طيب الحمد لله
ابقى طمننا
عرض للطباعة
عمرو باشا ... الحمد لله ان الفلتر تمام
انا كمان لما رحت مركز الصيانة , بصينا على الفلتر و لقينا الامور كويسة (بس انا كنت مغير زيت قبلهم بره من 15 الف حتى ال 25 الف, و كنت حاطط 3.3 لتر) و الزيت الجديد بتاعهم ماشى عليه بقالى الفين بس...ز فهشوفه كده, بس انا ناوى انزل الزيت الزيادة.
اهم حاجة الاداء اخباره ايه؟
بخصوص موضوع الزيوت ... فضلت اتناقش مع مهندس احمد عبدالوهاب عليه كتير جدا و توصلنا للاتى:
1- العميل اللى عايز الزيت الزيادة فقط يبلغ المهندس و هو بيسلمه العربية.
2- بخصوص العبوات اللتر و العبوة ال 4 لتر... هما متاح فقط عندهم العبوة ال1 لتر, لكن العميل ممكن يجيب معاه العبوة ال 4 لتر شرط انها تكون موبيل 1.
3- بخصوص كمية الزيت لموديلات 2008, م/احمد مقتنع بموضوع ال 3.4 لتر و ال 0.3 لتر الزيادة علشان التبخير و تعريق الزيت ... لكن هو قال لى حد عاوز يحط 3.1 بالظبط, بس بيبلغ المهندس اللى هيستلم منه العربية, و ساعتها بيحاسب على سعر 3 لتر زيت بدل من 4.
--------------------------------------------------
الصورة الجاية دى لكتالوج التريوس 2008, مكتوب فيها ان العربية بتاخد 3.2 لتر بالفلتر
http://www.postimage.org/aV1KxSXA.jpg
و المعلومة الجاية دى انا شفتها هنا, و سألت عليها و متأكد منها مليون%:
التريوس بيتحط لها 3 لتر فقط ... و يوم الخميس و انا هناك, ابن خالتى كان بيغير زيت لعربيته فى نفس اليوم, و حاسب على 3 لتر بس
مدام العميل يقدر يجيب معاه الزيت يبقى ليه شرط موبيل1 ؟ افرض عايز اجيب نوع بنفس المستوى زى شيل مثلا ؟؟!
انا شايف ان ده تضييق على العميل ليس له اى مبرر !!
طيب انا ممكن اجيب جركن موبيل1 فاضى واعبيه زيت شيل مثلا وساعتها حيغيروه ....بس ليه اللف والدوران ؟...الوضوح حلو !!
رد استشارى ميكانيكا نايل موتورز في أحد المواضيع التي تخص زيادة منسوب الزيت
" زيادة المنسوب تودى الى زيادة فى الضغط داخل بلوك المحرك و قد تؤدى الى تسريب زيت المحرك من اويل سيلات الكرنك و/او الكامة و فى بعض الحالات قد تكون الزيادة فى الضغط سببا فى زيادة كمية الزيت التى تلقى على جسم الاسطوانات مما قد يسبب تسريب من شمبر الزيت الموجود على المكبس و قد يصل الزيت الى غرفة الحريق
الخطر الاكبر يتمثل فى زيادة مستوى الزيت الى الحد الذى تصتدم فية اذرع التوصيل (البيلات) بالزيت الموجود فى مجمع الزيت (الكارتير) مما يسبب صدمة هيدروليكية لاذرع التوصيل فى كل لفة لعامود الكرنك قد تؤدى الى تلفة "
استشارى المنتدى
الأخ مهاب سعيد الله يجازيه خير ذكر الحل في نفس الموضوع في ردهِ :
" فى كل محطات شل عندهم مكنه بتسحب الزيت من الموتور بدون فك الطبه
* كان عندى زياده كبيره فى منسوب الزيت فى عربيتى روحت محطه شيل امام جامعة الازهر . و الفنى هناك شال مقياس الزيت و حط انبوب رفيع جدا مكان المقياس و شفت حوالى نص كيلو زيت زياده ... ربنا يسامحه الميكانيكى الى عمل العمله ديه , اولا لان ده غلط جدا على الموتور و بيبوظ الجوانات "
المكنة دي يا عمرو موجود في محطات بنزين كتير
اللي هيا بتسحب الزيت بدل ما تفك الطبة فعلا
أنا كنت امبارح فى مركز الصيانة
كنت بعمل 3 حاجات:
1- الدركسيون بيلف فى حتة اكتر من التانية
2- دواسة البنزين تقيلة ( ده بعد تجربة سيارات عمرو باشا و د. محمد) و عمرو عمارة لاحظ الموضوع ده فى عربيتى كمان
3- انزل الزيت الزيادة
اول نقطتين هتكلم عنهم فى موضوع تغيير العلبة لكن بخصوص الزيت الزيادة
طلبت من مهندس ماجد ان الزيت الزيادة اللى هينزل, ينزلواه فى جركن زيت علشان بعد لما ينزل الزيادة نقيس و نشوف لو محتاجين نزود علشان نبقى عن الكمية المظبوطة بالمقياس... و اكدت عليه كذا مرة و هو أكد لى انه نبه عليهم فى الورشة.
اللى حصل كان حاجة غير متوقعة جدا من استاذ سيد ابوالنصر (chief Technicians).
انا قاعد فوق فى الاستراحة و بتفرج على العربية مع أ/ياسر, لقيته برضه هينزل الزيت فى المصفى بتاعتهم (يعنى الزيت فى عداد المفقودين خلاص) ... نزلت بسرعة لمهندس ماجد, هو دخل بسرعة عليه الورشة, و فضل ينادى عليه, و هو مطنشه و مصمم يعمل اللى فى دماغه, غير كده لما وصل له الاستاذ سيد رفض تماما انه ينزل الزيت زى ما انا طلبت, و كان السبب بتاعه ان الزيت سخن و صعب جدا ينزل فى جركن.
ببساطة شديدة كان يقدر يستخدم قمع, و يحط الجركن تحت العربية بمسافة معقولة و الفنى يفتح الطبة, ينزل لتر زيت او 0.75 لتر مثلا و بعد كده نقيس.
لأ ده كمان, بعد لما خلص مشافش المقياس, و نزل العربية من على الكوريك, بالرغم ان كان بقالها فترة فوق, يعنى كان ممكن يقيس و يرفع تانى و ينزل الباقى ... و ده كان سبب اننا نستنى حوالى ساعة الا ربع لحد اما العربية تبرد شوية علشان نشوف المقياس.
طلعت لمهندس احمد عبدالوهاب, و هو قالى متقلقش, هديك زيت من عندى جديد.
انا بس لما شفنا المقياس, و لقيت لسه برضه فوق ال max , قلت ملهاش لازمة.
العربية بعد سحب كمية من الزيت بقت "فايقة" اكتر, استجابتها و سحبها احسن.
إن شاء الله هروح اى بنزينة و انزل الكمية الباقية و اوافيكم بالتفاصيل بعد اما ننزل الزيت الزيادة.