كيف يتم تغيير زيت الباور

**samirayad** · 24-03-2009 12:57 AM

طب لو العربية لانوس , و مش في الضمان , و زيت الباور واحد شافه قال لي متوسخ جدا جدا و عايز يتغير ؟

هو طبعا مفيش طريقه لتغييره واضحه قدامى......بس ممكن تعمل الآتى...............

_حل الخرطوم الرجع على تنك الباور وضعه فى جردل مثلا .......ودور المحرك بحيث يتم طرد الزيت كله فى الجردل........وبعد كده مون زيت من خلال تنك الباور .......ودمتم......ومتخفش مش حيحصل حاجه للطلمبه حتى لما الزيت اللى فى التنك كله يخلص (بس أول ماتحس أن التنك خلص الزيت كله وقف المحرك ).

_ على فكره أنا زيت الباور كله راح منى على الأرض من خرطوم الطرد بتاع الطلمبه بسبب أن الكوليه (القفيز ) كان محلول ........وحطيت زيت باور تانى وكله تمام من حوالى سنتين لأن البهوات مربطوش على القفيز كويس.....(والطلمبه أشتغلت للحظات بدون زيت )

.......

**hemeds82** · 29-03-2009 09:33 AM

طيب هو ينفع احط نوعين فوق بعض يعني الاول كنت حاطط زيت شيل ولما المستوي قل جبت موبيل لاني سمعت انة احسن( عادي ولا لازم انزل الزيت القديم)

**samirayad** · 29-03-2009 04:00 PM

المشاركة الأصلية كتبت بواسطة hemeds82

طيب هو ينفع احط نوعين فوق بعض يعني الاول كنت حاطط زيت شيل ولما المستوي قل جبت موبيل لاني سمعت انة احسن( عادي ولا لازم انزل الزيت القديم)

زيت الباور عامة لا يصنع فى مصر ....وكله من مصدر واحد تقريبا (وكل شركه بتشترى وتعمل تعبئه خاصه بيها )........بس أحنا علشان نبعد الشك عن أنفسنا ....بنلتزم بنوع واحد لشركه معينه (زى موبيل مثلا )

**mo7a_mo7a** · 14-04-2009 01:44 AM

انا مستمتع بمتابعة الحوار وتحياتي للجميع

وكل اللي اعرفه ان زيت البور لا يتسخ ابدا ابدا ولا يلزم تغييره لكن ككما قال الزملاء يمكن تزويده ولا يشترط النوع

**samirayad** · 14-04-2009 01:51 AM

ماشاء الله على حضرتك لاتعليق بعدك

شكرا لحضرتك

بس على حد علمى والتجربة الشخصية انه مش بيتغير ولا بيتصفى بيتزود بس

فعلا ده صح والمفروض لو الدوره سليمه مايتزودتش كمان ......ولكن بنتكلم كحاله عامه وعاوزين نغيره......لأن فيه زميل قال الكلام ده عن رغبته فى الغيار

طب لو العربية لانوس , و مش في الضمان , و زيت الباور واحد شافه قال لي متوسخ جدا جدا و عايز يتغير ؟

..........وكمثال لذلك ....ممكن يكون خرطوم السحب على الطلمبه اللى جاى من التنك......القفيز بتاعه مهوى شويه وفيه جو به غبار....وطبعا حيدخل فى الحاله دى هواء محمل بالغبار ويوسخ الزيت وهكذا......أو حصل فصل فجائى لخرطوم السحب فى جو به غبار والطلمبه شغاله.....أذا كل شىء وارد

**samirayad** · 14-04-2009 07:59 AM

زيت الفرامل المفروض مايتتذودش طالما المقاس مظبوط من البدايه على علامة الmax وقت تغيير التيل مثلا....وطالما مفيش تسريب فى دايرة الفرامل أو الدبرياش (ياعنى لو الدايرتين تمام ...راقب الزيت بس فى التنك ).........لأن نزول مستواه مع الأيام بيديك دليل على أن التيل بالسلامه.......وهنا بتعرف أنك عاوز تغير تيل ........................

_ زيت الباور...خللى مستوى الزيت فى التنك على علامة الmax .....

....وراقب الآداء وخلاص......وكده أنت فى الأمان

**waleed_home** · 10-05-2009 08:39 PM

المشاركة الأصلية كتبت بواسطة samirayad

شكرا لحضرتك فعلا ده صح والمفروض لو الدوره سليمه مايتزودتش كمان

استاذ سمير انا عندى زيت الباور بينقص من max الى min كل 3 او 4 شهور وكنت بقوم بتزويده وفاكر ان ده شىء طبيعى
فهل معنى كده ان فيه تسريب ؟ واذاى اقدر اعرف مكان التسريب ده؟
وسؤال كمان ايه راى حضرتك فى زيت باور mag ?

**samirayad** · 10-05-2009 11:19 PM

استاذ سمير انا عندى زيت الباور بينقص من max الى min كل 3 او 4 شهور وكنت بقوم بتزويده وفاكر ان ده شىء طبيعى

لا هو كده مش طبيعى يابشمهندس : وليد.....لأن دورة الباور دوره مغلقه والمفروض الزيت ماينقصش لو هى محكمه تماما

فهل معنى كده ان فيه تسريب ؟ واذاى اقدر اعرف مكان التسريب ده؟

نعم ....كده فيه تسريب ويمكنك الوصول اليه كالآتى

_ راجع رباط جميع قفزان خرطيم الباور فى كل الدوره وخصوصا طرد الطلمبه

_ أكشف جيدا على وجود تسريب من أى كمان ( أويل سيل الطلمبه - غطاء التنك مش مربوط كويس _ تسريب من أويل سيل علبة الدركسيون أو من الرنج السفلى للعلبه _ أكشف على جوانب الأسكترا ...وهكذا )

_ بس أبدأ بالسهل الأول وهو رباط القفزان جيدا وظبط المقاس وراقب الآداء..........

وسؤال كمان ايه راى حضرتك فى زيت باور mag ?

.

النوع ده سألت عليه فعلا وبتوع الزيت قالوا عليه كويس .......وفيه ناس متخصصه قالتلى بالفعل أن زيت الباور كله زى بعضه والأختلاف فى طريقة التعبئه والتسويق........وأنا شغلته عندى بالفعل ( لأننى كنت مضطرا وقت نزول الزيت كله عندى مره واحده ) وكان موجود عند زميل لى بعد صلاة الجمعه وكله قافل ......وشغال عندى من زمان ( حوالى سنه ونصف )..........................................

_ ولكن للأمانه لو كانت الفرصه متاحه للشراء وقتها ....كنت حشترى بتاع موبيل ( لأن الشركه سمعتها معروفه فى السوق )..........................

_ ولكن مفيش أى مشكله من زيت ماج معايا والحمد لله ..........وده بيأكد كلام بتوع الزيت ( أن كله واحد ......بس كل شركه بتشتريه عبوات كبيره وبتعبيه تحت شعارها من أجل التربح )...............هذا والله أعلم