نصائح سريعة للتليين

**medoezzat** · 27-03-2009 09:43 PM

موضوع جميل بس للأسف قريته متأخر....أنا لما جبت العربية معملتش ولا حاجه من المكتوبه فوق دي :K_crying[1]: دنا يوم مستلمتها جبت 170 ونا راجع بيها من القاهره :k30: بس و هي معايه بألها سنه والحمد لله موتورها زي الفل ...المهم أنا كنت عايز أعرف ايه الضرر من ده (اني ملينتش زي ما حضرتك شرحت) .. و شكراا

**sab3aawy** · 28-03-2009 11:23 AM

الضرر عادة ينعكس على عمر المحرك، لأن فترة التلين هى فترة"تطبيع"اجزاء المحرك وآلات الجر والفرامل، اى الفترة التى تأخد فيها كل قطعة صورة معكوسة من سطح القطعة التى تتحرك عليها او تلامسها، يعنى مثلا الشنابر سطحها بيبتدى ينطبق تماما على سطح الشميز الملاصق لها وتنتفى اى فراغات ضئيلة ناتجة من ان عمليات التصنيع دقتها لابد ان تكون اقل من 100%، وبالتالى فان حركة الأجزاء بنعومة فوق بعضها فى بداية التشغيل تعطيها فرصة لخلق حالة من التآكل المنتظم للزوائد الصغيرة جدا التى تعوق عملية الانطباق الكامل(أو التطبيع) بين اجزاء المحرك وآلات الجر حتى يتحقق التطبيع ، فى حين ان الاستعمال العنيف للسيارة لا يتيح هذة الفرصة وبدلا من ان يسهم التآكل المبكر فى تطبيع الأجزاء على بعضها تماما فأنه قد يترك خدوشا لا تنمحى فى الأجزاء الميكانيكة تسهم بشكل ما فى سرعة تآكل المحرك الى حد ما بالمقارنة بالمحركات من نفس النوعية(يعنى العربية المش متلينة مش هتفوت بعد سنة تشغيل لكن لو كانت اختها بتعيش نص مليون كيلو مثلا فممكن العربية اللى مش متلينة تبدأ تعمل مشاكل بعد تلتين المسافة دى مثلا)، عموما فان المحركات الحديثة تمر بفترة تليين فى المصنع، مع ذلك فان التليين على الحمل(والمحرك جارر السيارة) لا بد منه لتحقيق التليين الكامل، كما ان التليين فى المصنع لا يشمل آلات الجر والفرامل والعفشة، وبالتالى فان تليين السيارة ككل مسألة هامة ومنصوص عليها فى دليل المستخدم لمعظم ماركات السيارات، صحيح ان مسألة التليين لم تعد مقعدة وحساسة كما كان فى الماضى بسبب تقدم عمليات التنصيع،(يعنى زمان كان التليين على 60 ، ديلوقتى بتلين على 100 وبحساسية اقل)لكنها لا تزال مسألة غير منفية ومطلوبة

**medoezzat** · 28-03-2009 06:37 PM

المشاركة الأصلية كتبت بواسطة sab3aawy

الضرر عادة ينعكس على عمر المحرك، لأن فترة التلين هى فترة"تطبيع"اجزاء المحرك وآلات الجر والفرامل، اى الفترة التى تأخد فيها كل قطعة صورة معكوسة من سطح القطعة التى تتحرك عليها او تلامسها، يعنى مثلا الشنابر سطحها بيبتدى ينطبق تماما على سطح الشميز الملاصق لها وتنتفى اى فراغات ضئيلة ناتجة من ان عمليات التصنيع دقتها لابد ان تكون اقل من 100%، وبالتالى فان حركة الأجزاء بنعومة فوق بعضها فى بداية التشغيل تعطيها فرصة لخلق حالة من التآكل المنتظم للزوائد الصغيرة جدا التى تعوق عملية الانطباق الكامل(أو التطبيع) بين اجزاء المحرك وآلات الجر حتى يتحقق التطبيع ، فى حين ان الاستعمال العنيف للسيارة لا يتيح هذة الفرصة وبدلا من ان يسهم التآكل المبكر فى تطبيع الأجزاء على بعضها تماما فأنه قد يترك خدوشا لا تنمحى فى الأجزاء الميكانيكة تسهم بشكل ما فى سرعة تآكل المحرك الى حد ما بالمقارنة بالمحركات من نفس النوعية(يعنى العربية المش متلينة مش هتفوت بعد سنة تشغيل لكن لو كانت اختها بتعيش نص مليون كيلو مثلا فممكن العربية اللى مش متلينة تبدأ تعمل مشاكل بعد تلتين المسافة دى مثلا)، عموما فان المحركات الحديثة تمر بفترة تليين فى المصنع، مع ذلك فان التليين على الحمل(والمحرك جارر السيارة) لا بد منه لتحقيق التليين الكامل، كما ان التليين فى المصنع لا يشمل آلات الجر والفرامل والعفشة، وبالتالى فان تليين السيارة ككل مسألة هامة ومنصوص عليها فى دليل المستخدم لمعظم ماركات السيارات، صحيح ان مسألة التليين لم تعد مقعدة وحساسة كما كان فى الماضى بسبب تقدم عمليات التنصيع،(يعنى زمان كان التليين على 60 ، ديلوقتى بتلين على 100 وبحساسية اقل)لكنها لا تزال مسألة غير منفية ومطلوبة

شكرااا على ردك

**igneous** · 02-06-2009 04:09 PM

طب المفروض الين بيها اد ايه امشي كام كيلو يعنيو المفروض بعد التليين اغير زيت بعد 3000 بردوا ولا 1000 و لازم اطلع بيها مشوار طويل علشان اظبط حرق البوجيهات لان انا بحس انها لسه كمتظبطيتش اوي الميكانيكي يقولي يا بيه ديه عايزه مشوار طويل انا عامل بيها 1300 كيلو و بقيت اطلع لل 100 دلوقتي انا مشيتلي بيها شويه كده علي 60 حوالي 500 كيلو و بعد ابتديت اطلع سنه سنه / و المفروض اغير الفلتر بعد وقت معين ولا العادي بردو

**Abo.Omar** · 03-06-2009 11:46 PM

مشكور وموضوع متميز فعلا

**nasroo** · 04-06-2009 11:59 AM

طب يا استاذ سبعاوي ممكن رايك في الموضوع ده عن التليين عشان انا كده احترت وخصوصاً التليين بعد طقم الشنبرhttp://www.nilemotors.net/Nile/showthread.php?t=78241

**kemoelord** · 04-10-2009 02:04 PM

طيب يا جماعه انا طول عمري متعود على السيارات المانيول فبالتالي انا الي متحكم في كل حاجة لكن لما جيت اسوق اتوماتيك هل لها قيادة محددة بمعنى في المانيول انا الي مش بخلي ال rpm يزيد عن 3000 او 3500 لكن في الاتوماتيك لما باجي ادوس بنزين بلاقي ال rpm طلع وعدى ال 4000 علشان العربيه مثلا تاخد سرعه علشان مش انا الي متحكم في الناقله !!!!!!!!!

**medoampir** · 04-10-2009 06:36 PM

موضوع جميل يا استاذ سبعاوى خصوصا انى لسه مستلم لانوس مانيوال 2010
بس لو ممكن تفيدنى فى الموضوع ده

http://www.nilemotors.net/Nile/98670-a.html

انا مش عارف ايه المشكله

شكرا