انا معايا ياريس من اكتوبر 2007 اتوماتيك فول اوبشن (مع سبويلر) وماشي بيها 40 الف والعربيه فعلا حلوه جدا
المميزات
1- تسارع رائع ( قفلت العداد على طريق العين السخنه يعني جبت 200 كيلو وده رائع بالنسبه لعربيه 1300 اتوماتيك) ومشغل التكييف وراكب 3 في العربيه
2- فرامل وايه بي اس وايه بي دي عاملين فرق فعلا (بلعب بيهم كتير على الرمل)
3- باور ستيرنج ممتاز
4- تكييف ممتاز
5- استهلاك جيد جدا للبنزين
العيوب
1- اكصدامات ضعيفه جدا جدا لو شبكت في اي حاجه وانت ماشي الاكصدام هيتخلع , ولو حد خبط فيك من ورا لازم الاكصدام يتقطع.
2- العرض الداخلي للعربيه مش حلو خصوصا الحته بتاعت الركب والقدمين وديه بتعمل مشكله للطوال اللى زي
فيه نصيحه احب اقولها للياريساويه. اول ما تسمع صوت صفاره في الفرامل روح غير التيل على طول عشان بعد الصفاره ما بيقعدش كتير ولما تروح التوكيل بيقولولك لازم تغير الطنابير وديه ب 1400 جنيه.
وربنا يبارك لكل ملاكها
المفضلات