الموضوع: (( رابطة الاسطورة فيات 131 ))

السلام عليكم ورحمة الله وبركاته
تحيه لجميع الاخوه في المنتدي انا هاحاول اتكلم عن موضوع تقل الدركسيون في 131 معروف ان المكونات الاساسيه
هي الاسكاترا وبارات الطرف وعامود الصليبتين بيربط بين الاسكاترا والدركسيون والتقل بيجي من كذا حته
1- بارات الطرف قافشين او واحده منهم
2- الاسكاترا مربوط عليها ازود من اللازم -كما وضح اخي الباشمهندس حسام- وده لو فيه عفشجي او بتاع ظبط الزوايا بيربطوا عليها اكتر من اللازم علشان بيقلك العربيه ماتبقاش سايبه والدركسيون مايخفش اوي خصوصا علي السرعات ودي نظريه خطأ. التظبيط السليم المناسب افضل إلا لو الاسكاترا بايظه الشحم اللي فيها نشف وبدأت تعض وبقت تقيله فكده لابد من تغييرها بواحده جديده
او واحده استيراد يشوفها واحد صنايعي لانها ممكن تكون تعبانه برضه
3- العمود الصليبه ممكن اي صليبه فيه تتقل من الاستهلاك وقلة الشحم
4- انحفاض ضغط العجل او الكاوتش العريض
وبالنسبه لصيانة الموضوع ده فهي سهلة جدا ومبتاخدشي وقت.
ويارب ان اكون افدت ولو بمعلومة بسيطه كما استفدنا الكثير والكثير من هذا المنتدي الرائع بمن فيه وبما فيه
وشكرا

تاني مشوار اخده بالعربيه من ساعه ما جيت و لاحظت الاتي

خبطه او هبده في الطلعه او لو بشد مره واحده
رعشه جامده من الزفت الكردان من اول سرعه 40 و بيخف شويه من اول 60
فرامل اليد مش مقطومه
جوان التاكيهات رايح في داهيه


روحت عديت علي الميكانيكي و انا عارف حل المشاكل دي كلها
بس المشكله طبعا في الكردان
الكردان معووج و بيعمل رعشه لحد ما بوظ اولسيه الفتيس و ابتدى يجيب زيت
طبعا الفتيس عندي بعرف انه ناقص زيت اول ما الاقي صوت نعره ف اول التالت و الرابع و خشونه ف العربيه طبعا
انا خايف علي الكرونه لايجرى فيها حاجه
عموما الميكانيكي اكد كلامي العربيه عايزه كردان و اولسيه فتيس و قعدة فتيس
قالي احنا هانطلع الفتيس و نغسله كويس و نغسل الكرونه في مكانها و ننزل الزيت و نحط زيت جديد
بس المهم الكردان يتغير لان غير كدا ولا كأننا عملنا حاجه
جوان التاكيهات هجيبه فل احسن من الكاوتش


لكن المشكله الرئيسيه في العربيه دلوقتي هي الكردان و هاحاول اغيره في القريب العاجل و اقولكو علي التطورات

المشاركة الأصلية كتبت بواسطة haythoom_7

السلام عليكم
انا قدامي عربية فيات 131 موديل 84 فابريكة جوه وواحد صاحبي بيشكرلي فيها
وبيقول تخلص على 20
اعتمد ولا غالية

20 الف ؟! موديلات التمانينيات كلها كانت قدامي من اول 23 الف !
بس شوف الاول لاتكون محتاجه مصاريف
و لو مش محتاجه تاخدها و انت مغمض

المشاركة الأصلية كتبت بواسطة hadeda

الانا اعرفه ان سعر ال131بيكون فى الحدود دى بس ممكن اقل شويه عشان كدة انا بدور على الكوبيه عشان ارخص كتيير

والله يا فندم انا لفيت اليومين دول لقيت اسعار غريبه!!
دا فيه ناس بتطلب 26 الف و 28 الف في موديل حاجه و سبعين

المشاركة الأصلية كتبت بواسطة khaledvolly

ممكن لحد 40000 بس تكون فى متانة 131 وقطع غيار رخيصة وبنزين اقتصادى
الهدف من التغير هى الشياكة
بصراحة العربية اللى معايا مريحانى لكن النظافة كويسة
هو ممكن اخليها زى الجديدة لو ينفع تصرف كام

هو عموما الاوروبي اتقل عربيات و انشف صاج لغايه دلوقتي

الياباني كويس و بيعيش زي
تويوتا كورولا موديل 94-97
نيسان صني موديل 97-98
متسوبيشي لانسر
هوندا سيفيك موديل 92-94

دي عربيات معمره و عن تجربه حمارة شغل مابتقولش لا
و قطع غيارها تركبها و تنساها و اسعارها معقوله

المشاركة الأصلية كتبت بواسطة khaledvolly

[

هو عموما الاوروبي اتقل عربيات و انشف صاج لغايه دلوقتي

الياباني كويس و بيعيش زي
تويوتا كورولا موديل 94-97
نيسان صني موديل 97-98
متسوبيشي لانسر
هوندا سيفيك موديل 92-94

دي عربيات معمره و عن تجربه حمارة شغل مابتقولش لا
و قطع غيارها تركبها و تنساها و اسعارها معقوله

شكرا مهندس سعد
بس انا اعرف ان النيسان قطع غيارها غالية وتقيلة فى البيع[/quote]

قطع غيار الياباني معمره جدا بالذات تويوتا و نيسان عن تجربه
معرفش الصراحه ايه اخبارها في السوق
لكن هي تعتبر عربيه كويسه

ممكن تدور علي عربيه كسر زيرو
انا اتباع قدامي من سنتين فيرنا كسر زيرو ب 45 الف !!