الموضوع: " أختبار تصادم لانسر بومة و شارك "

المشاركة الأصلية كتبت بواسطة midnightman_74

الصاج عامل زى ورق البفرة

كل العربيات دلوقت بتنزل بحاجة اسمها Crumble Zones و دى مناطق ضعيفة عن قصد فى صاج العربية المفروض ان الصاج فيها ينهار تحت ضغط معين (اللى هو بتاع قوة التصادم فى الحوادث ربنا يكفينا شرها)
و سبب ذلك هو ان المناطق دى (مثلا الكبوت و الرفارف و حوض الموتور فى حالة التصادم الأمامى) تتعجن زى ما بيحصل فى الفيديو و ذلك بغرض امتصاص قوة التصادم بالكامل فيبقى صالون العربية و الركاب فى امان بعيدا عن خطر الحادثة
طبعا الحكاية دى ممتازة و لكن للأسف فى الخارج لأن لما ده بيحصل ممكن يغير ربع ولا نص العربية بالكامل بسعر معقول و عندهم الحكاية دى مش بتعيب العربية ، و لكن فى مصر المبدأ ده (سلامة الركاب على حساب العربية) مكلف جدا و بيعيب العربية فى حالة اعادة البيع ، و لذلك اللى بياخدها بتوع سيارات الحوادث و غالبا بتتقطع و تتباع الأجزاء السليمة منها