[نقاش] كيف ننهض ببلدنا وشعبنا ؟

**Abo_Lina** · 27-03-2009 01:40 AM

ماينفعش اقول أنا هابدأ بنفسي و اعمل كذا لأن إحنا عايشين في مجتمع..

لازم المجتمع كله يكون متحد تحت فكرة أو مشروع معين للنهوض بالبلد و يكون فيه برامج لإشراك الجميع في تحقيق هدف و ننسى كلمة الريادة و الهجص ده و نبدأ نتطور و نحاكي أو حتى نقلد مشاريع دول ناجحة و مش عيب أبدا إني أقلد حد ناجح..

بس المشكلة في ناس عاجبها الحال كده إما بسبب إنهم مستفيدين بشكل ما من هذا الوضع أو بسبب جهلهم..
يا راجل قنبلة ذرية و ريح دماغك

**medo55** · 27-03-2009 01:44 AM

ههههههههههههه لا مفيش قنبله ذريه ولا حاجه

طيب حلو كلامك , تعرف انت ممكن تفيد بلدك في تمنيتها بايه ؟

تكون مصلح اجتماعي :d ( ايون بس مش ترقيه والله )

لكن ممكن تحث الي حواليك في المجتمع انهم يعملو حاجات صح ويبعدو عن الغلط وانهم يبدأو يعملو حاجات انت شايف انها ممكن تفيد المجتمع والبلد وتساعد في النهضه ؟

**Abo_Lina** · 27-03-2009 01:55 AM

برضه كده هايبقى عندنا أفراد صالحين مش مجتمع صالح
و عاجلا أم أجلا الناس دي هاتزهق
و ما أكتر الجمعيات الخيرية و منظمات عمل اجتماعي و لكن يظل تأثيرها محدود و نتائجها غير ملموسة..(مش لعيب فيهم و لكن الموضوع اكبر منهم..

**medo55** · 27-03-2009 02:02 AM

الجمعيات دي مبئاش ليها نشاط كبير زي ما ابتدت , يعني لو تفتكر رساله اول ما بدأت اقرب مثال كان نشاطهم ازاي
ولا جمعية صناع الحياه

الشعب محتاج تغيير , شوفت اسراء عبدالفتاح , بنت بس ب 80 مليون مواطن حاولت تاثر في 70 الف عالفيس بوك

بس محتاج ( ثقه في الله انه هيساعدنا - ثقه في النفس انها هتقدر وتصبر - وعزيمه واراده انك تكمل )

لكن الفكره نبدأ منين والناس تبدأ منين !!!

**mahmoud_magdy** · 27-03-2009 02:30 AM

الموضوع كبير اوي عشان ننهض بنفسنا
وعلشان نكون دوله قويه وفيها قدر من العلم لازم اننا نهتم بالعلماء
العلماء اللي لو قدرناهم هنعمل تغيير في بلدنا كلها بجد
العلماء اللي بينجحوا بره مصر واللي في الدول الاجنبيه ليهم تقديرهم واحترامهم وهنا في مصر لا حياة لمن تنادي
الارتقاء بمستوى التعليم والمدرسين ودكاترة الجامعه والمعيدين
دول اول الخيط اذا بدأنا نهتم بالناس ديه اكيد المجتمع هيتغير
محاربة الفساد وليس تنميته
حب الوطن وليس الميول للهجره
توفير حياه كريمه للمواطن لكي ينشئ اطفال لهم مستقبل واعد
توفير فرص العمل وزيادة الرقعه السكانيه
النظام ثم النظام ثم النظام
والتربيه قبل كل شئ
طبعا كل الكلام ده تقدرو تقولو عليه من كتب المدرسه مثلا او موضوع تعبير لكن لكل خطوه من دول معنى اتمنى انو يجي يوم من الايام ناس بتهتم بالبلد وبتحبها وترتقي بيها وتجعلها بجد بلد الامن والامان مش بس كلام
نفسي تحصل نقله لمصر من تتطور واحترام وهدوء وخلافه
من الاشياء الايجابيه
يا ترى ده حلم !!!

**medo55** · 27-03-2009 02:54 AM

حلم محتاجين نحققه ,

الي بيتدي يبني برج 120 دور بيبدأ الاول بالدور الارضي , بل بيبدأ من تحت الارض (الاساس )

يعني خطوه خطوه

احنا محتاجين الاول نحدد بشكل دقيق الخطوات والمطلوب علشان نبدأ ننفذ حاجه حاجه
مش محتاجين افكار مجمله , محتاجين حاجات تفصيليه

يعني مثلا بتقول ننهض بالتعليم ونطوره , طيب قولنا ايه هي نظرتك للتعليم وايه هي الحاجات الي لو عملناها هيتصلح التعليم

يمكن ربنا يقدرنا ونوصل صوتنا على الاقل للمسئولين بدل ما هم بيخبطو كدا كل شويه بقرار مالوش لازمه , او يمكن الدكاتره الي معانا في المنتدى يساهمو بافكارك :)

أتمنى ان الموضوع دا يكون بدايه جيده

**Mostafa.Mahran** · 27-03-2009 03:57 AM

انسسسسسسسسسسسسسسسسسسسسسسس سسسسسسسسسسسسسسسسسى

**samo9992003** · 27-03-2009 04:15 AM

موت ياحمار

**zobaaa** · 27-03-2009 07:14 AM

السلام عليكم
دا رايي ويارب ما يضايق حد
المصريين خير اجناد الارض
بمعنى المصريين مبيفكروش بينفذوا الكلام كويس انما هوا ميفكرش
واحد يقولي غلط كلامك اقولو عندك حق
انا قصدي انهم بيفكرو كويس على المستوى الفردي انما على المستوى الجماعي احنا مبنقدرش نوصل لفكر جماعي لازملنا قائد ونشتغل تحتيه كجنود

وبالتالي الحريه اللي احنا(انا 1. شايفها حريه 2. حريه اكتر مما نستحق) فيها دي بوظتنا احنا محتاجين سخره وكرباج يا امل وخطه يضعها قواد هذه البلد مع اني بميل لحل الكرابيج عشان كلوا يمشي عالعجين وميلخبطوش

عذرا للاطاله واكيد ناس كتير هتختلف فالراي معايا بس بلاش تجريح ونتحاور كناس كويسين

**Terrible_DaRsH** · 27-03-2009 07:20 AM

احنا نجيب جهاز كشف السفالة وقلة الادب و الخيانة و و و و و ...

ونحط كل واحد تحت الجهاز ده ..

واللى نسبته تقل عن 70 % نولع فيه على طول :)

تقريبا مش هيتبقى غير كام واحد بس وممكن يموتوا مشلولين من النتائج :)