استهلاك البنزين

**souzoran** · 22-03-2009 03:17 PM

عربيتى نوبيرا 1500 ccعملت بيها على الطريق السريع 330 كيلو ب30 لتر بنزين 90 ومكنتش مشغل التكييف كده الاستهلاك كويس ولا كتير

**samirayad** · 22-03-2009 03:25 PM

العربيه عامله كام كيلو ......وأيه أخبار أستهلاك الزيت ....وحالة البوجيهات والفلاتر.................وحالة الشكمان والفرامل (محمله على الفرد وفيه سخونه ولا مفيش مشاكل )

**souzoran** · 22-03-2009 03:28 PM

العربيه عامله 58 الف ومكانتش محمله ولسه مغير بوجيهات واستهلاك الزيت كويس انا بحط موبيل وان

**samirayad** · 22-03-2009 03:38 PM

لا كده الأستهلاك كتير حبتين.....................ممكن تطمن أولا على قوة الشراره اللى رايحه للبوجيهات ......للأطمئنان على كفاءة البوبينا ........وكمان شيك على فلترى الهواء والبنزين الأول (علشان ده السهل أولا )........وياريت برضه تقول أيه أخبار الدواره معاك (من أول مره ولا أيه النظام ...علشان نستبعد الرشاشات أو لا ).....وبرضه العربيه مانيوال ولا أوتوماتيك

**souzoran** · 22-03-2009 03:47 PM

طب اطمن ازاى على قوه الشراره هى العربيه مانوال والدواره كويسه انا لسه مغير فلتر الهواء والبنزين بس فيه مشكله صغيره ومش عارف ايه السبب بدور الصبح من اول لمسه بس لما اروح بيها مشوار وابطلها وهيه سخنه واجى ادورها تانى بعد حوالى ربع ساعه بتاخد وقت فى الدوران وبتكون مبرجله شويه ولما ادوس سنه بنزين بتبقى كويسه وساعات كتير بشم ريحه بنزين نى من الشكمان انا وديتها لواحد عنده سكانر وقالى الحساسات كويسه ومفيش دخنه سوده