الموضوع: ياترى ايه اقصى سرعة وصلت لها بعربيتك البروتون؟

المشاركة الأصلية كتبت بواسطة MohabSaeed

حتى لو مايكل شوماخر نفسه
الفكره كلها فى معدل امان الطرق بتاعتنا و اسلوب سواقه الناس الى ماشيه معاك على نفس الطريق

حدي لحضرتك مثال
طريق المحور " قدام هايبر 1 " من بعد منزل المحور لحد اكتوبر
كل يوم و التانى تلاقى حادثه و كل يوم تلاقى عواميد اناره واقعه لغايه ما العواميد قربت تخلص من كتر الحوادث !! .
صديق ليا عمل حادثه فى نفس المكان و دخل فى عمود برده ب عربيه بروتون ويرا " بالرغم من انها ثابته جدا جدا " و هو متعود على السواقه السريعه 160 .. 170 و اكتر و بيسوق بقاله كتير .
كان ماشى 140" يعنى مش سرعه عاليه اوى كمان " و ميكروباص رمى عليه شويه فبدل مايهدى اخد غرزه .. عاديه .. من عربيه نقل قدامه , العربيه عومت و فقد السيطره عليها و دخل فى عمود و العربيه اتدمرت من قدام بس الحمد لله كل الى فى العربيه طلعو سلام بدون خدش واحد " و ده ستر ربنا " .
كان ماشى 140 مش 170 ولا 200 !!!
السواقه ملهاش كبير ولا محترف اى حد معرض انه يعمل حادثه و الاحتماليه بتزيد لما تمشى بسرعه اكتر بكتير من السرعه الى يستحملها الطريق و تستحملها عربيتك .

طريق زى الى قدام هايبر ده .. بيغرى الناس للجرى علاشان كبير و مفتوح " او كان مفتوخ قبل المطبات الى عملوها " انا مشيت فيه على 170 العربيه كانت بتتنطط بسبب مطبات الهوا و العالى و الواطى + ان الطريق نفسه مايل ل اليمين .
و عرفت ليه كل يوم عليه حوادث .

معك فى كل كلمة قولتها لانى المرة او المرتين الى مشيت على الطريق دة كانت محترم نفسى ومش بعدى ال 100
طبعا انت معك حق مش كل طريق ينفع انك تجرى فى
بس لو عايز تجرى تشوف طريق نضيف ومفيش فى عالى وواطى
يعنى مثلا لما تحب تجرى تنزل صلاح سالم من الكلية الحربية كدا لغايت النفق فى حدود الساعة 1 او 2 بالليل هتجيب مستريح 150 - 160 وعن تجربة ودة بردوا ميمنعش ان لازم يكون السواق عندة خبرة كبيرة

يعنى معنى كلامى لازم طريق كويس جدا
فى وقت متاخر
وسواق ماهر
وعربية محترمة
وبردوا يجرى فى حدود المعقول مش الارقام الخالية الى بنسمعها 220 - 230
وقبل كل دة دعاء ركوب السيارة

المشاركة الأصلية كتبت بواسطة mario248

Gen 2 A\T
215 Km\Hr
el sokhna new runway

بسم الله ماشاء الله ربنا يباركلك في عربيتك ياباشا ويكفيك شرها وشر الطريق بس كدة سرعة عالية جدا جدا و تعرضك للخطر والموت بأي لحظة لاقدر الله

المشاركة الأصلية كتبت بواسطة caveman

سوال مهم لية عاوز اشترى عربية جديدة وبسراحة ان بحترم الكورى ونفسى حد يرشدنى مع العلم كان عندى لانوس وعملت حادثة ومش عايز اجيبها تانى بفكر فى الابترااو البروتن او السيراتوبس مش لاقى موديل 2007 عجبنة شكلة قوى مع العلمامكانيتى المادية فى حدود 80,000 دلونى ولكمالاجروالثواب عندالله

انا راي ان انسب عربية في امكانيات حضرتك هي جن2 مانيوال فول اوبشن 2009 ممتازة جدا شكل واداء ز احسن من كل العربيات التقليدية التانية

المشاركة الأصلية كتبت بواسطة SAMER19901

بسم الله ماشاء الله ربنا يباركلك في عربيتك ياباشا ويكفيك شرها وشر الطريق بس كدة سرعة عالية جدا جدا و تعرضك للخطر والموت بأي لحظة لاقدر الله

على فكرة فى 8 فى الموضوع جيبين 200 مفرقتش من ال 15 كليو دول

المشاركة الأصلية كتبت بواسطة eslamwega

على فكرة فى 8 فى الموضوع جيبين 200 مفرقتش من ال 15 كليو دول

معك حق والله يحمي الجميع ويباركلهم في عربياتهم وأنا برأيي مافي داعي للسرعات الزائدة وان تصل متأخرا خير من ان لاتصل ابدا تحياتي لحضرتك