تنصحوني بإيه ؟؟

**Karim_Monir** · 11-09-2007 05:41 PM

انا انصح بالزيوت التخليقية دائما للحفاظ الاكتر على الموتور
اما اغيرة عند 7 بحس انه رمي فلوس في الارض طالما زيت بيقعد 10 و 12 كفاية علية 10 واغير
الزيوت النص تخليقية لا احبذها ممكن تفع في الاماكن الترابية بشدة والاقاليم لكن انا افك فلتر الهوا كل الفين تلاتة انضفة كويس والدنيا تبقي زي الفل مع مراعة اللزوجة
موبيل حلو وزي الفل بس بيعلى صوت الموتور بطريقة ملحوظة ده بافتراض اني هاجيبة من التوكيل مباشرة مش من اي موزع تاني لاني لا اثق بهم تماما من اللي شوفتة وكتبت ده في تجربتي قبل كدة
شل بينزل زي الفل من العربية كانك لسه حاطة جديد ولزوجة زي الفل عن تجربة 3 مرات على مدار 30 الف كيلو قطعتهم بالريو في 10 شعور تقريبا
نصيحة اخيرة خليك على صيانة العشرات عشان هيا اللي فيها الصيانات المهمة زي الفلاتر اللي على 20 وبعد كدة 40 والصيانة الكبيرة على 60 وهكذا
هذا رايي

**hamada2010** · 12-09-2007 06:57 PM

هو ليه التوكيلات كلها بتنصح بالتغيير عند 5 الاف دايما

والله أنا مش عارف حضرتك بتغير الزيت فين ولكن مستحيل أى توكيل يقولك حط موبيل 1 او شل الترا

من الا بيقعدوا 10000 كم غير فى ال5000 كم الا اذا كان لا يوجد ضمير تماما فى مجتمعنا

او بتغير زيت تانى خالص غير الا بيقعد 10000 زيت مخصص انه يشتغل 5000
والله اعلم

انا بصراحه كنت عامل كده مع النوبيرا من يوم ما جت والعربيه بصراحه ماتورها ما شاء الله لحد الان كل اللي يركب العربيه يشكر جامد في اداء الماتور والعربيه عامله دلوقتي 85 الف وانا بغيير عالطول موبيل وان من يوم ما جت وكل 5 الاف كيلو مع فلتر

حرام عليك فلوسك ياراجل أنا خالى كان معاه نوبيرا وبيغير موبيل 1 كل 12000 كم
وكان الزيت زى الفل وهو كان بيروح توكيل دايو ابو غالى الا فى العبور
وروحت معاه مرة وقابلت مهندسين الا هناك
وقولت استهبل واعمل نفسى عبيط لما اشوف عندهم ضمير ولا معندهمش

بسأل المهندس الا ستقبال لو ضفت زيت موبيل 1 دلوقتى اغيره فى السبعة

تصدق قالى ايه :::: قالى لا طبعا ولا فى 8 ولا فى 9 كمان
ومفيش حد هنا فى التوكيل بيغير موبيل 1 فى التوكيل غير كده
قلتله امال اه لازمه صيانه 5000 كم
قالى ببصلك علىالميه والكهربا وبربط عفشة وبتدفع 45 جنيه الا لو فى حاجة عندك متغيرة
بيكشفها لما يكشف على العربية

وفى الا خر الحمد لله على سلامه عربيتك

وانصحك بالعدول عن هذه الطريقة التى قد من الممكن ان تؤذى موتور العربية على المدى البعيد(لا قدر الله)

واسف للا طاله

وكل عام وانتم بخير ورمضان كريم