الموضوع: [نقاش] كيف ننهض ببلدنا وشعبنا ؟

السلام عليكم ورحمة الله وبركاته

انا جه في بالي سؤال بما ان ما شاء الله المنتدى يحتوي على عدد لا بأس به من المثقفين ( معظم المنتدى دكاتره وتجاريين ومهندسيين وتخصصات تانيه عظيمه ) يعني باختلاف المنتديات التانيه كلهم اطفال

المهم السؤال في عنوان الموضوع ازاي ننهض ببلدنا ؟

شوفتو ايران ؟ بعد كل الضغوط الي عليها والعقوبات الامريكيه عليها ومعاداة الرأي الدولي ليها ولكنها في فتره قليله جدا عملت حاجات كتير

صنعت 14 قمر صناعي وبعتتهم على قمر واحد في وقت قياسي
صنعت دلوقتي عربيات , وان كانت بتعتمد على تقنية بيجو في المواتير الا انها انجزت حاجات كبيره في العربيه
عملت محطه نوويه وفي طريقها لانشاء قنبله نوويه

تفتكرو هي عملت كل دا في الكام سنه دول ازاي ؟


طيب احنا فين من كل دا ؟ يعني مثلا لو احنا فكرنا شويه ونفذنا ممكن نوصل زيهم في وقت قياسي كدا ؟ ولا ايه

لازم احنا نبتدي نفكر , باما ان حكومتنا النظيفه والرشيده مابيفكروش في اي عمل تنموي لينا يوصلنا لمرحله متقدمه


قال تعالى
{لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللّهِ إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ} (11) سورة الرعد


فياريت كل الي عايز ينمي البلد بتاعتنا يفكر ويشاركنا بافكاره , ايه الي ممكن نعمله ؟؟؟

يعني عمرو خالد , كان بدأ مشروع تنموي كويس لكن اعلن توقفه في مصر ودا اكيد بسبب اوامر عليا

دلوقتي ايه هي الحاجات الاساسيه الي ممكن نعملها ونبدأ بيها علشان يكون فيه تنميه ونهوض بالبلد ؟

أكيد يا باشا اننا نبدأ بنفسنا في شغلنا ,

وكمان نعمل حاجه ايجابيه في مجتمعنا

يعني مفيش مانع مثلا من اني اكون شغال الصبح وبعد الشغل مثلا او في يوم الاجازه اشترك مع جمعيه خيريه اساعد الناس في انشطه اجتماعيه , او بلاش اي جمعيه انت ممكن تفكر في نشاط تعمله انت لوحدك او انت واصدقائك ننفع بيه المجتمع

فعلا احنا محتاجين لافكار نعمل ايه وازاي , وان شاء الله في شعب مصر خير كتير ومحتاج بس الي يحطه على اول الطريق :)