مشكله صغيره كده بتقابلنى الصبح

**M.Mostafa80** · 01-04-2009 05:00 PM

هو ياباشا اتكلم معايا أيه الى ممكن يعمل كدا تانى بالنسبالى مش معترض على كلامك لأنى معنديش مشاكل فى كل الى قلت عليه وطبعا مينفعش اتكلم بعدك
أحتمال أقابلك النهارده بس هرخم عليك فى حاجه ياريت تجيب معاك الجهاز نكشف على العربيه لو فيها رخامه يعنى

**Ahmad** · 01-04-2009 07:10 PM

المشاركة الأصلية كتبت بواسطة umoussa

عارف لو عملت كل الكلام ده والمشكلة متحلتش وطلع السبب زي مانا بقولك حساس الحرارة

مش حكلمك

كل دة بسببي أنا معلش

أنا كل هدفي استعراض كل الأسباب المرتبطة بالأعراض دي للمنفعة العامة , إنما أكيد مفيش اعتراض علي أنا السبب ممكن يكون حساس الحرارة.

امسحها في أنا دي يا umoussa

و يا ريت تعلق علي الأسباب المطروحة دي أيضا.

**umoussa** · 01-04-2009 07:32 PM

حساس الحرارة إبن اللزينة ده لما يبوز يعمل اتالي:

1. تأخير الدوارة وخاصة في الصبح
2. زيادة استهلاك البنزين
3. العربية في Cold Start تبقى متلتة
4. العربية بتبقى مكتومة

تغير الحساس الملعون ده - كل مشكلك فنيتو

**hatem_kimo** · 01-04-2009 08:14 PM

بص يا باشا لو عربيتك كربراتير يبقى ممكن يكون الكربراتير بتاعك عايز يتنضف وتغير فلتر الهواء حتلاقيها بقت زى الفل أما لو عربيتك إنچيكشن يبقى حاجة من الأتنين إما الرشاشات أو شحن الدنمو ممكن يأثر شوية على هزة الماتور

--------------------------------------------------------------------
ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.( تنبيه أول )

يرجى مراجعة قواعد و قوانين المنتدى

مشرف القسم
--------------------------------------------------------------------

**hanady** · 02-04-2009 02:23 AM

المشاركة الأصلية كتبت بواسطة momomero

ياجماعه الصبح لما بدور العربيه بحس ان المتور بيهتز بطريقه غريبه شويه ومفيش لحظات مجرد ما يسخن حاجات بسيطه ألاقيه ظبط مع انى غيرت البوجيهات وفلتر البنزين هى مش مشكله عويصه قوى بس أنا الى موسوس حبيتين من ناحيه العربيه لأنى بعتز بيها هو ممكن تكون عشان بتبقى بارده وعمتا أنا حبيت أسأل عشان أطمن هل دا طبيعى

فى كتالوج عربيتى الجيتا موديل 2008 ينصح باستخدام بنزين 95 و كاتب أنه لما تستخدم بنزين اقل زى 92 تحدث رعشة للموتور knock حوالى 2-3 دقائق يبدا بعدهم ما يسمى الميكانيزم المضاد للرعشة anti-knock system فيصبح الموتور طبيعى بدون أهتزاز.
قد يكون هذا ما تسأل عنه!

**M.Mostafa80** · 02-04-2009 04:58 PM

أختى الكريمه عربيتى البنزين المرشح ليها هو 91 وطبعا دا مش موجود فى مصر فأنا معودها على 92 وساعات كل فتره بحطلها حبه 95 دا عشان أفوق الماتور بس ما أعتقدش أنها تكون زى عربيت حضرتك ربنا يباركلك فيها يارب ويبعد عنك العين والأغبياء الى ما بيفهموش

**umoussa** · 03-04-2009 10:12 PM

يا محمد أنا كنت قاعد براجع المواضيع الي شاركت فيها

حضرتك عندك مشكلة في استهلاك البنزين + الرعشة أو بمعنى أصح انك بتحس ان العربية متلتة وبعدين تظبط..

روح عند أشرف واشتري حساس حرارة وركبه وأنا بقولك أدام الناس كلها لو العملية متصلحتش أنا حدفع تمنه

بس كده

**umoussa** · 03-04-2009 10:18 PM

المشاركة الأصلية كتبت بواسطة hanady

فى كتالوج عربيتى الجيتا موديل 2008 ينصح باستخدام بنزين 95 و كاتب أنه لما تستخدم بنزين اقل زى 92 تحدث رعشة للموتور knock حوالى 2-3 دقائق يبدا بعدهم ما يسمى الميكانيزم المضاد للرعشة anti-knock system فيصبح الموتور طبيعى بدون أهتزاز.
قد يكون هذا ما تسأل عنه!

موضوع ال Knock Sensor ليه علاقة بفقر البنزين مش بكون العربية بتترعش

في فرق بين إن العربية تكركر (تسقف) وإنها تكون متلتة

تسقيف العربية ده راجع لفقر البنزين وده طبعاً على المدى الطويل حيدمر الموتور وعلى فكرة ال Knock Sensor كل الي بيعمله علشان ييحاول يتغلب على المشكلة دي إنه بيخلي كنترول العربية يرمي بنزين زيادة على البوابة وتكون النتيجة ارتفاع استهلاك البنزين وثانياً تدمير الموتور على المدى الطويل.

مفيش حاجة برضوا اسمها الكتالوج بينصح باستخدام بنزين كذا.. المصنع بيحط شروط الأداء الأمثل وهي بالنسبة لعربيتك بنزين 95 ومفروض انك لو استعملتي البنزين ده يبقى كده العربية شغالة على حسب المواصفات لكن طبعا 92 حيشغل العربية بس بأداء منخفض بالإضلافة إلى التسقيف.

**M.Mostafa80** · 04-04-2009 12:56 AM

المشاركة الأصلية كتبت بواسطة umoussa

يا محمد أنا كنت قاعد براجع المواضيع الي شاركت فيها

حضرتك عندك مشكلة في استهلاك البنزين + الرعشة أو بمعنى أصح انك بتحس ان العربية متلتة وبعدين تظبط..

روح عند أشرف واشتري حساس حرارة وركبه وأنا بقولك أدام الناس كلها لو العملية متصلحتش أنا حدفع تمنه

بس كده

انا مقلتش حاجه والله بيس المشكله أنى ربنا كرمنى بواحد حسبى الله ونعم الوكيل فيه نزلت من البيت لقيت البابين مخبوطين خبطه جامده وطبعا مسحول فى الحوار ده

**redawilliam** · 09-05-2009 01:11 PM

طيب اللى عربيتة الصبح فقط لا غير لما اجى ادوار تعمل صوت غريب كدة ولما ارجع المفتاح وادوار تدور عادى جداا وكمان طول النهار ما تعمليش كدة تانى
يبقى المشكلة فين

الموضوع: مشكله صغيره كده بتقابلنى الصبح

LinkBack

أدوات الموضوع

عرض

-

-

-

-

-

-

المواضيع المتشابهه

مشكله صغيره في نيسان صني الجديده

مشكله صغيره فى سيفيك 98

مشكله ماتريكسيه صغيره

مشكله صغيره فى الفتيس

الكلمات الدلالية لهذا الموضوع

المفضلات

المفضلات

ضوابط المشاركة