باركولي انا استلمت عربيتي اللوخان

**eng.khater** · 29-03-2009 10:42 AM

الف مبروك و ربنا يكفيك شرها و اختيار موفق

**hoka13** · 29-03-2009 11:00 AM

أولا الف شكر ليكم جميعا علي مشاركتكم ليا في فرحتي
بالنسبه للميزات والعيوب فانا مش هاقدر احكم عليها دلوقتي خالص لان اصلا لسه مارخصتش ومش عارف اتحرك بها خالص
لكن ممكن اقولكم عل شوه انطباعات مبدئيه عنها:
- العربيه سحبها حلو جدا وموتورها ماتسمعش صوته ودواسه البنزين باللمس يعني انا حمايا معاه بيجو لما جرب عربتي ما كنش عارف يطلع بيها :) وكمان واحد صاحبي معاه اكسنت 2003 لما ركبها ما كنش عارف يسوق عربته بعدها
- العربيه تقفيل روماني وطبعا مش هتلاقي عيوب فيه يعني انا كنت عايز اشتر البريليانس frv بس فعلا لما تشوفها تحس انها صيني
- طبعا الصالون واسع جدا والتابلوه فخم ورقيق اما الشنطه فالوحد ممكن ينام فيها :)
- شنطتها عاليه وده بيدايق شوه في الركنه
- الفرامل مش ِABS :(

واي اسئله تانيه انا تحت امركم

**mhoss** · 29-03-2009 11:22 AM

ألف مبروك ورزقك الله خيرها و كفاك شرها ....و مستنين الصور

**وائل عطية** · 29-03-2009 11:24 AM

ألف مبروك وربنا يباركلك فيها

**Michael_Lanos** · 29-03-2009 11:35 AM

مبروك عليك يا غالى وربنا يباركلك فيها ويحميك ويكفيك شرها ويبعد القطط والكلاب عن الكابوت بتاعها

عاوزين نتفرج على الصور بقه ظبتنا يا مان

**hoka13** · 29-03-2009 11:54 AM

المشاركة الأصلية كتبت بواسطة haany_ghazy

مبروك عليك العربية وإن شاء الله تكون خير عليك
وربنا يديك خيرها ويكفيك شرها
انت استلمت المغربى ولا الرومانى

بس ياريت تؤل لينا اخبار العربية اية معاك
اية المميزات و العيوب
اية اخبار التكيف وتاثيرة على سحب العربية
التقفيل
وارجو منك نصائح الاستلام وما يجب التشييك عليه
لانى انا كمان حاجزوإن شاء الله هستلم فى 9

التكييف حلو بس مش قوي قوي وفه حاجات اقوي منه وده طبعا اعتقد لان العربيه اوروبي وهما هناك مش بيحتاجه للتكييف العالي قوي وعلي العكس الاهتمام بالشبوره عالي قوي زي الزجاج الخلف الحراري وكمان فيه فتحات موجوده ف التابلوه قريت ف المانيوال انها فتحات لازاله الضباب

بالنسبه للاستلام فاولا انت لازم تلف علي العربه من بره علشان تتأكد انه مافيش حاجه مخبوطه او مطبقه (ودي حصلت مع واحد صاحبي) وتحاول تشغل كل حاجه في العربيه زي التكيف والانوار والمساحات والكاسيت .... يعني انا بعد ما مشيت لاحظت ان لمبه الصالون بتعلق (هي المفروض بتنطفي واحده واحده بعد لما تقفل كل الابواب بس انا كلمت الصيانه وقالولي هاتها واحنا نعملها مافيش مشاكل)
تأخد بالك من الاكسسورز اللي مع العربيه يعني انا استلمت معاه (الكتالوج ، جراب لحفظ وش الكاست، طفايه سجاير بتتحط في حامل الاكواب ، الاستبن ، وشوش العجل واللي بكون عليه علامه رينو، ومفتاح العجل ، ووير بتاع السحب ) معرفش بقي لو فيه حاجه تاني زي مثلا الدروسات الاصليه او غطاء للسياره او لأ

**eng.khater** · 29-03-2009 12:00 PM

الف مبروك و ربنا يعطيك خيرها و يكفيك شرها
بس انا كنت عايز اعرف الكنبية الخلفية 3 مسند راس و 3 مكنة حزام ولا 2 مسند راس و2 مكنة حزام وواحد الي في النص بدون مكنة

**hoka13** · 29-03-2009 12:07 PM

المشاركة الأصلية كتبت بواسطة amr123

مبروووك يا جميل ...عقبال الميجان إن شاء الله
و واهلا بيك فى وسك اللوجانوية

مع تحياتى
لوجانوى قديم :)

شكرا يا باشا وعايزين نستفيد من خبرتك مع العربيه واعمل اه في التليين ومواعيد الصيانه

وعلي فكره انا شغال system Eng. زيك يعني مهنه واحده وعربيه واحده :)

**bassem.naguib** · 29-03-2009 12:12 PM

ألف مبروك على العربية .. وربنا يديك من خيرها .. ويكفيك شرها .

بس معلش أنا ليا شوية أسئلة لأن العربية دي في دماغي ..
1) هل فيه فرق جوهري ما بين العربية الروماني والعربية المغربي (غير التقفيل طبعاً وإن وجد الفرق جامد) .
2) أخبار أسعار قطع الغيار ايه ؟؟ غالية ولا في المتناول .. ولا غاليه وبتعيش .. ولا زي الكوري تقريباً .
3) الكاسيت سي دي أم بي ثري ولا تراكات .
4) هل يمكن فتح الشنطة وتانك البنزين من الداخل ولا لازم بالمفتاح .
5) فيها سنتر بالريموت ومعاها انذار ولا لآه ..

أرجو مكنش طولت عليك .. شكراً