن الكاملة المغربي
طيب فرق الجمارك راح فين؟

المشاركة الأصلية كتبت بواسطة tahanimassoud

أحب أضيف معلومة كمان أن السيارة فعلا مفيش عليها جمارك لكن عليها 10% ضريبة مبيعات + 5% رسم وارد والنسب دى واجبة التحصيل قبل الافراج على السيارة.

لو الكلام ده مظبوط
يبقى كل الناس دي هايصة على الفاضي وحدش فاهم حاجة

ومولد وصاحبه غايب