أحمد سمير باشا.....أنا ممكن أجيلك بالعدة ونعمل الموضوع ده سوا:shine[1]:
عرض للطباعة
أحمد سمير باشا.....أنا ممكن أجيلك بالعدة ونعمل الموضوع ده سوا:shine[1]:
طبعا انا مش لاقي حاجه اشكرك بها يا عمرو بجد
غير انك من اكتر الناس المحترمة في المنتدى بجد
وسبحان الله طلع الموضوع له تفسير برضه
علشان الناس اللي زعلت لما قولت كده وقالتلي هو لازم كل حاجه يطلع فيها حاجه مش فاهمينها
ما هيا المشكلة يا عمرو اني اكلم حد من مهندسي التوكيل وافهمه اني مش فاهم
يعني انا لحد الآن مستغرب ازاي اعتقد ان الصنايعيه اللي في التوكيل ممكن يحطوا زيت في عربيه بقياس من عندهم وده ليس تبرأءة انهم ميه ميه
ولكن في حاجات اساسية زي تغيير الزيت كده صعب انهم يعملوه من دماغهم
بصراحه العشوائية موصلتش للدرجة دي
لأن اللي انا اعرفه كويس ان اي تعليمات زي دي بتبقى مدروسة ومحددة من المهندسين
وفي النهاية شكر كبير لمجهودك يا عمرو وربنا يبارك فيك
الله يعزك يا أبا عبدالله
مما لا شك فيه إن التوكيل مدان في هذا الموضوع لأنه لم يفرق بين موديلات 2007 و2008 وإنت طالع
عندك إنت يا أبو عبدالله مكتوب 3.6 لتر......فلو حط 0.1 أو 0.2 لتر زيادة مش هتأثر أوي ( مع إني شايف 0.2 لتر زيادة كتير برده )
إنما في 2008 مكتوب 3.1 ويحط زيادة 0.9 لتر!!!.....ده شىء مش مقبول تماماً
الله يخليك
بس انا مش فاهم الزيادة دي ايه يا عمرو
التوكيل مش بيحط 4 لتر طبعا
التوكيل بيحط 3.6 لتر عندي في عربيتي
وانا شوفتهم مره وهو في العلبة الرابعة بيزود مش حطها كلها
اما في المواتير 1500 سي سي فأنا مش فاهم ليه الزيت بأقل
والغريب ايضا ان انت عندك في الكتالوج مكتوب ان الماتور 1300 سي سي برضه 3.1 لتر
مع انه نفس ماتورنا
ورد انجلترا بتاع معاذ جزاه الله كل خير عليه
بيقول وبيأكد ان الماتور 1300 سي سي بياخد برضه 3.6 لتر برضه
اما عن ان التوكيل بيحط في الماتور 1500 سي سي كام لتر فده لا أؤكده ولا أنفيه لحين التأكد
أنا نسيت أذكر إن إحتمال تكون سعة الكرتيرة في موديلات 2007 أكبر من مثيلاتها في موديلات 2008 على نفس الموتور الـ1300 وده يمكن الي يفسر إختلاف الأرقام في الكتالوج لأن أنا قستها بنفسي.....لما سحبت في الأول 0.4 لتر وقست الزيت كان لسة فوق علامة الـMax وده من المفترض إن يكون في الوقت ده في العربية 3.5 أو 3.6 لتر زيت.....فمعتقدش إن الـ3.6 لتر الي مكتوبة عندك أو الي ذاكرها دايهاتسو إنجلترا تمشي مع موديلات 2008 خصوصاً إن القراءة عندك مضبوطة
يا إما بقى الـVersion بتاع موتور 2008 مختلف عن 2007
فكره برضه موضوع حجم الكرتيره دي
لأن ممكن يكون علشان المواتير 1500 سي سي اكبر حجما وفي نفس الوقت هما ملتزمين بنفس حجم الحوض في العربيه
وخلي بالك انه في الأساس العربيه كانت مصممه للماتور 100 سي سي والماتور 1300 سي سي
ونزلوا الماتور 1500 سي سي بعد التصنيع بسنتين
يعني اظن انه مكنش معمول حسابه اصلا
بس انا عاوز اعرف انت لقيت عندك الزيت كام بالظبط
انت سحبت الزيت ده ومرجعهتوش تاني ؟؟؟؟