مفتاح جديد مشفر للكليو

**ecybrarian** · 01-04-2009 06:38 PM

عمرو باشا انت ربنا منور بصيرتك علشان كده اكتشفت الاشتغالات ومبروك المفتاح المشفر..انا عندي مجموعة اسئلة.. أولا هو كده يقدر يغير شفرة العربية على الإيمبولازير وعلى شرايح المفاتيح ولا لأ؟؟؟؟؟؟ اتصور إن التشفير ده له system معياري دولي علشان ما تتكررش الشفرات ولا أنا غلطان!!!
وبعدين الراجل ده ممكن يعمل كروت كمان زي بتاعة الميجان والكورولا ولا مفاتيح فقط؟؟؟

**Ahmed Selim** · 01-04-2009 09:17 PM

المشاركة الأصلية كتبت بواسطة ecybrarian

عمرو باشا انت ربنا منور بصيرتك علشان كده اكتشفت الاشتغالات ومبروك المفتاح المشفر..انا عندي مجموعة اسئلة.. أولا هو كده يقدر يغير شفرة العربية على الإيمبولازير وعلى شرايح المفاتيح ولا لأ؟؟؟؟؟؟ اتصور إن التشفير ده له system معياري دولي علشان ما تتكررش الشفرات ولا أنا غلطان!!!
وبعدين الراجل ده ممكن يعمل كروت كمان زي بتاعة الميجان والكورولا ولا مفاتيح فقط؟؟؟

بيعمل كارت للميجان يا باشا........أرخص من التوكيل بس مش بكتير....تقريباً ب 1700 زى ما أكمل قاللى......عشان بيجيب الكارت نفسه من برة لأنه طبعاً مش موجود فى مصر.

ألف مبروك يا عممممممممممور

**aliabutaleb** · 01-04-2009 07:02 PM

مبروك عليك المفتاح الجديد يا عمرو
على فكرة مركز سعيد ده وضح ليا إنه مفتي جداً لما كلمته عشان أطلع على مفتاح السيريون

**Amr_Moh** · 01-04-2009 09:16 PM

نجم يا عموور

**momo10000** · 01-04-2009 10:52 PM

الف مبرووووك يا عمرو..... الحمد لله ان المشكلة اتحلت.

**akmal_hamdi** · 01-04-2009 11:31 PM

الله يخليك يا عموره ولا شكر على واجب انت بوظ بس وملكش دعوه
انا كريم وانت تستهل

**عمرو عمارة** · 01-04-2009 11:37 PM

المشاركة الأصلية كتبت بواسطة akmal_hamdi

الله يخليك يا عموره ولا شكر على واجب انت بوظ بس وملكش دعوه
انا كريم وانت تستهل

ربنا يجعله في ميزان حسناتك إن شاء الله

**farahat** · 02-04-2009 12:13 AM

ألف مبروك يا عمرو باشا ، و الحمد لله إن ربنا الحمق و نجاك من النصبة بتاعة سعيد .
أنا بس عندي سؤال ، هو فعلاً ممكن يعمل كارت الميجان ، أصل رينو فرنسا كانت مطلعة تحذير إن الكارت دة عشان يتعمل لازم يطلع من فرنسا نفسها (دي مش فتية أنا قرأت التحذير دة من حوالي سنتين في مستند رسمي كانوا حطينه على النت )، و يسألني حد من الوحوش و يقول هيمنعوها ازاي يعني ؟؟
هي القصة إن الجزء الخاص بالشفرة في الميجان II (أو ما يسمى ال-transponder ) عبارة عن IC كاملة مش مجرد جزء بلاستيكي فيه الشفرة ، و داخل ال-IC دي بيتبرمج حاجتين : جزء على ROM أي ذاكرة لا يمكن مسحها و بيكون فيها ال-VIN بتاع العربية و دي بيعملها رينو france فقط (عشان كدة لما تطلب كارت من التوكيل بيتأخر على ما ييجي ) ، و الجزء التاني فيه شفرة الإموبيليزر و دي بيبرمجها التوكيل أو أي حد بتاع مفاتيح عن طريق الجهاز (سواء clip أو غيره )
عشان كدة مش من السهل إن كرت الميجان يتعمل بدون الرجوع لرينو نفسها ، أنا مستغرب ازاي عزب دة بيعمله ! ، إلى إذا كان بيجيب الكارت من رينو فرنسا عن طريق رقم السيارة !

عموماً مبروك مرة تانية ، و ربنا يجعلها أخر الأحزان :)

**akmal_hamdi** · 02-04-2009 01:35 AM

المشاركة الأصلية كتبت بواسطة farahat

ألف مبروك يا عمرو باشا ، و الحمد لله إن ربنا الحمق و نجاك من النصبة بتاعة سعيد .
أنا بس عندي سؤال ، هو فعلاً ممكن يعمل كارت الميجان ، أصل رينو فرنسا كانت مطلعة تحذير إن الكارت دة عشان يتعمل لازم يطلع من فرنسا نفسها (دي مش فتية أنا قرأت التحذير دة من حوالي سنتين في مستند رسمي كانوا حطينه على النت )، و يسألني حد من الوحوش و يقول هيمنعوها ازاي يعني ؟؟
هي القصة إن الجزء الخاص بالشفرة في الميجان II (أو ما يسمى ال-transponder ) عبارة عن IC كاملة مش مجرد جزء بلاستيكي فيه الشفرة ، و داخل ال-IC دي بيتبرمج حاجتين : جزء على ROM أي ذاكرة لا يمكن مسحها و بيكون فيها ال-VIN بتاع العربية و دي بيعملها رينو france فقط (عشان كدة لما تطلب كارت من التوكيل بيتأخر على ما ييجي ) ، و الجزء التاني فيه شفرة الإموبيليزر و دي بيبرمجها التوكيل أو أي حد بتاع مفاتيح عن طريق الجهاز (سواء clip أو غيره )
عشان كدة مش من السهل إن كرت الميجان يتعمل بدون الرجوع لرينو نفسها ، أنا مستغرب ازاي عزب دة بيعمله ! ، إلى إذا كان بيجيب الكارت من رينو فرنسا عن طريق رقم السيارة !

عموماً مبروك مرة تانية ، و ربنا يجعلها أخر الأحزان :)

استاذ فرحات بعد تحياتى ليك احب اوكد على كلامك بس انا عايز اقولك ان المفتاح بيتعمل اون لاين مع الشركه فى فرنسا بيحطوه فى جهاز و بيدخلو السكيورتى كود و الشركه الأم بترسل كود التشفير للجهاز الذى بوصفه بينقله للمفتاح و المفتاح بيخلص فى نفس اليوم و الشركه فى مصر لا تمتلك غير السكيورتى كود بتاع العربيه بس

-

الموضوع: مفتاح جديد مشفر للكليو

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

-

المواضيع المتشابهه

هل مفتاح الاوبترا مشفر

مفتاح النترا مشفر

تركيب مفتاح مشفر للدايو الي ما فيهاش مفتاح مشفر

مفتاح الكارينز مشفر ولا مش مشفر

مفتاح مشفر

الكلمات الدلالية لهذا الموضوع

المفضلات

المفضلات

ضوابط المشاركة