الموضوع: مفتاح جديد مشفر للكليو

عمرو باشا السلام عليكم،،،

أنا من حوالي سنة طلعت في دماغي أعمل مفتاح أحتياطي مثل حالتك خوفاً من ضياع الأصلي وأنا مش أول يد ومش معي ألا مفتاح واحد المهم يا باشا رحت لواحد في النعام (حلمية الزيتون) جبني لاقيتة كاتب عمل جميع أنواع المفاتيح المشفرة لكل أنواع السيارات وشغال في لانسر وبي أم و..... أنواع حديثة كتير جداً
فقلت له بتعمل مفتاح الكليو فقال أيوة يا باشا وعندنا الأصلي بتاعها بــ250 جم والعادي ممكن بــ200 علشان خاطرك يا باشا فقلت خلاص كدة تمام وأنا هجيلك يوم السبت صباحاً.
ورحت يوم السبت فعلاً وبدء الشغل
أولاً: بدء بفك الفبر بتاع طارة الدركسيون علشان يصل للكونتاكت فقلت له مالك ومال الكونتاكت فقالي هذا شغلي يا باشا أتفضل أقعد علي الكرسي وأشرب الشاي بتاعك وما تشغلش دماغك خالص، أنا مش من عادتي أني أسيب العربية لصنيعي يلعب فيها أياً كان هو مين فوقفت خلف العربية وتابعته دون علمة لان الفار لعب خلاص في عبي فوجدته عمل الأتي
وضع الشفرة ألي في المفتاح داخل الكونتاكت ولذقها بأمير في الفبرة بتاعة الكونتاكت وبذلك أصبحت السيارة جاهزة للإدارة بالمفتاح فقط وعملي مفتاح عادي جداً عليه علامة رينو وبعد كدة لقيتة ببيقولي أن هذا المفتاح ذي الأصلي بالظبط فطبعاً أنا فاهم الفرق فقلتله أنت متأكد أن المفتاح دة مشفر فقال أيوة يا باشا جرب حضرتك ودور العربية فقلتله طب المفتاح بتاعي الأصلي لسة مشفر فبدء وجهه يحمر فرحت فاتح المفتاح وقلت له أنا أتسرقت الشفرة ألي جوة المفتاح أتسرقت أنا هطلب الشرطة وهو طبعاً بيستهبل ويقولي هي راحت فين طب دور في جيبك أو جوة العربية كدة وسبتة يدور في العربية والورشة والأرض وكدة حوالي نص ساعة وبعد ذلك قلت له حسابك كام يا ريس فقال 200 ذي ما أتفقنا فقلتله وعشان خاطري فقال خلاص هات 150 مع العلم الميتسوبيشي دفع 250 فرحت حاطت أيدي في جيبي ومطلع 15 جنية وحطيطهم في جيبة فبعد ما طلعهم من جيبة الراجل أتكهرب فقالي أية دة؟ فقلتله أنت بوزت الدنيا يا حبيبي وأنا هروح دلوقتي عند واحد بيفهم علشان يصلح العك دة ووضحتله أني فاهم كل حاجة وأن المفتاح أبو 4 جنية كان بيقول علية مشفر مش مشفر طبعاً دي الشفرة أصبحت جوة الكونتاكت دائماً وهذا غير متفق علي
المهم خوفاً منه علي سمعتة لأن طبعاً صوتي علي وبدءت أوضح الأشتغالة والناس واقفة ومستنية تعمل الأشتغالة رحت مديله 15 جنية كمان وروحت عند البيت وفكيت الفبرة والشفرة رجعت تاني جوا المفتاح.

وأشكرك علي أيضاح مكان محترم بيعمل مفتاح مشفر فعلاً وليس أشتغالة وأن شاء الله هعمل مفتاح عندة في القريب العاجل ......(وأسف علي الأطالة).

الحمد لله يا محمد إنك فهمت اللعبة الي هو عملها.......أنا مش عارف الناس دي بتستحل الفلوس دي إزاي....طبعاً هو قدر يعمل كده معاك عشان عربيتك هاف أوبشن والمفتاح بتاعك بيبقى فيه جزء مربع جواه الشفرة......لو كانت فول أوبشن كان تنح جنبها ومش بعيد كان خرب الدنيا عشان مفتاح الفول أوبشن مافيهوش الجزء المربع ده

بس يا محمد لازم تقول على إسم المحل ومكانه عشان الناس تحذر من بلاويه

عمرو باشا اخيرا عملتها

ياريت بقي تقولي عنوان المحل بالتفصيل الممل لاني مش من القاهرة

وياريت تقولي خد معاك وقت قد اية تقريبا

جزاك الله كل الخير وربنا يكرمك علي اللي بتعملو معانا دا

المشاركة الأصلية كتبت بواسطة Eslam_A

عمرو باشا اخيرا عملتها

ياريت بقي تقولي عنوان المحل بالتفصيل الممل لاني مش من القاهرة

وياريت تقولي خد معاك وقت قد اية تقريبا

جزاك الله كل الخير وربنا يكرمك علي اللي بتعملو معانا دا

الله يباركلك يا إسلام

شوف يا سيدي.....أكيد إنت عارف شارع جامعة الدول في المهندسين....أول الشارع ده في ميدان سفينكس الي متفرع منه أول شارع أحمد عرابي......هاتمشي لأخر الشارع ده.....هاتلاقي في أخره مطلع كوبري على إيدك الشمال....ماتطلعوش وخليك مكمل على طول....هاتلاقي الطريق خلص ومفبش قدامك غير شمال ويمين...ده شارع السودان......هاتخش شمال وتمشي فيه لغاية ما تلاقي بنزينة موبيل على يمينك.....المحل قصادهُ الناحية التانية ....277 ش السودان

الموضوع كله خلص في نصف ساعة

دي رسمة توضيحية من جوجل.....الخط من على اليمين ده يعتبر أخر أحمد عرابي لغاية السهم الأحمر الي بيشاور على البنزينة



وفقق الله

المشاركة الأصلية كتبت بواسطة عمرو عمارة

الله يباركلك يا إسلام

شوف يا سيدي.....أكيد إنت عارف شارع جامعة الدول في المهندسين....أول الشارع ده في ميدان سفينكس الي متفرع منه أول شارع أحمد عرابي......هاتمشي لأخر الشارع ده.....هاتلاقي في أخره مطلع كوبري على إيدك الشمال....ماتطلعوش وخليك مكمل على طول....هاتلاقي الطريق خلص ومفبش قدامك غير شمال ويمين...ده شارع السودان......هاتخش شمال وتمشي فيه لغاية ما تلاقي بنزينة موبيل على يمينك.....المحل قصادهُ الناحية التانية ....277 ش السودان

الموضوع كله خلص في نصف ساعة

دي رسمة توضيحية من جوجل.....الخط من على اليمين ده يعتبر أخر أحمد عرابي لغاية السهم الأحمر الي بيشاور على البنزينة



وفقق الله

الف شكر يا عمرو باشا واظن بعد كلامك كدة مفيش كلام تاني

والله انا مش عارف اعمل معاك اية ربنا يجازيك خير ويجعل مساعدتك دي في ميزان حسناتك

الف مبروك يا باشا علي المفتاح الجديد...

و شكراً علي الموضوع الجميل...